Kameka Timoti 5:3 - Vato Vari Vakameka Voru Ia Batu Ne

³ Tavisi ne qira qolero nanaro, ni kaega go kake tina miasoka qira go.

Kameka Timoti 5:3 ပူးပေါင်းရင်းမြစ်များ

Matiu 15:6

Iago basoe nae ki tora kaega na nanao vamazale tamana. Iago ramu qamu soko vamazale na so tamana ramu tanuqamu, mana qamu vapatavolome so tamana ia God go.

Matiu 23:13

Jesu igo napu dena, “Ramu vano vari vatatana na Tamana mana ramu vano Parisio, muna miasoka! Qamu vano poqepoqe, tanego ramu to qamu midiki ne qira go basoero ne keba zana Too ikoego vari miasoka ia God. Ramu tanuqamu do qamuki nanao bana so kaega keba zana, mana qamu midiki ne qira basoero iri pada ne go vele keba zana go!

Luka 2:37

Ia iki kasi ne so kaega Pade Lotu ne, kuse musaqara go i vazaka so God, i qaniqani mana pene go.

Luka 7:12

Pasi iara doka so ia tarakenaqana komala ne iri soba qira basoero iri vagoro me sinara.

Tarama Velaka Ia Jesu Kristo I Karo Go Jon 1:47

Ṉalu Jesu i mia Natanel i lamae go de ikoego, i vane ia de, “Valeke dena i basoe ogotona to Izirel, mana iki rove kaega poqe go.”

Zazu Ria Apostoloro 6:1

I umata a qe desuka, basoero iri vaogote go Jesu iri topu ziki, gonae vari va legu, i koe loboro qira vano Qrik iri seko va Jiu, mana vano ogotona Jiu go. Vano Qrik iri seko va Jiu go iri go, “Ramu qamuki tavisi ne qira so kaega qolero nanaro ro remu, ṉalu qamu soso ne go pata gege mana kesa nogotona musaqara, de iri koego vano iri ko makuru go.”

Zazu Ria Apostoloro 9:39

Gonae Pita ivanama mana ilulu qiru to riru. Ṉalu i za doka go, iri lulu vazao ze ia kova zakazaka ne, topu qole ro nanaro iri teṉo kolo Pita, iri dae mana vamia ze ia roku ro i sira bana ne qira go Dokasi torana ara too ivae go.

Zazu Ria Apostoloro 9:41

Pita i tavisi ne toqo vadegerena ia. Gonae ikoru qira osiqira qolero nanaro mana vano lotu, i vamao ne qira to tarina mia Tabita i too napu go.

Kameka Tesalonika 2:6

Mana qimu ki zazu ne kaega kaki pata go mamu vazakazaka qemu remu, ba kakia basoe go.

Kameka Timoti 5:2

Qolero kazigarata ro vagere qirae sinamu, mana qole suka ro ono vagere qirae vavanimu ro, loborona too dalo mana totoloṉo go.

Jemisi 1:27

Ba de tina gogo vatovato ria vano lotu go tarina lete velaka sivale go tarakenaqana God Tamaqita ne, vano lotu mara ria miasoka qira salero samele, mana vano nanaro iri ko vari vananama. Mana mara ria miasoka napua too ria tanuqira go mara kasi vasakata qira vatovatona vudu pua dena.

Kameka Pita 2:17

Muna nanao va mazala qira basoero topu, mamaligara ne qira vano lotu mana batu lavata Siza go, mana padapadae de ikoego God.

Kameka Pita 3:7

I gerena napu so ramu valeke ro busi, too ramu de iri koego qole ro ramu, ramu muna mia rove qira qolero, tokama qira iki karaputa gere qamu kaega ramu. Iago muna va velaka ne qira, tanego ria tarina pala tavisi qamue ramu sosovolono na too ia God. Ṉalu qamu zazu ne ia dena kaega kaki pata tina sida me zego pepene ramu.