Kolosia 4:3 - Vato Vari Vakameka Voru Ia Batu Ne

³ Muna pene napu ne qemu remu, go God tina teke ne qemu ṉalu velaka go timuna tarama ne vavagazama na de go Kristo i ko pipika bana go. Tanego sauna to seko igogo ne iri taru vego era qa koe go bara ne.

Kolosia 4:3 ပူးပေါင်းရင်းမြစ်များ

Matiu 13:11

Jesu i vataule ne qira, “De qamu koego ramu God i papaqa bana nanao qamu go tamuna rove pata pipika na Too ikoego vari miasoka ia God, ba de iri koego basoero nae God iki papaqa ne qira kaega.

Zazu Ria Apostoloro 14:27

Ṉalu iru lama dokae Antiok, iru qoqoṉo qira basoero lotu mana iru pepeu ne qira de igogo osina ro pata, God i zazu ze go de iri koego vano iriki Jiu go kaega, go iara papaqa go nanaoqira, go iri ara vaogoto go.

Leta Ia Pol I Karo Ne Qira Basoero Na Rom 16:25

Mata vazaka God! Iato imazala go vanaduna vaogoto, go tamuna lulua go Tarama Velaka qa tamana qamue go era. Sauna Jesu Kristo, iago, Tarama Velaka dena to ivasadaka va velaka me ze go God seko igoto i pipika bana mego ṉalu bana ne.

Kameka Korinti 16:9

Tanego siporaṉa na ro zazu i papaqa nava, topu zazu lavata ro qa mazala zazu ne, go do topu napu kana ro iri ko napu.

Kameka Korinti 4:1

Ramu muna nanao rove remu qi vano zazu ia Kristo, qi sine vasadake seko ogoto ia God iki sadaka bana go kaega.

Karua Korinti 2:12

Ṉalu qa lama dokae Troas, go na tarama ne Tarama Velaka ia Jesu Kristo, era qa lama rove Batu ne i papaqa bana zuka go tuna za zazue era.

Epesus 3:1

Sauna to pata dena iri taruve go era bara ne, tanego qa keia Jesu Kristo, mana sauqamu ramu vano qamuki Jiu go kaega, qa pene ne qamue God.

Epesus 3:3

God i vasadake namanama pipika ia, mana i varove zave era. Era qa karo zatu seko pusi sauna pata dena.

Epesus 3:4

Mana ṉalu ramu tamuna toere go pata qa karo zatu go era, ramu qamu mazala to rove na era qa rove bana nanao pipika ia Kristo.

Epesus 3:9

Mana God i teke nava era zazu go tuna sine vasadaka ne qira basoero ne, nanao pipika ia God. Nanao pipika igogo ne iko pika bana meso tarakenaqana osina ro pata. Mana God so iva zaria go osina ro pata.

Epesus 4:1

Era qa kameka basoe iri taruve bara ne tanego qa basoe zazu ia Batu ne. Iago qa sine vakaraputa ne qamu, muna zukae too ilulua go vatovato i sine bana go God, ṉalu i koru qamu mego.

Pilipae 1:19

Tanego era qa rove, loborona pepene ramu mana vari vatatavisi i reqe me Spirit ia Jesu Kristo, era tuna talukasa.

Pilipae 1:7

Ramu qamu ko tarue so puṉuqu era osina ṉalu, iago itora era ma nanao vane qamu ramu dena. Tanego ramu to qamu tavisi navae go era zazu mazala dena i teke nava go God, patavolomo ninidena qa koego bara dena mana ṉalu qa ko talupasa bana go, era qa degere ne tarama velaka dena go tina sadakae de iri koego basoero sauna vanadu na vaogoto ria.

Kolosia 1:26

iago pata i pika bana me ze go, de iri koego basoero ne, ninidena i vasadaka ze de iri koego basoero ia.

Kolosia 4:18

Era qa karo ze karisiqu leta dena, seko kula era de qamu koego. Muniki nanao kasupe ne era qa koe bara dena. Go Mana ia God mara ko tavisi de qamu.

Kameka Tesalonika 5:25

Iago turaquro, muna pene napu ne qemu remu.

Karua Timoti 1:16

Era qa pene Batu ne, go mara nanao ule mana manava ne Onesiporosi mana vano pade ia, tanego topu na ṉalu i tavisi nava mana i vakula va era go. Mana iki agava nava kaega patavolomo era qa koe bara ne.

Karua Timoti 2:9

Iato tarama nae qa vari vatatana ne era tane iri doki vego seni iri va gere ve basoe vatovato sakata. Do i makuru qira qolo ze seni seko ia God,

Karua Timoti 4:2

ono tarama ne Tarama Velaka ia God, patavolomo basoero ne tariniki soko kaega gata na. Ono lete pada ne va rove qirae basoero ne seko ogoto, ono pada ne vatotoloṉe na vatovato ria, mana ono tavisi ne qira go tarina ko karaputa go. Mana ono va velavelaka ne qira basoero ne, ṉalu tono vari vatatana go.

Pilimon 1:22

Aria ono vanama nava era kaki kova go, tanego qa vaogote God tina vataule me pene ro ramu, go era tuna ule napu atu de qamu koego ramu go.