Kameka Pita 5:5 - Vato Vari Vakameka Voru Ia Batu Ne

⁵ Gerena napu so ramu vano voru muna va mazala qira vano kazigarata rone. Mana osiqamu muna va qoqoro napua tanuqamu, mana vari tatavisi de qamu koego. Tanego Buka tabo ne igo dena, “God iki soko kaega basoe ni vazaka napu go, do iva sadaka ze mamaligara lavata ia de iri koego vano iri ko qoqoro go.”

Kameka Pita 5:5 ပူးပေါင်းရင်းမြစ်များ

Luka 22:26

Do vatovato dena mari kasa koena de qamu koe go ramu. Ia i basoe lavate de qamu koe ramu mara gere sale suka, mana ia i kenaqa e de qamu koego ramu, mana gere seka ne.

Leta Ia Pol I Karo Ne Qira Basoero Na Rom 12:10

Muna vari mamaligara napu tanuqamu gerena qamu kameka tamakenae loborona Kristo.

Leta Ia Pol I Karo Ne Qira Basoero Na Rom 13:14

Do palataru vanadue de ikoe go Batu ita Jesu Kristo, go tatana vanama go varitara na de ikoe go soso pata sakata ro ne. Kasi luluna vatovato sakata ro ni poro soko go tokama qita ne.

Epesus 5:21

Loborona vabatu ramu de ikoego Kristo, ramu muna vari vamazalae napu tanuqamu.

Pilipae 2:3

Kasi nanao na osina pataro mamu zazu va miki neso tanuqamu, ba vazakazaka na tanuqamu, ba vakanata volomo. Do muna ko qoqoro, vari padae de iri koego kero ne basoero ne.

Kolosia 3:12

Ramu qamu basobasoero ia God, i mamaligara ne qamu mana i vine qamu tamuna ke ia tanuna. Iago vakeba ze too ramu, vari vatatavisi, dego va velaka ne na kene basoe, vaqoqoro na too ramu, vamanakamana basoe mana va totoloṉe basoe i zaza kakavata go, va losia nanao qamu, kasi muma katikili go.

Kameka Timoti 5:1

Oniki seko lavata qira basoero iri kazigarata sivala ni go, do ono seko tabe velaka qira, gere ṉalu qo seko tabe go tamamu. Ria gavere ro ono vagere qirae qamu tamakena ro.

Iburu 13:17

Vaogoto qira vano kena kenaqa ro ramu, mana lulua pataro iri sine go. Tanego iri mia tarua too kristiano ramu, mana iri ki ziṉo kaega go, ria tarina sine vasadaka ne God avana iri zazu nego. Ṉalu ramu qamu lulua pataro iri sine qamu go, ria tarina zazu e loborona kula, ṉalu kaega, ria tarina zazu e loborona maqata, mana tiniki tavisi ne qamu kaega go.

Jemisi 4:6

Do mamaligara lavata ia God iva sadaka ze go de qata koe go ilete moqere sivala, gerena Buka tabo ne i sine go, “God iki soko qira kaega vano iri vazakanapu go, do mamaligara ia itaru ze de iri koego vano iri vaqoqore go tanuqira.”

Kameka Pita 3:8

Va lupolupona seko era, ramu muna ko kameka mana kameka nanao. Muna vari mamaligarae gere kameka tamakenaro, vari manavae mana ko qoqoro loborona koko ramu go.

Kameka Pita 4:1

Ṉalu Kristo ikoego pua dena i pala vokara tokamana, iago, ramu napu muna vakaraputa tanuqamu gerena nanao ia ni pala go. Tanego basoe iva vokare go tokamana tiniki lulua kaega vatovato ia vasakata pata.

Kameka Pita 4:5

Taramuzina ria tarinara sine vasadake too sakata ria tarakenaqana God, ia ni piri ne vari tanae ia de iri koego vano too mana vano le.