Luka 1:68 - Vato Vari Vakameka Voru Ia Batu Ne

⁶⁸ “Mata vazaka Batu, God na Izirel! Tanego i lama tavisi qira basoero ia, mana iva kavale qira go.

Luka 1:68 ပူးပေါင်းရင်းမြစ်များ

Luka 1:71

Go ia tina vakavele qitae, de iri koe ria vano iri kana ne qita, mana tina lupasa qitae karaputa ria vano iriki soko qita go kaega.

Luka 19:44

Ria tarina vasakata lupo go, mana osina basoero iri koego loboromu go, kaega kaki kameka ipaka suka tinara ko sivale go de iko banae, tanego aro qoki mia rove kaega ṉalu God tina lama va kaveli go.”

Luka 2:38

I vavoto napua so ṉalu nae propeta Ana i lama doka, mana i seko velaka zaqe God, mana i pepeu ne qira ria iri piri nego God tina vakavele go Jerusalema.

Luka 24:21

Mana remu qi nanao iato tina bauru ne go basobasoe na ro Izirel qi go! Do ninidena i kapisa to musaqara ni sivala nego pataro ni sadaka go.

Luka 7:16

Osiqira basoero ne iri lete sareki lupo mana iri vazaka God, iri go, “Kaki propeta lavata sivala i lama sadaka qita.” Iri go, “God i lama go tina vakavele qira basoero ia.”

Epesus 1:3

Mata vazaka God Tamana Batu ita Jesu Kristo! Tanego loborona ko kameka ita de ikoego Kristo ia iva makaolo qita iteke ne madau qita osina sosovolomo na vudu rani ne.

Epesus 1:7

Tanego le ia Kristo i bauru ne qita, go qata talukasa go. Sauna ianae God i nanao ule ne vasakata pata ita. Avana to mamaligara lavata ia God de qata koego ita,

Iburu 9:12

Ṉalu Kristo i keba za go pade iri pala zazao nego, kameka ṉalu so de ilete tabo sivala go. Jesu iki pala za kaega parasana nani koti ba buluka go tina koma koma nego, do ia i pala za parasana tanuna mana zuka dena to i pala vakuziki ne vasakata pata ro ita mana qata pala ze vari vakavele ita go.

Kameka Pita 1:3

I lete velaka sivala mata teke ne seko velaka de ikoe God Tamana Batu ita Jesu Kristo! Tanego Mana ia i teke ne qita too voru loborona va too ivae mego Jesu Kristo tepa le ne. Ia dena nanao iva puraka qitae ita ruruqe i too taru osina ṉalu.