Kolosia 4:2 - Vato Vari Vakameka Voru Ia Batu Ne

² Muniki mamanava pene, muna nanao velaka ṉalu qamu pene, seko velaka ne God.

Kolosia 4:2 ပူးပေါင်းရင်းမြစ်များ

Matiu 26:41

Muna koe dena mana pene, go kaega kaki pata pada tina vasoru qamu go. Pata ogoto, nanao qamu i karaputa do, tokama qamu i pela.”

Maka 13:33

Iago muna miasoka, vanama so osina ṉalu, tanego qamuki rove kaega ṉalu tina lama go osina pata ro dena.

Luka 18:1

Jesu i sine ne qira disipoloro ia vapadapada dena, go ria tarina pene taru so mana mara ria kasi pela go.

Luka 21:36

Ko dogara taru so mana pene osina ṉalu, go tamuna pala karaputa go tamuna mazala go zaza va velakae loborona pataro tina sadaka go. Go tamuna mazala go degere na tarakenaqa qu era Tuna basoe.”

Zazu Ria Apostoloro 1:14

Osiqira iri kameka ko mana kameka vato, mana osiqira iri kameka lotu tavisi qira qole ro mana Maria sinana Jesu, mana ria iri tamakena go Jesu.

Leta Ia Pol I Karo Ne Qira Basoero Na Rom 12:12

Ruruqe ramu to mara vakula qamu go osina ṉalu. Kasi nonopa ne na ṉalu i lama doka qamu go kaki pata makuru mana ko ramu muna pene so osina ṉalu.

Epesus 6:18

Ṉalu qamu zazu ne go osina pataro dena, muna lotu mana pene God go tina tavisi ne qamu go. Pene osina ṉalu go karaputa ia Spirit tabo tina kenaqa ne qamu go. Go tamuna vanama taru mana tamuniki pela kaega go. Mana muna pene napu ne qira basoero ia God go.

Pilipae 4:6

Kasi nanao vokara ne kaki pata, do loborona pepene ramu, pene ze God pata qamu lete soko go. Osina ṉalu qamu pepene go, muna seko velaka ne ia loborona puṉuqamu.

Kolosia 1:9

Tanego sauna to pataro igogo ne, remu qi pepene ne qamu, tupi me ṉalu qi gata soba go de qamu gogo ramu. Qi pene God go mara va puraka ze de qamu koego ramu rove na pataro i soko go, tanego osina tarove mana nanao rove i rege me so Spirit ia.

Kolosia 2:7

Vanadu ze too ramu de ikoego ia, zazu vanaduze pade ramu de i koego ia, mana vamoqere vaogoto ramu, gerena iri vatatana bana qamue go, mana osina ṉalu muna seko velake ia.

Kolosia 3:15

Bule i teke qamu go Kristo, i bara ne qamu e vivine ro ramu, tanego sauna to bule dena God i koru teṉo qamue loborona kameka tokama. Iago osina ṉalu muna seko velaka ne God.

Kolosia 3:17

Osina pata qamu zazu ne ba sine gogo ne, mara zazu ne ze loborona vitoṉo na Batu ita Jesu, ṉalu qata seko velake ia de koe God Tamaqita.

Kolosia 4:12

Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.