Luka 11:39 - Vato Vari Vakameka Voru Ia Batu Ne

³⁹ Batu ne i sine ne valeke ne, “Ramu vano Parisio qamu vadalo so kakamuna kapu mana ebata ramu, do loboro qamu i purake so pata vari vavokara mana vatovato sakata ro go.

Luka 11:39 ပူးပေါင်းရင်းမြစ်များ

Matiu 15:19

Tanego loborona nanao na basoe i tupi mego nanao sakata ro, gerena vae vale na basoe, taunata, zazu sakata de koe kene basoe, siko, poqe mana pepeu valu qira basoero ne go.

Matiu 7:15

Jesu igo napu dena, “Muna mia velaka qira basoero, tanuqira iri propeta ia God iri go do iki ogoto kaega. Tanego ṉalu iri lamae de qamu koego ramu, iri gere basoe ki mimia vari vasareki kaega. Do dego loborona too ogoto ria i vari vasareki, iri gere qira sikapiru ro.

Luka 16:15

Jesu i sine ne qira, “Ramu qamu pada taru ne to vamimia velaka na tanuqamu, tarakenaqa qira basoero topu, do God i rove bana pata ikoego loborona puṉu qamu. Tanego pataro qamu nanao go ramu basoero i pata lavata go, de ikoego God, i patavolomo so.

Luka 7:13

Ṉalu Jesu i mia qole nanaro ne, i lete nanao ia mana i sine ne ia igo, “Kasi dae.”

Luka 7:19

mana ivazao qirue dekoe Batu ne, go tiruna za tana ne ia, tana dena, “Avigo aro to tane ia tina lama go, ni sine go Jon? Ba timuna piri ne kaki basoe napu?”

Tarama Velaka Ia Jesu Kristo I Karo Go Jon 12:6

Jiudas i sine seko ro dena, do iki nanao qira so kaega vano situ, ia i valeke sikosiko. Jiudas to i miasoka go kesa ro ria disipoloro ne, mana i vazazua kakiaro ṉalu sauna so tavisi ne na tanuna go.

Tarama Velaka Ia Jesu Kristo I Karo Go Jon 13:2

Raravi na ṉalu nae, Jesu mana disipoloro ia iri za ṉaṉa go, Satana i keba banae nanao na Jiudas sale ia Saimon Iskariot go tina va besa nego Jesu.

Zazu Ria Apostoloro 5:3

Pita i sine ne ia, “Ananaisi, avigo tane qo vamalumu ne Satana ni lama kenaqa nigo, mana qo poqe nego Spirit tabo, tanego qo sotia go kakia ro kesa qo pala ze go patapata ro aro?

Qalesia 1:14

Era to qa kenaqa ne qira go vano voru qimu kameka varitora me mana qimu lete va mazale lotu mana vatovato bana ria vano kazigarata ro remu vano Jiu go.

Karua Timoti 3:5

Tarina gere qira vano lotu, do iriki soko kaega karaputa ia God tina kenaqa ne too ria. Aro ne, oniki tavisi too igogo nae.

Taetusi 1:15

Basoe i velaka go nanao na, i rove osina pata i velaka mana i tora vazazu na go. Do basoe iki velaka go kaega nanao na, mana iki vaogote kaega God, i rove osina pata iki velaka kaega. Iago basoe nae ne, nanao na mana vatovato ia gogo ne i sakata lupo bana to.

Jemisi 4:8

Muna lama ko garogaro de ikoe God, go God tina ko garogaro qamu go. Muna vanane vasakatapata ramu vano qamu zazu ne qo vasakatapata, mana vadalo puṉu qamu ramu vano qamu tatakiu go.