Kameka Tesalonika 4:3 - Vato Vari Vakameka Voru Ia Batu Ne

³ God isoko too ramu mara tabo, mana ramu muna ko talukase tepa ia too na vari vagabu.

Kameka Tesalonika 4:3 ပူးပေါင်းရင်းမြစ်များ

Matiu 12:50

Ka basoe i zazu ne pata i soko go Mamae ikoego rani ne, basoe nae to i kanae, i vavaniqu, mana i kaequ go era.”

Matiu 15:19

Tanego loborona nanao na basoe i tupi mego nanao sakata ro, gerena vae vale na basoe, taunata, zazu sakata de koe kene basoe, siko, poqe mana pepeu valu qira basoero ne go.

Matiu 5:32

Do era ma sine ne qamu, ṉalu kaki valeke i busi kasine qole ia, do qole ne iki vasakate kaega kapata gogone, valeke nae tane iva taunata go qole bana ia, ṉalu go i za busi napu. Mana valeke i busia go qole busi kasi nae ne i taunata napu go.”

Matiu 7:21

Vano totoloṉo so tirina koe loborona vari miasoka ia God. Muniki nanao ria basoero iri koru ve era, ‘Batu, Batu,’ tarina keba za dekoe vari miasoka ia God. Do ria tarina zae go dekoe God, ria to basoero iri zazu neso pataro i soko God Mamae ikoego rani ne.

Maka 3:35

Basoe izazu ne to pata isoko go God tarina kanae ro, kaequro mana vavaniqu ro go.”

Tarama Velaka Ia Jesu Kristo I Karo Go Jon 4:34

Jesu igo de, “Pata gege era ne, tuna vaogote zazu ituri navae go Mamae, mana tuna valupo zazu ia iteke nava na zazu ne go.

Tarama Velaka Ia Jesu Kristo I Karo Go Jon 7:17

Basoe i soko go luluna nanaona God, ia tina mazala so mia rove na vari vatatana era. I mazala so rove na, avigo vari vatatana era i reqe me dekoe God, ba i reqe meso nanao mana karaputa era tanuqu go.

Zazu Ria Apostoloro 15:20

Do ita mata karo kameka leta, sine ne qira mara ria kasi gena pata gege iri tavatavara ze go god poqepoqe ro ne, i tabo ego lotu. Mana kasi vari vagabu, mana kasi gena pata pupuara iri poṉo go saqena mana parasa go.

Zazu Ria Apostoloro 15:29

Kasi ge na patagege iri tavatavara zego god poqepoqe ro, mana kasi ge na parasa. Kasi ge na pata qaraqara iri poṉo vale qirae go saqe qira go. Kasi zazu nena too vari vagabu go. Ṉalu qamuki zazu neto kaega pataro dena, ramu tamuna ko velaka, Mana velaka sivala atu de qamu koego.”

Zazu Ria Apostoloro 20:32

Mana ninidena era qa taru qamue to vari miasoka ia God, tarama na de igogo velaka na God, go tina vazaza popoka qamu mana vakaraputa qamu, go tamuna pala vatabo i vanama bana go God, tina tekene qira go basoero ia.

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Leta Ia Pol I Karo Ne Qira Basoero Na Rom 1:29

Iago nanao qira ne i purake to soso adoado na vatovato sakata ro. Iri le ne pala na patapata ria basoero ne. Iri vasakata qira basoero ne, iri poro misi, iri vae vale basoe, iri varitara iri muma ne qira basoero ne, mana iri poro pepeu valu qira basoero ne go.

Leta Ia Pol I Karo Ne Qira Basoero Na Rom 12:2

Kasi vamao ne na too ramu mara lulua go vatotovato na vudu pua dena. Do muna vamao ne God, go mara kavele nanao qamu. Iato nae go ramu tamuna mazala go mia rove na pata ni soko go God, mana go tamunara rove go pata velaka ni va kula go God.

Leta Ia Pol I Karo Ne Qira Basoero Na Rom 6:22

Do ninidena ramu qamu talukase to vasakata pata, mana qamu ko seka ia God. Iato nae go qamu vatabo ze go too ramu de ikoe go ia, mana ṉalu muzi tamuna pala ze too gadokutona i kaega.

Kameka Korinti 1:30

Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.

Kameka Korinti 7:2

Do tanego topu sakata, vari vagabu mana too sakata, i tora bana so osina valeke ro tina ko bana so qolero ria mana osiqira qolero tina ko bana so valeke ro ria.

Karua Korinti 12:21

Era qaki soko kaega miana pata i sadaka bana go tina sadaka napue go nae, qaki soko kaega God era tina va agava ve era tarakenaqa qamu ramu, qaki soko kaega dae, tanego i sauqira osiqira basoero iri poro zazu neso kameka atona vasakata pata iri zazu nego ṉalu bana ne, iriki nanao ule ne so kaega sauna zazu sakata ria, vari vagabu mana kero ne vatovato sakata go.

Qalesia 5:19

Pata i zazu ne go too sakata ia basoe na vudu pua dena, i sadaka va velaka me so. Iato i vasadaka me vari vagabu, too iki dalo go kaega mana taunata go,

Epesus 5:17

Kasi ko bulabulaṉoe, do pada ne nanao rove na pata i soko qamue go Batu ne tamuna zazu ne go.

Epesus 6:6

Muniki zazu ne ze so pataro dena, ṉalu basoero ne iri reṉareṉa ne qamu go. Tanego qamu soko so basoero go mara vamazala qamu go. Do kaega, osina ṉalu qamu zazu ne go pata, pada ne valulu ze na pataro i soko go God, gerena qamu seka ne go to Kristo.

Kolosia 1:9

Tanego sauna to pataro igogo ne, remu qi pepene ne qamu, tupi me ṉalu qi gata soba go de qamu gogo ramu. Qi pene God go mara va puraka ze de qamu koego ramu rove na pataro i soko go, tanego osina tarove mana nanao rove i rege me so Spirit ia.

Kolosia 3:5

Muna vae vale too ba vatovato na pua dena ni zazu e loboro qamu, gere vari vagabu sakata de koe kene basoe, ba zazu ogoto ne pata sakata de koe kene basoe, nanao ba soko na zazu sakata, mana kasi qora ne patapata ia kene basoe, tanego i gere ṉalu qamu vazaka go beku.

Kolosia 4:12

Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

Kameka Tesalonika 4:2

Tanego ramu qamu rove bana vari vatatana ro qimu teke bana ne qamu go, i reqe me loborona vitoṉona Batu ita Jesu.

Kameka Tesalonika 4:4

Nogotona valeke mara rove, mana miasoka vavelake qole ia, go tina velaka, mana lulua go vatovato totoloṉo ia God.

Kameka Tesalonika 5:18

Muna seko velaka zaqe God sauna osina pata ro i doka go osina ṉalu. Ia to nae pata i soko qamue go God, loborona too qamu vari vakamekae de ikoego Jesu Kristo.

Kameka Tesalonika 5:23

Go God iteke ne qita go bule mara va tabo osina too ramu, mara miasoka tutukunu na too na tokama mana madau, go ramu mamu ko talukase tepa ia pata sakata, go na lama doka go ṉalu ia Batu ita Jesu Kristo.

Karua Tesalonika 2:13

Turaquro, i tora remu mi seko velaka ne God osina ṉalu, sauqamu ramu, tanego Batu me i mamaligara ne qamu. God i vine kenaqana bana qamu tamuna kavele loborona karaputa ia Spirit tabo, go ramu tamuna basoero tabo ia loborona vaogoto na seko ogoto ia.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Iburu 10:36

Ramu muna degere vanadu taru so, go tamuna zazu nego pataro i soko go God, go tamuna toṉove go pata i pui bana nego God.

Iburu 12:16

Kaega ka basoe mara zazu ne zazu sakata ro ba ki nanao vamazale kaega God, gere na Isua ṉalu ia i lete saqo go, i volivoli vakava ze Jekop sosovolomo ia, gere sale valeke kenaqa.

Iburu 13:4

Osina basoero mara nanao vamazale zukazuka na too na busi, valeke ro mana qolero iri busi go, mara ria nanao vamazale kameka ko riru, tanego God tina zazu ze vivine ia, de iri koego vano iri qoleqiso ne tamana na busi, ṉalu iri taunata go.

Kameka Pita 1:2

Ramu qamu basoero tavine bana ia God Tamaqita, mana i vatabo bana qamue Spirit tabo ia tanuna, go ia ramu tamuna vaogote Jesu Kristo, mana daloe parasana ia. Qa pene God mara Mana ne qamu mana mara teke ne qamu bule osina ṉalu topu ro ne.

Kameka Pita 4:2

Iago, pasi ninidena too qamu vae go pua dena muna lulua, too ia God. Mana kasi luluna too ni soko go basoe na vudu pua dena.

Kameka Jon 2:17

Vudu pua, mana osina pataro iri lete soko go basoero ne iri pata kavakava so, tarinara za kaega so. Do basoe i lulua mana i zazu ne go soko ia God, tina too sivala.

Revaleson 21:8

Do basoero i kaega ne qira padapada, vano iri vabesa nego vakitaka ro ria, vano iriki agava ne kaega vasadake na vatovato sakata ria, vano iri vae vale basoe, mana vano iri zazu nego zazu tatakiu mana vari vagabu, ria iri vazaka qira go beku poqepoqe ro gogo ne, varuana le ria ne, iato bolu na nako i poto sadaka mego loborona pua ne.”

Revaleson 22:15

Do basoero iriki agava ne kaega vasadake na vatovato sakata ro ria, vano zazu tatakiu, vano vari vagabu, vano iri vae vale basoe, vano iri vazaka go beku poqepoqe ro mana vano iri poqe ne seko mana vatovato ria gogo ne, tarina koe so pekapeka na komala lavata ne.