Luka 1:17 - Vato Vari Vakameka Voru Ia Batu Ne

¹⁷ Ia tina za kenaqa ne Batu ne, moqere mana lavata gerena propeta Ilaiza. Tina va kameka napu ne qira, salero de iri koego tamaqira ro, mana tina vatabali va totoloṉo qira vano legulegu tarina nanao totoloṉo. Jon tina vanama ne qira basoero ia Batu ne, sauna lama na ia.”

Luka 1:17 ပူးပေါင်းရင်းမြစ်များ

Matiu 11:14

Mana ṉalu qamu toqe ne vaogoto na pataro iri sine go, i velaka to, Jon na bapitema dena to i gere go propeta Ilaiza.

Matiu 14:4

Tanego Jon na bapitema i sine bana ne Erode igo, ‘Iki totoloṉo kaega aro qo busia go Erodiasi.’

Matiu 3:3

I sauna to Jon tane propeta Isaia i seko ne igo, “Kaki basoe i koru me de iki koego kaega pata podopodo lavata ro igo, ‘Muna vanama ne zuka ia Batu ne, vatotoloṉe zuka tina lulua go.’ ”

Matiu 3:4

Jon i va roku ne poga iri zazu ne ze uguruna kamolo, mana iva beloto ne kapotona buluka go. Pataro ige go ne, nopi mana biuma ikoego sasaniga go.

Luka 1:16

Ia tina pala vaule qira me topu ria basoero na Izirel, de i koego God, Batu ria.

Luka 1:76

Aro sale era, tarina koru ge propeta ia God ni zakazaka sivala go, tono za kenaqa ne Batu ne mana za vanama ne zuka ia.

Tarama Velaka Ia Jesu Kristo I Karo Go Jon 1:13

Iriki podo gere kaega salero iri podo ego parasa qiru valeke mana qole, do God i zazu ne qira go, iva gere qirae salero ia.

Tarama Velaka Ia Jesu Kristo I Karo Go Jon 1:34

Tanuqu qa miasoba bana to, mana iato qa sine ne qira go basoero, valeke dena i Tuna God.”

Tarama Velaka Ia Jesu Kristo I Karo Go Jon 3:28

Ramu qamu gata bana sine qavae nego, ‘Era qaki Mesia kaega. God ituri nava era tuna kenaqa me!’

Zazu Ria Apostoloro 10:33

Mana iato go qa vagaretu qira qo basoero nae, mana aro qo toqe velaka ne lama go. Ninidena remu qi lama teṉo ego dena tarakenaqana God, qemu piri ne gata na osina pata tono sine go aro, gerena so God ni teke bana nigo, go tono lama sine go.”

Leta Ia Pol I Karo Ne Qira Basoero Na Rom 9:23

Mana i soko napu vasadakena velaka sivala na karaputa ia, i zele me ze go de iri koe go ria iri pala go manava ia, mana de qata koe go ita ia i vanama ne qita go tatana pala tavise go menomeno ia.

Kolosia 1:12

Mana loborona kula ramu, muna seko velaka zage Tamaqita, ia i mia va tora qamu e ramu pala tavisi na todo qamu pata i sotia go God i taru bana ne qira go basoero ia loborona de ikoego tatavata ia God.

Karua Timoti 2:21

Ṉalu kakia basoe i vadalo too ia, dekoe vasakata pata ro qa sine go era ne, ia tina basoe tabo mana tina basoe zazu ia Kristo, mana tina vanama taru neso kakiaro napu zazu ro go.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.

Kameka Jon 2:28

Iago salero era, muna ko vanadu tarue so loborona Kristo osina ṉalu, go tatana purake go karaputa ṉalu tina lama sadaka qita go. Mana ita mara kaega ne qita agava de ikoego ia musaqara tina lama go.

Revaleson 20:4

Qa mia napua kakiaro de kolokoloku ro ia batu ne. Ria iri kolokue go ne, ria to iri pala go karaputa go tarina varitanae ne qira go basoero ne. Qa mia napua madau qira vano iri kodaka bana go kuzuku qira, tanego iri sine vasadake go ogotona seko ia God i tarama nego Jesu. Basoero dena iriki vazaka kaega pata qaraqara piru ne ba beku na go. Iriki taru ze kaega lala ia pata piru ne rae qira ba karisi qira. Ṉalu nae iri too napu me tepa le mana iri lama batu lavata tavise Kristo torana kameka mao masirani.