Kameka Timoti 4:3 - Vato Vari Vakameka Voru Ia Batu Ne

³ Basoero dena iri vari vatatana ne, busi itabo iri go, mana niki poro ge topu ado na pata gege go. Do God i vazaria go pata gege go tatana ge go. Ita qata vaogote go God, mana qata rove seko ogoto ne, qata mazala seko velaka zaqe God sauna osina pata gege ne, mana qata mazala so ge na go.

Kameka Timoti 4:3 ပူးပေါင်းရင်းမြစ်များ

Matiu 14:19

Gonae i sine ne qira basoero ne tarina kolokue seuseu ne, i pala kalima bureri mana karua iṉana i kakadekaqe rani ne mana i seko velaka zaqe God. I pasia bureri ne mana i teke ne qira disipoloro ia, mana disipoloro ia iri ara kena ne qirae go basoero ne.

Matiu 15:11

Patagege i keba zago saqe na basoe ne iki mazala kaega nava poṉo go basoe ne, do seko i siporo ego saqe ne tane i mazala go va poṉo go basoe ne.”

Matiu 15:36

Gonae i pala kavitu bureri mana iṉana ne, i seko velaka ne God, i pasia, mana i teke ne qira disipoloro ia, go tarina kena ne qira go basoero ne.

Luka 24:30

Ṉalu iri koloku, go tarina ṉaṉa go, Jesu i pala bureri, mana ivatabo, gonae i pasia mana i teke ne qiru.

Tarama Velaka Ia Jesu Kristo I Karo Go Jon 6:23

Do kakiaro napu mola iri reqe me Taberiasi iri lama dokae de i seko velaka ze go God Batu ne bureri, i va ṉaṉa qirae go basoero ne zako na ne,

Zazu Ria Apostoloro 27:35

I sine lupo to pata dena, Pol ipala kavia bureri i seko velake God tarakenaqa qira osiqira basoero ne, ipasia mana ivatupia qe na.

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Leta Ia Pol I Karo Ne Qira Basoero Na Rom 14:3

Basoe ige go soso pata gege ne mara kasi vasakate na basoe iki ge go kaega pata i manu go. Mana basoe iki ge go kaega pata i manu go, mara kasi seko vasakate na basoe i gego soso pata gege ne. Tanego God i mao bana ne ia tane pata gege ige go nae.

Leta Ia Pol I Karo Ne Qira Basoero Na Rom 14:6

Basoe i nanao kameka musaqara nae to ilete mazala sivala ne go kero ne musaqara igogo ne, izazu ne sauna to go ivazaka zego Batu ne. Mana basoe ige go soso patagege ne izazu ne zeto sauna go ivazaka ze go Batu ne, mana iseko velaka ne zaqe God sauna pata gege nae. Gerena napu so basoe ikasi na go gena soso pata gege ne ivazaka napu ze so Batu mana iseko velaka ne zaqe so God go.

Kameka Korinti 6:13

Kaki basoe napu tina mazala so sine na, “Pata gege i pata na kuaba, mana kuaba ne i pata roku na pata gege,” oveto, do God tina valupo qiru karua pata nae. Tokamana basoe iki pata vazazu na kaega zazu sakata ro, do tokama ne, na vazaka mana osaka ze Batu ne, tanego Batu ne tane i teke ne qita go tokama ne.

Kameka Korinti 7:28

Do ṉalu qo busi, qoki vasakata pata kaega, mana kaki qole suka i busi, iki vasakata pata kaega. Do vano busi tarina soba topu pata vari va riqo ro loborona vudu pua dena, iago era qaki soko kaega pata dena na dokae de qamu koego.

Kameka Korinti 8:8

Pata gege ni gogo ne i makuru tina vagarogaro ba va laqalaqa qitae dekoe God. Ṉalu qata ki ge go kaega, pata gege ni gogo ne, qatiki vana ne kaega kaki pata, mana ṉalu qata ge go, qatiki pala ze kaega kaki pata go.

Kolosia 2:16

Iago kaega ka basoe mara vadegere go tamana na gena pata gege, loka, musaqara tabo. Kelo na lama na inaqa voru ba sauna Sabat go.

Kolosia 3:17

Osina pata qamu zazu ne ba sine gogo ne, mara zazu ne ze loborona vitoṉo na Batu ita Jesu, ṉalu qata seko velake ia de koe God Tamaqita.

Kameka Timoti 2:4

Tanego i soko osiqira basoero tarina kavele mana tarina lama rove, ia i ogoto.

Kameka Timoti 4:4

Osina to pata i vazaria go God, i velaka lupo, i kaega napu kaki pata ni sakata go. Do ṉalu qata vele ge go pata gege ne, tatana seko velaka ne God,

Kameka Timoti 5:14

Iago era qa go, qolero nanaro voru mara busi napu, mara zari ne qira salero, mana mara miasoka pade ria go. Ṉalu qata va voto nanao dena, ria iri kana ne qita tina kaega qira ka zuka go tarina seko va qoqoro qita.

Iburu 13:4

Osina basoero mara nanao vamazale zukazuka na too na busi, valeke ro mana qolero iri busi go, mara ria nanao vamazale kameka ko riru, tanego God tina zazu ze vivine ia, de iri koego vano iri qoleqiso ne tamana na busi, ṉalu iri taunata go.

Iburu 13:9

Niki vamao ne varivatatana poqepoqe ro, niki pala va riro qamue zuka totoloṉo ne. I pata velaka Mana ia God qata koego i teke ne karaputa velaka puṉuqita, iato dena pata i tavisi ne qita, tanego lulu na tamana na patagege na ge go ba pata gege niki ge go kaega, iki tavisi so kaega.