Luka 12:15 - Vato Vari Vakameka Voru Ia Batu Ne

¹⁵ Gonae i sine ne qira, “Muna miasoka ze de qamu koe sauna palana topuna pata. Tanego too ogoto ia basoe iki lulua kaega pataro i toṉove go. Pata volomo i toṉove go topuna pata.”

Luka 12:15 ပူးပေါင်းရင်းမြစ်များ

Maka 7:22

taunata, sokona pala na osina pata, mana zazu nena soso pata sakataro, poqe, zazu ne na ba sine vasadake na pata ni lete sakata sivala go, qora, pepeu valu na basoe vazakanapu mana zazu nena pata ni lulua go too bulabulaṉoe.

Luka 12:16

Gonae Jesu i sine ne qira va padapada dena, “Kaki kameka valeke vavagado iko ne pua velaka, mana i podo velake pata lebaleba ro ia, mana iri ure velaka.

Luka 16:14

Ṉalu vano Parisio iri gata pataro dena, iri vakari ne Jesu, tanego iri mamaligara ne kesa.

Luka 21:34

Muna miasoka tanuqamu mana kasi va riqo zena kelo lavata ro, ba ge loka, mana poro nanao na too na ninidena, niki go musaqara igogo ne niki lama pala va poloso qamu.

Luka 8:14

Paturu ro i soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne, iki ure kaega de iri koego.

Kameka Korinti 6:10

mana vano iri siko mana vano iri soko pala na topu na pata, ba poro ge loka ba poro pepeu valu qira kero ne basoero, ba vano iri poro sikosiko go. Kaega kaki kameka ria dena tarina keba za go Too ikoego vari miasoka ia God.

Kolosia 3:5

Muna vae vale too ba vatovato na pua dena ni zazu e loboro qamu, gere vari vagabu sakata de koe kene basoe, ba zazu ogoto ne pata sakata de koe kene basoe, nanao ba soko na zazu sakata, mana kasi qora ne patapata ia kene basoe, tanego i gere ṉalu qamu vazaka go beku.

Karua Timoti 3:2

Basoero ne tarina nanao so tanuqira mana tarina soko topuna kesa go. Tarina vazakanapu mana kuzuku lavata go. Tarina seko sakata qira basoero mana tarina legulegue de iri koego vanovano ria go. Tariniki sine kaega seko velaka mana tariniki nanao soba kaega God go.

Iburu 13:5

Kasi poro va riqo zena too ramu, mamaligara ne na kesa, do muna kula neso pataro i ko ne qamu go. Tanego God i sine, “Era tuniki vana nigo kaega, mana era tuniki paqa kasi nigo kaega go.”

Karua Pita 2:14

Kaega so kaki pata iri lete soko go, do zazu nena so taunata osina ṉalu. I makuru qira va mamanava na too sakata ria nae. Mana iri lete va bulaṉoi qira to basoero i memelaka go vaogoto ria, go mara vasakata napu qira iri go. Mana puṉuqira i lete soko so pala na patapata ro ria basoero ne go. Iato nae tane God i sine bana, tina vakimata qira igogo ne.

Karua Pita 2:3

Vano vari vatatana poqepoqe ro nae, iri soko so pala na kesa ramu, iago iri vari vatatana ne so pata poqepoqe ro. Do kimata ria vano vari vatatana poqepoqe ro dena, i nama bana me so. Iago i makuru qira tarina paqa ne, ia tina vae vasakata qira go.