Kameka Pita 5:3 - Vato Vari Vakameka Voru Ia Batu Ne

³ Mana kasi nanao na lete batu sivala ne qira basoero qamu miasoka qira go, do muna va mia qirae vatovato velaka ro ramu, go tarina lulua go.

Kameka Pita 5:3 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 13:15

Zazu qa vasadaka ne qamu go era nae, i vasadake too velaka deqamu koego, go ramu tamuna zazu vapadapada napu neso go.

Zazu Ria Apostoloro 20:28

Muna miasoka tanuqamu mana osiqira kero ne basoero, tanego Spirit tabo ne i taru ze vari miasoka ramu, tamuna miasoka eklesia ia God, gere qira vano miasoka sipi, to ia i toṉove go, tanego Sale ia i teke ne too ia, i voli bana zego parasana.

Kameka Korinti 11:11

Do too ita ireqe go de ikoego Batu ne, valeke ivamazale qole mana qole ivamazale valeke.

Kameka Korinti 3:5

Muna pada ne nanao rove na, “Akena tane Apolosi? Mana akena tane Pol?” Raru qaru basoe zazu ia so God, qaru tavisi qamu ramu go tamuna vaogote God. Nogoto qaru qaru, zazu ne so zazu i teke ne qaru go God, vapadapada na zazu raru, i gere basoe i zazue barue.

Kameka Korinti 3:9

Tanego qaru kameka zazu ne zazu ia God, mana ramu qamu barue ia go. Mana ramu qamu pade ia God.

Karua Korinti 1:24

Remu qiki soko ne kaega vele batu ne na vaogoto ra ramu, qi rove ramu qamu degere vanadue vaogoto ramu, ba remu qi zazu tavisi ne qamu so sauna kulakula ramu.

Karua Korinti 4:5

Tanego remu qiki tarama ne kaega tanuqemu, do qi tarama ne Jesu Kristo i Batu go, mana remu qi vano zazu ra ramu, tanego i sauna Jesu.

Pilipae 3:17

Vakitaka ro era muna vapadapada de qa gogo era, mana lulua de iri gogo ria iri zazu ne vato totoloṉo, gere na so de qa va mia qamu e go era.

Pilipae 4:9

Muna vazazua pataro qamu rove go, mana qamu pala vakava ve era, seko ro era mana zazu ro era go. Mana God na teke ne qita go bule ia tina ko tavisi qita osina ṉalu.

Kameka Tesalonika 1:7

Iago, ramu qamu vasadake va padapada velaka de iri koego vano vaogoto iri koego kena Masedonia, mana Akaia.

Karua Tesalonika 3:9

Qi zazu ne ia dena, go i kaega ne qemu ka mazala go timuna pene qamue ramu pata tina tavisi ne qemu iki go kaega, do qimu zazu ne go mara vapadapada raramu muna lulua qimu go.

Kameka Timoti 4:12

Aro qo ara basoe voru so, iago pada ne, go mara kasi nanao vaqoqori go. Ono vasadake vatovato velaka de iri koego vakitaka lotu ro loborona seko ro aro, too aro, mamaligara aro, vaogoto aro mana too dalo aro go.

Taetusi 2:7

Aro Taetusi ono vasadaka ne qira too mana vatovato velaka, go basoero ne tarina lulua go. Mana vari vatatana aro mara totoloṉo, go basoero ne tarina mia vamazale go.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.