Kapisa Jon 1:6 - Vato Vari Vakameka Voru Ia Batu Ne

⁶ Nalu iri lamae go dena iri sine ne qira vano lotu iri koego dena, de igogo tavisi raro de iri koego. Iago ono tavisi ne qira go mara ria lulua zuka ni kula ne go God go tarinara go za go de iri soko go zae na.

Kapisa Jon 1:6 ပူးပေါင်းရင်းမြစ်များ

Zazu Ria Apostoloro 15:29

Kasi ge na patagege iri tavatavara zego god poqepoqe ro, mana kasi ge na parasa. Kasi ge na pata qaraqara iri poṉo vale qirae go saqe qira go. Kasi zazu nena too vari vagabu go. Ṉalu qamuki zazu neto kaega pataro dena, ramu tamuna ko velaka, Mana velaka sivala atu de qamu koego.”

Zazu Ria Apostoloro 15:3

Turi ria vano lotu ria iri zaza, mana ṉalu iri zaza sivale go Ponisia mana Samaria, ria iri sine de iri gogo vano iriki Jiu go kaega iri tupia vaogote Jesu. Mana vano lotu iri koego kenaro igogo ne iri lete kula sivala ne tarama igogo ne.

Zazu Ria Apostoloro 21:5

Do ilama doka to ṉalu remu timuna kasi ne qiraiago qimu zaza to. Osiqira valekero qolero mana salero ria go iri lulu qemu qi siporo me komala lavata ne, iri lama ule ne qemue remu karakoni ne. Osiqemu qimu koloku tutuṉu mana qimu pene.

Leta Ia Pol I Karo Ne Qira Basoero Na Rom 15:24

Iago ninidena qa nanao to garetu tove qam ramu, mana ko varikitakie na de qamu koe go ramu. Taramuzina to garetu era nae, era tuna zaza, za dokae to vudu Spen. Iago zaza era nae qa soko qamu ramu mana tavisi nava, go zaza era tuna za dokae go Spen.

Karua Korinti 1:16

Tanego qa vanadu ze nanaoqu tuna garetu tove sivala ne qamu, ṉalu tuna zaza go za Masedonia mana ṉalu tuna zaza gado napu go, go qa mazala pala na tavisi de qamu koego ramu loborona zaza era tepa Judia.

Pilipae 4:14

Do i lete velaka sivala, ramu tamuna tavisi nava era, loborona makuru ro era.

Kolosia 1:10

Go tamuna mazala ko gerena de i soko go Batu ne, mana tamuna mazala vakula na iago. Too ramu tina vasadaka me topu na too mana vatovato velaka, mana ramu tamuna rove velake de igogo God.

Kameka Tesalonika 2:12

Remu qimu vakaraputa nanao qamu, mana qimu va momotono qamu, qi sine vakaraputa ne qamu muna lulua too velaka isoko go God, ni koru qamue go tamuna pala tavise de ikoego vari miasoka mana menomeno ia.

Taetusi 3:13

Ṉalu Apolosi mana Zenas loia ne, tiruna vanama go zaza riru ne, ono tavisi ne qiru mana mia iru niki pusi ne kaki pata, loborona zaza tiruna vae go.

Kameka Pita 2:20

Ṉalu ria iri sima qamu, tanego qamu zazu ne pata sakata, do ramu qamu degere vanadue so vokara nae gogo ne, i patavolomo so mana i kaega to kapata i luluse go. Do ṉalu ria iri sima qamue sauna pata velaka qamu zazu ne go, ianae God tina lete va makaolo qamu ramu sauna zazu velaka ramu, ṉalu ramu qamuki ṉiṉiri ne go kaega.

Kapisa Jon 1:12

Osina basoero ne iri go Demetrimus dena to i valekē velaka sivala mana seko ogbto dena i vasadaka napu me so pata dena. Mana remu qimu sine vasadaka napua so i valeke velaka, mana ramu qamu rove bana so pata qimu sine go i pata ogoto.