Luka 11:2 - Vato Vari Vakameka Voru Ia Batu Ne

² Jesu i sine ne qira, “Ṉalu qamu pene, iadena to pata tamuna sine go, Tamaqemu di vatabo go vitoṉomu. Teke ne qemu Too ikoego vari miasoka ia aro.

Luka 11:2 ပူးပေါင်းရင်းမြစ်များ

Matiu 10:32

Gonae Jesu i sine ne qira, “Ṉalu kaki basoe i sine vasadaka ze de iri koego basoero ne, igo, ‘Tanuna i lulu ara era,’ era tuna sine vasadaka napu ze ia de ikoego Mamae tepa rani ne, basoe nae i ke rera go.

Matiu 3:2

Igo, “Manava sakata mana kavale vatovato sakata ro ramu, tanego de ikoego vari miasoka ia God i lama garogaro!”

Matiu 5:16

Gerena napu so, tatavata ireqe de qo koe aro mara tatavata ne qira basoero, go ṉalu tarina mia vatovato velaka raro, tarina vazaka Tamaqamu ikoego rani ne.”

Luka 11:1

Kaki kameka ṉalu Jesu i pene kaki dia. Ṉalu i pene lupo, kaki kameka disipolo ia i sine ne Jesu, “Batu vatatana qemu e de go pene, gerena Jon iva tatana qira disipoloro ia.”

Leta Ia Pol I Karo Ne Qira Basoero Na Rom 1:7

Iago, qa karo ne qamu ramu basoero topu qamu koe go Rom, tanego God i mamaligara ne qamu, mana i koru qamue basoero ia tanuna. Go God Tamaqita mana Batu ita Jesu Kristo mara riru teke ne qita mana, mana bule ia.

Leta Ia Pol I Karo Ne Qira Basoero Na Rom 8:15

Tanego Spirit ia God i teke ne qamu go, iki zazu ne kaega go tina vaseka qamu ramu, mana vasareki qamu go. Do Spirit tabo i varove qamue qamu salero ia God, mana karaputa na Spirit tabo qata koru ze go God, “Mamae! Tamaqemu!”

Kameka Korinti 1:3

Go God Tamaqita mana Batu ita Jesu Kristo mara teke ne qamu Mana, mana dalo ia.

Karua Korinti 1:2

Qa pene, go God Tamaqita mana Batu ita Jesu Kristo mara Mana ne qamu mana mara teke ne qamu vato bulebule ia.

Qalesia 1:4

Kristo iteke ne tanuna tina le ne sauna vasakata pata ro ita, go ita mata talukase too sakata na pua dena. Loborona vatovato dena to i lulua go soko ia God Tamaqita.

Epesus 1:2

Go God Tamaqita mana Batu ita Jesu Kristo mara riru teke qamu Mana mana bule.

Pilipae 1:2

Go God Tamaqita mana Batu ita Jesu Kristo mara teke ne qamu vatabo mana ko bulebule ia.

Pilipae 4:20

De koe God ita mana Tamaqita, karaputa mazala ia iko osina ṉalu mana ka ṉalu gado kutona i kaega. Amen.

Kolosia 1:2

De iri koego baso basoero ia God iri koego Kolosia, ria iri vakitaka velaka garu loborona ko totoloṉo ria loborona vari vakameka ria de koe Kristo. Go God Tamaqita mara teke ne qamu Mana, mana ko bulebule ia.

Kameka Tesalonika 1:1

Era Pol, Saelas, mana Timoti, qimu karo ne qamu ramu vano lotu qamu koego Komala Tesalonika, qamu basoero ia God Tamana, mana Batu ita Jesu Kristo. Go Mana ia God ina teke ne qamu dalo mana mamaligara iago.

Kameka Tesalonika 1:3

Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.

Karua Tesalonika 2:16

Go Batu ita Jesu Kristo mana God Tamaqita i mamaligara ne qita, Mana ia, i vakaraputa qita osina ṉalu mana i vanadua ruruqe ita go.

Revaleson 11:15

Vavituna aqelo ne i puqo kuvili ia, mana qa gata ovaṉa lavata i naki me tepa rani ne, iri go, “Karaputa tina kenaqa ne ze go kolabana pua ne i ke iato Batu God ita mana Mesia iago, mana iato tina kenaqa go osina ṉalu topuro ne!”

Revaleson 15:4

Iago Batue akena to tina sareki nego vazakana vitoṉomu aro na? Mana akena to tina kasia go sine vasadake na mazala ro aro na? Osina basoero na vudu pua tarina lama mana vazaka vitoṉomu aro tanego tanumu so aro qo lete tabo sivala, tanego qo vasadaka bana too velaka ro aro, i lete totoloṉo sivala go.”

Revaleson 19:6

Lupo nae qa gata napua ovaṉa igere ovaṉa qira basoero topu, i ovele gere dudulu na besi mana qumara na ne, igere soru na pakala lavata, qa gata iri sine, “Mata vazaka God! God Batu ita i karaputa sivala go mana tanuna so ia i batu lavata go!

Revaleson 20:4

Qa mia napua kakiaro de kolokoloku ro ia batu ne. Ria iri kolokue go ne, ria to iri pala go karaputa go tarina varitanae ne qira go basoero ne. Qa mia napua madau qira vano iri kodaka bana go kuzuku qira, tanego iri sine vasadake go ogotona seko ia God i tarama nego Jesu. Basoero dena iriki vazaka kaega pata qaraqara piru ne ba beku na go. Iriki taru ze kaega lala ia pata piru ne rae qira ba karisi qira. Ṉalu nae iri too napu me tepa le mana iri lama batu lavata tavise Kristo torana kameka mao masirani.