Kameka Pita 5:2 - Vato Vari Vakameka Voru Ia Batu Ne

² muna miasoka velaka qira basoero ia God i teke ne qamu gerena valeke miasoka sipi i miasoka go sipi ro ia; mana kasi maomao ne na go. Muna zazu velaka ne zazu ro ramu ni soko qamue go God. Kasi nanao naso pala na voli qamu zazu go. Do voli nae tina reqe me to soko ogoto raramu qamu soko go tavisi ne qira go basoero ne.

Kameka Pita 5:2 ပူးပေါင်းရင်းမြစ်များ

Luka 12:32

Jesu igo, “Muniki sareki sinaqe suka. Tamaqamu i lete soko qamue de ikoego vari miasoka ia.

Zazu Ria Apostoloro 20:29

Era qa rove taramuzina zaza tuna vae era, basoero tarina lama e de qamu koego, tarina gere qira sika piru kabakabala ro, mana tarina lama va makuru lupo qira vano iri vaogoto go.

Zazu Ria Apostoloro 21:13

Do ia i vataule ne qemu remu, “Avana tane qamu zazu ne go ramu qamu dae go, qamu soko kopule na puṉuqu era? Era qa toqe ne mara qolove Jerusalema mana qa vanama bana ne to le ne na vazakazaka na vitoṉo na Jesu Batu ita ne.”

Leta Ia Pol I Karo Ne Qira Basoero Na Rom 1:15

Iato nae tanego era qa lete soko go tamana ne na Tarama velaka de qamu koe go ramu basoero qamu koe go Rom.

Kameka Korinti 9:7

Avigo kaki valeke varitara i volia so tanuna pata gege ia, ṉalu topu ria vano varitara iri kameka teṉo go? Avigo ṉalu basoe i zazu ne barue ia iki ge kaega urena pata lebaleba i koego barua ia? Avigo basoe miasoka sipi iki ge kaega miliki na sipi ia?

Kameka Timoti 3:3

Ia tiniki poro ge loka kaega, ba poro varitara kaega, do tina vakapo qira basoero mana tina basoe bulebule go, mana mara kasi poro soko kesa go.

Kameka Timoti 3:8

Vano iri vari vatatavise loborona lotu ne, mara vasadake too mana vatovato totoloṉo ria, mara lulua pataro iri sine go, mara kasi poqepoqe, poro ge loka, ba soko na kesa go.

Taetusi 1:11

Ono vanoto vari vatatana poqepoqe ro igogo ne, tanego iri va sakata bana to vaogoto ria kavia ro tatamana ro. Iri vatatana qirae basoero ne pata poqepoqe ro, tanego iri soko so pala na kesa go tina tavisi ne qira.

Taetusi 1:7

Basoe i batu lotu go, basoe nae i miasoka zazu ia God. Iato go too ia tina totoloṉo. Tiniki vazaka napu kaega, muma katikili kaega poro ge loka kaega vari varitara kaega, ba soka na topu kesa go.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Taetusi 3:1

Sine va moqere ne qira basoero aro, mara va mazala qira vano kenakena ro mana vano batubatu na qavuna go. Ria mara vaogoto qira mana vanama ne zazu na pataro i velaka go.

Pilimon 1:14

Do sauna pata nae, era qaki vatutubo goe kaega aro tono tavisi nava, do, era qa suko ono zazu ne ṉalu ina kaega nigo ka riqo, iago era tuniki zazu ne so kaega kaki pata, ṉalu qoki toqe go kaega aro.

Iburu 12:15

Muna mia soka tanuqamu, go muniki tabali kakamu ne Mana ia God. Muniki gere moki i pani go, mana i mazala go vasakata qira kero ne basoero go.

Karua Pita 2:3

Vano vari vatatana poqepoqe ro nae, iri soko so pala na kesa ramu, iago iri vari vatatana ne so pata poqepoqe ro. Do kimata ria vano vari vatatana poqepoqe ro dena, i nama bana me so. Iago i makuru qira tarina paqa ne, ia tina vae vasakata qira go.