Kameka Pita 5:8 - Vato Vari Vakameka Voru Ia Batu Ne

⁸ Muna ko vanamanama, mana miasoka va velaka qamu. Tanego kana ramu Satana i liqutu kolo qamu go mara vasakata qamu igo, i gere laioni ni lete muma i taqia basoe go mara kalakunu vatoo ne igo.

Kameka Pita 5:8 ပူးပေါင်းရင်းမြစ်များ

Matiu 13:39

Mana basoe vari kanae i leba go seuseu sakata ne, Satana. Ṉalu vuiti i ṉara go, iato ṉalu musaqara muzimuzi, mana vano tarina vaego urena vuiti ne ria to aqeloro ne.

Matiu 24:42

Iago muna miasoka, tanego qamuki rove kaega ṉalu era Batu ramu tuna za ule mego.

Matiu 25:41

Taramuzina tuna sine ne qira vano iri koego tepa gede qu, ‘God tina va kimata qamu, kasi nava era mana za koego nako iki rove go kaega le i vanama bana go God, ni keia Satana mana aqelo sakata ro iago.

Matiu 4:1

Spirit tabo i kenaqa ne Jesu i vazao ze de i kaega pata podopodo lavata naro, go Satana tina padane ia.

Matiu 4:11

Gonae Satana i kasine Jesu, mana aqeloro iri lama tavise Jesu.

Maka 4:15

Paturu ro iri sorue go zuka ne iri gere qira to basoero iri gata go seko ia God, do kameka lama so Satana pala vakuziki ne ze so nanao qira ne igo,

Luka 21:34

Muna miasoka tanuqamu mana kasi va riqo zena kelo lavata ro, ba ge loka, mana poro nanao na too na ninidena, niki go musaqara igogo ne niki lama pala va poloso qamu.

Luka 21:36

Ko dogara taru so mana pene osina ṉalu, go tamuna pala karaputa go tamuna mazala go zaza va velakae loborona pataro tina sadaka go. Go tamuna mazala go degere na tarakenaqa qu era Tuna basoe.”

Luka 22:31

Jesu i sine ne qira, “Saimon, Saimon, ono gata! God iva mao Satana go tina pada ne qamu osiqamu, i taqia akena tane i degere vanadu go tina vota vakakavata ne velaka mana sakata, gere so valeke zazu barui i soso taru ne qiru go de velaka na vuiti, mana de sakata na go.

Tarama Velaka Ia Jesu Kristo I Karo Go Jon 8:44

Vatovato qamu lulua go i gere so vatovato ia tamaqamu Satana, mana osina ṉalu qamu soko so zazu ne na pata i soko go ia. Zazu i zazu kenaqa ne Satana ne, vae vale na basoe, mana iki soko kaega pata ni ogoto go, tanego i kaega pata ogoto ikoego ia. Ṉalu ia i sine pata ni poqe go, i luluato pata i soko go, tanego i basoe poqepoqe mana i tamana to poqe ro go.

Karua Korinti 2:11

Era qa zazu ne iadena, go Satana tina kaega ne karaputa de qata koego ita, tanego ita qata rove bana pata i vanama go Satana tina zazu ne.

Epesus 4:27

Kasi vamao ne na Satana go mara vasakata qamu go.

Epesus 6:11

Muna vakeba ne osina pata varitara ro ia God i teke ne qamu go, go tamuna degere vanadu mana varitara ule go zazu tatakiu ro ia Satana.

Kameka Timoti 2:15

Do qolero tarina pala vari vakavele loborona vapodo sale tarina vaego, ṉalu go i ko vanadu go vaogoto ria, iri mamaligara ne qira kero ne basoero, iri dalo mana iri nanao rove go.

Kameka Timoti 2:9

Era qa soko ne qolero mara kasi agava, mara pada ne nanao rove na roku ro ria, mara varoku velaka go, mara kasi vivolo va malemale na uguru qira, ba vakeba ne malemale qolu, ba pata damadamara ro, ba roku i lete voli makuru go.

Kameka Timoti 3:11

Igere napua so qole ia, na vasadake vatovato velaka, niki pepeu valu qira basoero ne, do na rove miasoka na tanuna mana basoero ne, mara taru ze ruqe ria de ikoego iago.

Kameka Timoti 3:2

Basoe i batu lotu go, tina basoe totoloṉo, tina busia so kameka qole, tiniki muma katikili kaega, mana tina miasoka velake too ia. Ia tina koru vekaba qirae pade ia basoero iki rove qira go kaega, mana tina mazala vari vatatana go.

Karua Timoti 4:17

Do Batu ne i tavisi nava mana i teke nava karaputa, go i malamu ava era sine vasadake na tutukunu na Tarama Velaka ne, de iri koego vano iriki Jiu go kaega tarina gata, mana i vakavele ve era saqena laioni go.

Taetusi 1:8

Do basoe nae tina kula ne mana miasoka qira basoero iri gadoe go komala ia, tina mamaligara ne pata velaka go. Tina rove de go pala taru na nanao na ṉalu i muna go, tina vatotoloṉe too ia, mana na lulua vatovato ia God go, mara kasi luluna too ba vatovato i sakata go.

Taetusi 2:12

Mana ia God dena ne, ivatatana qita, ego mata vana ne pataro iki totoloṉo ego kaega dekoe God, mana mata kasi lulu na nanao sakata na vudu pua dena. Do mata vatotoloṉe too ita mana lulua soko ia, go God tina kula ne qita.

Taetusi 2:2

Va rove qira e valeke ro kazigarata de go tarina miasoka go tanuqira, mana pala taru na nanao qira ṉalu iri muma go, mana vasadake vatovato velaka na too ria go. Vaogoto ria mara nadu, mara mamaligara ne qira kero ne basoero ne, mana tarina ko karaputa ṉalu na makuru go.

Taetusi 2:4

tarina tavisi ne qira qolero voru, go tarina mamaligara ne valeke ro ria mana salero ria go,

Taetusi 2:6

Ono vatatana napu qira valekero voru, go tarina miasoka too ria tanuqira.

Jemisi 4:7

Iago muna vaqoqore tanuqamu, mana toqe ne ze God too ramu. Muna varitarae de ikoe Satana go mara paqa kasi ne qamu.

Kameka Pita 1:13

Iago muna ko vanamanama, mana miasoka koko ramu. Mana nanao qamu mara ko va karaputae pata velaka ro tina teke qamu go God ṉalu Jesu Kristo tina sadaka mego.

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.

Revaleson 12:10

Gonae era qa gata napu kameka ovaṉa na seko lavata i reqe me rani ne, igo de, “Ninidena to vari vakavele ia God i lama doka. God i vasadake karaputa ia ni batu lavata go. Ninidena to Mesia ia i vasadake go karaputa ia, i kenaqana nego osina ro pata. Tanego Satana i degere banae go tarakenaqana God mana ivari valegue de iri koego turaqita ro ne musaqara mana kuse gogo ne, iri kakale vakuziki ne zeto ia rani ne.

Revaleson 12:12

Iago rani ne, mana osiqamu qamu koego rani ne go, muna kula vudu pua ne mana masi ne go. Tanego Satana i lama qoqoro me de qamu koego. I lete muma sasakata, tanego i rove, ṉalu ia i lete pusi.”

Revaleson 12:9

Gonae dole ratovo lavata ne mana aqelo ro ia ne, iri kakale vakuziki ne qira to. Dole ratovo dena to, iato i ko bana mego ṉalu bana ne, iato qata vitoṉo zego Satana, iato i poqe qira go basoero na vudu pua go iri vasakata pata go.

Revaleson 20:10

Gonae Satana ni vaqoqo qira go basoero ne, iri vanaqe zaqe bolu na nako i poto sadaka mego loborona pua ne, de igogo to iri vanaqe bana qiru aqe go pata qaraqara piru mana propeta poqepoqe ne, de go tarina vokara kuse mana musaqara mana tiniki rove kaega lupo go.

Revaleson 20:2

Ia i qolo vanadua dole ratovo i ko bana mego ṉalu bana ne, iato qata vitoṉo zego Satana, mana i qolo taru ze ia seni lavata torana kameka mao masirani.