Kameka Pita 5:9 - Vato Vari Vakameka Voru Ia Batu Ne

⁹ Iago, muna vanadua vaogoto ramu go tamuna vanoto go ia. Tanego ramu qamu rove turaqamu ro iri koego osina dia vudu pua, iri lulu bana go Kristo, iri soba napua so vokara qamu pala go nae.

Kameka Pita 5:9 ပူးပေါင်းရင်းမြစ်များ

Luka 22:32

Do era qa pene go aro, Saimon, go vaogoto aro niki pela kaega. Mana ṉalu qo degere ule me de qa koego era, aro tono vakarapata qira go kaemu ro.”

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Zazu Ria Apostoloro 14:22

Iru seko vakaraputa qira basoero iri vaogoto go mana iru seko vatalasara qira, go mara ria vanadua vaogoto ria, iru va rove qira e basoero ne, “Ita tatana soba topu na makuru, go tatana ra keba za go de i koe go vari miasoka ia God.”

Kameka Korinti 10:13

Osina pata pada ro iri lama pada ne qamu, iri gerena so padaro idoka qira go basoero ne. Do ramu God i soti vanadua pui ia, mana iki vamalumua kaega kaki pata pada tina lama pada ne qamu ramu, tina sivale go karaputa raramu. Ṉalu ramu tamuna soba go pata pada, God tina teke ne qamu karaputa go tamuna vanadu taru, mana tina teke ne qamu zuka tamuna sipore go.

Epesus 4:27

Kasi vamao ne na Satana go mara vasakata qamu go.

Epesus 6:16

Osina ṉalu muna pala zaza ne vaogoto ramu gerena bako, tanego ianae to tina vanoto go lepo uqulu i vana nego Satana.

Kolosia 2:5

Tanego patavolomo era qalu ko tavisi qamu go kaega, do loborona nanaoqu i ko tavisi qamu, mana era qa kula ṉalu qa gata ramu qamu ko vanadue, mana degere vanadu loborona vaogoto ramu de ikoego Kristo.

Kameka Tesalonika 3:3

Niki go kakiaro ramu vana ne vaogoto ramu sauna makuru ro qamu soba go nae. Tanego ramu qamu rove velake makuru ro dena i lulua vatovato ia God de qata koego ita.

Kameka Timoti 6:12

Tetene va velake loborona vari vose na vaogoto aro, go tono tonovo ze too aro, too iki rove go kaega lupo. Tanego i sauna too dena, God i koru goe aro, ṉalu qo vanadua go vaogoto aro tarakenaqa qira basoero ne.

Karua Timoti 3:12

Basoero iri soko go luluna vatovato ia God, loborona too ria de ikoego varivakameka ia Jesu Kristo, basoero nae tarina vasasakata ne qira,

Karua Timoti 4:7

Qa lete pada ne teteṉe vavelake na vari vose dena. Pasi dena qa dokae to valupolupo na de vari vose ne, mana qara pala taru vanadua so vaogoto era go.

Iburu 11:33

Basoero nae iri vaogote God iato go iri vaqoqoro lupo qira kero ne vudu ro ṉalu iri varitara go. Iri zazu ne pata velaka ro mana iri pala pata i pui ne go God. Iri kokoqua saqena laioni,

Iburu 12:8

Ṉalu God iki valepulepu qamu kaega, gere qira sale ro ia, ianae talupasa na qamuki salero ogoto ia kaega God, do qamu salero na so zukazuka ro.

Jemisi 4:7

Iago muna vaqoqore tanuqamu, mana toqe ne ze God too ramu. Muna varitarae de ikoe Satana go mara paqa kasi ne qamu.

Kameka Pita 1:6

Ramu muna kula sivala ne pata dena; kadi go igoto ṉalu ninidena ramu qamu soba desuka makuru, tanego topu adona pada ro qamu soba ze go vokara.

Kameka Pita 2:21

Sauna to iadena God i koru bana qamue go. Tanego tanuna Kristo i vokara ne qamu, iago muna lulua vapadapada i taru ze de qamu koego.

Kameka Pita 3:14

I ogoto, kadigo ramu qamu pala bana vokara na ṉalu qamu zazu nego pata velaka, ne ianae ramu qamu maṉana to! Muniki sareki ne qira basoero ne, mana nanao vokara ba tutuqu go.

Kameka Pita 4:13

Do ramu muna kula qamu pala tavise go vokara ia Kristo, go ia ramu tamuna lete kula tavise ia, ṉalu tina sadaka mego karaputa lavata ia God.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Revaleson 6:11

Nogoto qira iri teke ne qira roku kakasa mana iri sine ne qira, muna noto tekere ramu, na doka so ṉalu tarina vaevale lupo qira basoero velaka ne, taramuzina God tina vae vale lupo qira basoero sakata ro taramuzina God tinara velo qira vano velaka ro iri le bana go.

Revaleson 7:14

Era qa go, “Qaki rove kaega, kadigo aro tane qo rove go”. Gonae i sine nava igo, “Basoero dena to iri vasivala ne go makuru lavata iri zazu ne qira e go. Iago ninidena iri lama saboro vadalo roku ria mana iri vakakasa ze parasana tunana sipi ne.