Luka 1:78 - Vato Vari Vakameka Voru Ia Batu Ne

⁷⁸ God ita i lete manava mana vari nanao, ia tina va tatavata mego de qata koego ita, tatavata na vari vakavele ia.

Luka 1:78 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 3:16

God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo.

Epesus 5:14

Tanego pata iri mia rove go to basoero ne i reqeme go tatavata. Iato go i sine go, “Muna dogara ramu qamu kamuku go, mana Kristo tina teke ne qamu tatavata go.”

Pilipae 1:8

God i rove, era qa sine seko i ogoto go, ṉalu qa sine, era qa lete nanao qamu ramu, gere so nanao i reqe mego puṉuna tanuna Jesu Kristo.

Pilipae 2:1

Ṉalu too ramu i koe loborona Knsto, lato ivakaraputa qamu, mana mamaligara ia iva momotono qamu go. Ramu qamu vari vakameka e de koe Spirit tabo, ramu qamu vari vatatavisi mana varinanao tanuqamu.

Kolosia 3:12

Ramu qamu basobasoero ia God, i mamaligara ne qamu mana i vine qamu tamuna ke ia tanuna. Iago vakeba ze too ramu, vari vatatavisi, dego va velaka ne na kene basoe, vaqoqoro na too ramu, vamanakamana basoe mana va totoloṉe basoe i zaza kakavata go, va losia nanao qamu, kasi muma katikili go.

Karua Pita 1:19

Iago remu qimu lete vaogote to sekoro ria propeta ro iri sine bana go, iago i tora ramu muna pala taru vamazale seko ria propeta ro, tanego sekoro dena i gerena kameka pazi i tatavatae go de i rodoko, mana pazi dena tina damara go tina doka so tavuara na musaqara, mana tatavata na domiri dodola tina tatavatae puṉuqamu.

Kameka Jon 3:17

Do ṉalu kaki kameka valeke vavagado i mia kakia turana iko makuru ne go pataro tina tavisi ne go, do valeke vavagado dena iki soko to kaega tavisi nena sauna pata i makuru ne go turana dena. Avigo tane i sine go tanuna imamaligara ne God igo na?

Revaleson 22:16

“Era, Jesu qa turi ne aqelo era, go tina sine ne qira basoero na eklesia ne. Era qa podoe sinaqe ia Davita mana qa gere go domiri dodola, ni tatavata mego sarusaruku lolotoro ne.”