Kameka Timoti 3:3 - Vato Vari Vakameka Voru Ia Batu Ne

³ Ia tiniki poro ge loka kaega, ba poro varitara kaega, do tina vakapo qira basoero mana tina basoe bulebule go, mana mara kasi poro soko kesa go.

Kameka Timoti 3:3 ပူးပေါင်းရင်းမြစ်များ

Matiu 21:13

mana i sine ne qira, “I karo bana ego Buka tabo ne, God igo, ‘Pade era tarina vitoṉo ze Pade Lotu,’ do ramu qamu vagere ze de ko pipika ria vano sikosiko!”

Zazu Ria Apostoloro 20:33

Era qaki soko kaega tuna pala ze kaki basoe siliva, qolu ba poga.

Leta Ia Pol I Karo Ne Qira Basoero Na Rom 16:18

tanego basoero iri gogo nae ne iriki zazu tavise kaega Batu ita Kristo. Do ria nae iri lulua so nanao sakata ro ria tanuqira. Iago iri zazu ne so seko vari vagasi ro mana poqe vale qira so basoero velaka iriki rove go kaega vatovato tatakiu ro iri zazu ne go ria nae.

Epesus 5:18

Kasi vabulabulaṉoe qamue loka sakata karaputa ro, qamu ge go tanego tina vasakata qamu, do muna vapurake Spirit tabo.

Kameka Tesalonika 5:14

Vakitaka ro, qi pene qamu muna seko vakaraputae de iri koego basoero iri muaka iriki zazu go kaega. Muna vamomotono qira basoero iri poro sareki go, muna tavisi ne qira vano i pela go nanao qira go. Mana muniki poro muma katikili go.

Kameka Timoti 3:8

Vano iri vari vatatavise loborona lotu ne, mara vasadake too mana vatovato totoloṉo ria, mara lulua pataro iri sine go, mara kasi poqepoqe, poro ge loka, ba soko na kesa go.

Karua Timoti 3:2

Basoero ne tarina nanao so tanuqira mana tarina soko topuna kesa go. Tarina vazakanapu mana kuzuku lavata go. Tarina seko sakata qira basoero mana tarina legulegue de iri koego vanovano ria go. Tariniki sine kaega seko velaka mana tariniki nanao soba kaega God go.

Taetusi 1:11

Ono vanoto vari vatatana poqepoqe ro igogo ne, tanego iri va sakata bana to vaogoto ria kavia ro tatamana ro. Iri vatatana qirae basoero ne pata poqepoqe ro, tanego iri soko so pala na kesa go tina tavisi ne qira.

Taetusi 1:7

Basoe i batu lotu go, basoe nae i miasoka zazu ia God. Iato go too ia tina totoloṉo. Tiniki vazaka napu kaega, muma katikili kaega poro ge loka kaega vari varitara kaega, ba soka na topu kesa go.

Taetusi 2:3

Vatatana napu qira qolero kazigarata, go tarina ko gere qole tabo loborona ko ria, mara ria kasi pepeu poqe ne qira basoero ne, mara kasi poro ge loka go, do mara vari vatatana ne pataro ni velaka go,

Taetusi 3:2

Mara kasi seko sakate na kakia basoe, ba pera qira go. Do iri na ko bule mana vakitaka velaka qira basoero ne go.

Iburu 13:5

Kasi poro va riqo zena too ramu, mamaligara ne na kesa, do muna kula neso pataro i ko ne qamu go. Tanego God i sine, “Era tuniki vana nigo kaega, mana era tuniki paqa kasi nigo kaega go.”

Jemisi 4:1

Avigo qamu rove ramu tane pata iva pera taru qamu go mana qamu soko go varitara osina ṉalu gogo ne? Ireqeme so soko raramu qamu lene go soko na osina pata. Ia so nae tane ivaritarae go de qamu koe go ramu.

Kameka Pita 5:2

muna miasoka velaka qira basoero ia God i teke ne qamu gerena valeke miasoka sipi i miasoka go sipi ro ia; mana kasi maomao ne na go. Muna zazu velaka ne zazu ro ramu ni soko qamue go God. Kasi nanao naso pala na voli qamu zazu go. Do voli nae tina reqe me to soko ogoto raramu qamu soko go tavisi ne qira go basoero ne.

Karua Pita 2:3

Vano vari vatatana poqepoqe ro nae, iri soko so pala na kesa ramu, iago iri vari vatatana ne so pata poqepoqe ro. Do kimata ria vano vari vatatana poqepoqe ro dena, i nama bana me so. Iago i makuru qira tarina paqa ne, ia tina vae vasakata qira go.

Judi 1:11

Iago iri na miasoka! Tanego iri lulua go vatovato i lulua bana go Ken. Iri lulu napua de igogo propeta Belam, ipala ze kesa loborona seko poqe ro ia. Iri vae vato gerena de igo bana go Kora i vae vato e de ikoego God. Iago God tina lete vasakata sivala ne qira gere de ivane go Kora.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.