Kolosia 1:9 - Vato Vari Vakameka Voru Ia Batu Ne

⁹ Tanego sauna to pataro igogo ne, remu qi pepene ne qamu, tupi me ṉalu qi gata soba go de qamu gogo ramu. Qi pene God go mara va puraka ze de qamu koego ramu rove na pataro i soko go, tanego osina tarove mana nanao rove i rege me so Spirit ia.

Kolosia 1:9 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 7:17

Basoe i soko go luluna nanaona God, ia tina mazala so mia rove na vari vatatana era. I mazala so rove na, avigo vari vatatana era i reqe me dekoe God, ba i reqe meso nanao mana karaputa era tanuqu go.

Zazu Ria Apostoloro 12:5

Iago soldia ro ne irimiasoka ze Pita loborona bara ne, do basoero lotu, iri pene vakaraputa ne ia de ikoego Batu ne.

Leta Ia Pol I Karo Ne Qira Basoero Na Rom 12:2

Kasi vamao ne na too ramu mara lulua go vatotovato na vudu pua dena. Do muna vamao ne God, go mara kavele nanao qamu. Iato nae go ramu tamuna mazala go mia rove na pata ni soko go God, mana go tamunara rove go pata velaka ni va kula go God.

Kameka Korinti 1:5

Loborona vari vakameka de koe Kristo, ramu qamu lete vavagado ne topu na pataro gerena sosovolomo na seko mana osina tarove ro go.

Epesus 1:8

go i vasadaka va velaka ne qita go osina tarove ia mana mimia rove iago.

Epesus 5:10

Iago pada ne rove na pataro i vakula go Batu ne.

Epesus 5:17

Kasi ko bulabulaṉoe, do pada ne nanao rove na pata i soko qamue go Batu ne tamuna zazu ne go.

Epesus 6:6

Muniki zazu ne ze so pataro dena, ṉalu basoero ne iri reṉareṉa ne qamu go. Tanego qamu soko so basoero go mara vamazala qamu go. Do kaega, osina ṉalu qamu zazu ne go pata, pada ne valulu ze na pataro i soko go God, gerena qamu seka ne go to Kristo.

Pilipae 1:4

Osina ṉalu qa pene ne qamu, qa pene e loborona kulakula,

Kolosia 1:6

Tarama Velaka i valame tarua makaolo mana i zadavae kolabana pua ne, gere na so de igogo lama doka kenaga i vae go de gamu koego. Ramu, qamu gata go de igogo Mana ia God, mana gamu rove go pata i ogoto go.

Kolosia 3:16

Topu vavagado velaka ikoego Tarama Velaka ia Kristo, muna soti ze puṉuqamu. Vari vatatana mana vari vagata ne osina to tarove ia. Vazaka ze God nanao qamu, vae ne kera na Buka tabo, kera lotu i reqeme de ikoego Spirit tabo mana seko velaka ne God loborona puṉuqamu.

Kolosia 4:12

Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

Kolosia 4:5

Muna padapada, mana vazazua tarove ramu loborona zazu ramu de iri koego basoero iriki vaogote go kaega Kristo, mana muna pala nanao velaka ṉalu qamu va pepeu qira go.

Kameka Tesalonika 1:3

Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.

Kameka Tesalonika 5:17

Mana osina ṉalu muna pene.

Karua Tesalonika 1:11

Ia tonae tane osina ṉalu remu qimu pene ne qamu go ramu. Qimu pene God ita go mara vatora qamue ramu too ni koru bana qamue go tamuna pala go. Qi pene, go ia mara vazazua karaputa ia, go mara voto lupo osina pata velaka ro qamu soko go, mana valupo to zazu ireqe mego vaogoto ramu.

Pilimon 1:4

Vakitaka era Pilimon, osina ṉalu qa pene, qa nanaotaru go mana qa seko velake God era.

Pilimon 1:6

Pene era ne, loborona varikitaki ita vano qata vaogoto go, tina valame dego qata mazala nanao rove na osina pata velaka, qata pala ze go loborona too ita, loborona vari vakameka ita de ikoego Kristo.

Iburu 10:36

Ramu muna degere vanadu taru so, go tamuna zazu nego pataro i soko go God, go tamuna toṉove go pata i pui bana nego God.

Jemisi 1:5

Do ṉalu kakia ramu ikaega ne go tarove, ia mara pene God, mana God ina teke ne ia, tanego soso ia ilete velaka sivala me de ikoego basoero topu.

Jemisi 3:17

Do tarove ireqeme go rani ne idalo bana me so tupiana na osina pata mana ireqeme too bulebule, too poro seko nena kaega pata mana too varikitaki. Iago ipurake to too varinanao, mana ivazari me to urena zazu velaka sivala, iki vari kakavatae kaega mana too tatakiu ne qira kaega basoero ne go.

Kameka Pita 2:15

Tanego God i soko qamue loborona zazu velaka ramu go mara va dudulia seko bulaṉoe ria vano iriki rove go kaega kapata.

Kameka Pita 4:2

Iago, pasi ninidena too qamu vae go pua dena muna lulua, too ia God. Mana kasi luluna too ni soko go basoe na vudu pua dena.

Kameka Jon 2:17

Vudu pua, mana osina pataro iri lete soko go basoero ne iri pata kavakava so, tarinara za kaega so. Do basoe i lulua mana i zazu ne go soko ia God, tina too sivala.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.