Kameka Timoti 1:3 - Vato Vari Vakameka Voru Ia Batu Ne

³ Era qa soko aro ono koe Epesus, gerena so qa sine bana nigo ṉalu qa zae go Masedonia. Kakiaro basoero iri koego Epesus in vanvatatana ne pata poqe ro, iago ono sine ne qira go tarina mamanava.

Kameka Timoti 1:3 ပူးပေါင်းရင်းမြစ်များ

Zazu Ria Apostoloro 18:19

Iri lama doka e Epesus, Pol i taru qirue Pirisila mana Akuila de go. Pol i zae Pade Lotu ria vano Jiu, mana i va pepeu qira vano Jiu go.

Zazu Ria Apostoloro 18:21

Do ṉalu i vele kasi ne qira, i sine ne qira, “Ṉalu tina vamao go God, era tunara lama napu e de qamu koego,” Goto nae i age koluka ne i kasi ne Epesus mana i toka za Kaesaria.

Leta Ia Pol I Karo Ne Qira Basoero Na Rom 15:26

Tanego vano lotu iri koe go Akaia mana Masedonia iri zazu bana ne to kesa nanao ria go mara tavisi ne qirae basoero situ ia God iri koe go Jerusalema.

Leta Ia Pol I Karo Ne Qira Basoero Na Rom 16:17

Turaquro ma sine vakaraputa ne qamu, tamana era dena. Muna miasoka qira basoero iri soko go vota na eklesia mana vaqoqore vaogoto ramu go iri vazazao kakavata go vari vatatana qamu pala bana go. Iago muniki ara gata pata ro iri sine ne qamu go,

Karua Korinti 11:4

Era qa momokolo napu ne qamu, tanego qa mia dego qamu va malumu ne qira ria iri lama e de qamu koego. Qamu vaogote tarama na Jesu ni kakavata nego keqi tarama ne remu, mana qamu toqe ne toṉove na spirit iri pui nego, ni kakavata nego Spirit tabo qamu tonovo ze de qi koe go remu, mana qamu toqe ne Tarama Velaka iri sine vasadake go, patavolomo i kakavata ne ke qi sine vasadake go remu.

Epesus 4:14

Iago, ita mata kasi gere qira salero iri teteṉe ne go za gata na vari vatatana poqepoqero iri gere go pupuakana masi i lama kiuru pero vanaqe go sokoro ne. Iago ita mata kasi lulu qira vano vari vatatana poqepoqe ro, iri soko go vazazao vasakata qitae pata tatakiu ro iri zazu ne go.

Pilipae 2:24

Mana loborona ruqe era de ikoego Batu ne, tiniki umata kaega, tanuqu tuna garetu e de qamu koego ramu.

Kameka Timoti 4:11

Ono sine ne qira seko dena, mana ono vatatana velaka qira basoero ne go.

Kameka Timoti 4:6

Ṉalu tono sine ne qira sekoro dena de iri koego vakitaka ita loborona lotu, ṉalu nae aro qo kakia basoe zazu velaka ia Jesu Kristo. Mana aro tono degere mana tina zaza popoka vaogoto qo lulua go, mana noqo pala bana go.

Kameka Timoti 5:7

Ono vatatana velaka qira qolero nanaro sauna tamana dena, go kaega ka basoe mara seko vaqoqoro qira.

Kameka Timoti 6:10

Soko na kesa iato i kutamana go osiqira pata sakataro ne. Kakiaro basoero iri lete le ne vavagado, go iri zaza vakakavata, mana iri va vokara ze nanao qira nanao sakata ro.

Kameka Timoti 6:17

Sine ne qira basoero iri vavagado ne patana ro too ninidena, mara kasi vazakanapu ne, mana taru ze ruruqe ria go, tanego i mazala so za kaega ba lupo go. Do mara vanadu ze nanao ria de ikoego God, iato tina teke ne qita pata velaka ro, go tatana ko kulakula go.

Kameka Timoti 6:3

Basoero iri vari vatatana ne vari vatatana kakavata, iki lulua go kaega seko ogoto ia Batu ita Jesu Kristo mana vari vatatana na lotu gogo ne,

Karua Timoti 1:18

Torana qa koego era Epesus, ia i lete tavisi vavelaka nava era. Iago era qa pene Batu ne mara nanao ule ne mana manava ne ia ṉalu musaqara muzimuzi.

Karua Jon 1:7

Topu ria vano poqepoqe iri goe to osina dia vudu pua, mana basoero dena iriki vaogote kaega Jesu Kristo i lama pala go tokama gere qita ita vano basoe. Basoe igogo nae i poqepoqe mana ikana ne Kristo.

Revaleson 2:14

Do kavia so pata qaki soko ze kaega de qamu koego ramu ne, kavia ro ramu iri lulua vari vatatana ia propeta Balam. Tanego ṉalu ia propeta Balam to nae i vatatana go batu lavata Balak go i vasoru qirae go vasakata pata vano Izirel, go iri ge go pata gege iri tavatavara ze go banara poqepoqe ro, mana iri zazu ne pata sakataro de iri koego qolero go.

Revaleson 2:20

Do kameka so pata qaki soko ze go kaega era de qamu koego. Ramu qamu vamao qole Jezebele tina ko tavisi qamu, i poqe, igo tanuna i propeta ia God. Loborona vari vatatana ia i va soru qira vano zazu era, go iri zazu nego soso vatovato sakata ro ne, mana iri ge patagege iri tavatavara ze go banara poqepoqe ro ne go.