Kameka Pita 5:12 - Vato Vari Vakameka Voru Ia Batu Ne

¹² Qa karo zatu leta pusi era dena loborona vari va tatavisi ia Saelas, kameka valeke vakitaka era i nadue de ikoego Kristo. Qa soko vatadagasiri qamu ramu, mana varove qamu ramu makaolo qamu pala go, ia to mamaligara lavata ia God, iago muna degere vanadue to Mana nae.

Kameka Pita 5:12 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 21:21

Ṉalu Pita i mia ia i tana ne Jesu, igo, “Batu, do valeke dena, ava tina go na?”

Zazu Ria Apostoloro 11:23

Ṉalu i zadoka i mia de igogo God i vamakolo qira go basoero ne, ia i kula sivala, mana i seko vatalasara ne qira. I vane qira dena muma ko vanadu mana ruqe ze Batu ne loborona puṉuqamu.

Zazu Ria Apostoloro 15:22

Gonae apostoloro mana kazigarataro go iri teṉo tavisi qira vano lotu. Mana iri vine kakiaro vano lotu, go mara lulu qiru Pol mana Banabasi go mara zae Antiok iri go, iago iri vine karua basoe iri lete nanao vamazala qiru go, Jiudas iri vitoṉo ze go Basabasi mana Saelas.

Zazu Ria Apostoloro 20:24

Do era qa nanao rove, too era i patavolomo so, era qa soko so vavotona zazu ni turi nave Batu ita Jesu ni teke nava, go tuna zazu ne, zazu igogo ne, era tuna vatatavata go Tarama Velaka na dego velaka ia God.

Leta Ia Pol I Karo Ne Qira Basoero Na Rom 5:2

Loborona vaogoto Kristo i varove qitae ita Mana ia God i teke volomo ne qita go qata too e go manava nae ninidena. Ita qata kula ne ruruqe ia tatana pala tavise go karaputa ia God kene ṉalu.

Kameka Korinti 15:1

Mana ninidena qa soko va nanao taru qamue vakitaka ro era, sauna Tarama Velaka qa tarama ne zego, de qamu koego iato qamu pala go, mana vaogoto ramu i degere vanadu ego.

Karua Korinti 1:19

Era, Saelas mana Timoti, qi tarama ne Jesu Kristo i Tuna God, ia iki sine kaega ‘Ove’ mana ‘Kaega’, ba iane osina ṉalu i sine ‘Ove’ de ikoego God.

Karua Korinti 1:24

Remu qiki soko ne kaega vele batu ne na vaogoto ra ramu, qi rove ramu qamu degere vanadue vaogoto ramu, ba remu qi zazu tavisi ne qamu so sauna kulakula ramu.

Epesus 3:3

God i vasadake namanama pipika ia, mana i varove zave era. Era qa karo zatu seko pusi sauna pata dena.

Epesus 6:21

Tikikasi to tina sine ne qamu go ramu osina taramaqu era. Ia i valeke vakitaka velaka ita, mana i basoe zazu velaka ia Batu ne go.

Kolosia 1:7

Ramu gamu rove Epaparasi i vatatana bana gamu e ramu de go Mana ia God. Ia i vakitaka remu, i osaka ne zazu ia Kristo, mana i zazu tavisi gemu remu go.

Kolosia 4:7

Vakitaka ita Tikikasi remu qi nanao tarua ia, i zazu velaka mana i tavisi seko ne na Tarama Velaka ne, i basoe zazue loborona zazu ia Batu ne. Iago, iato tina sine ne qamu ramu de go osina to tarama qu era.

Kolosia 4:9

Onisimusi i lulu tavise go ia, Onisimusi i vakitaka remu, qi nanao tarua, ia i kameka seko ramu. Riru tiruna sine lupo ne qamu osina pata i sadaka ego dena.

Kameka Tesalonika 1:1

Era Pol, Saelas, mana Timoti, qimu karo ne qamu ramu vano lotu qamu koego Komala Tesalonika, qamu basoero ia God Tamana, mana Batu ita Jesu Kristo. Go Mana ia God ina teke ne qamu dalo mana mamaligara iago.

Karua Tesalonika 1:1

Era Pol, Saelas mana Timoti qimu karo ne qamu ramu vano lotu qamu koe go komala Tesalonika qamu basoero ia God Tamaqita mana Batu ita Jesu Kristo.

Iburu 13:22

Vakitaka ro era, qa pene vakaraputa qamu muniki nonopa ne pataro qa karo zego era leta dena, tanego seko ro era tina vatalasara qamu, tanego leta qa karo zatu go dena, iki lete loda kaega.

Kameka Pita 1:13

Iago muna ko vanamanama, mana miasoka koko ramu. Mana nanao qamu mara ko va karaputae pata velaka ro tina teke qamu go God ṉalu Jesu Kristo tina sadaka mego.

Kameka Pita 4:10

Nogoto qita qata pala soso adoado na sosovolomo ia God, iago mata soso velaka ne qira kero ne basoero sosovolomo velaka sivala qata pala ze go God.

Karua Pita 1:12

Pata ogoto, era tuna vananao taru qamue ramu osina ṉalu, iago muna degere vanadue seko ogoto qamu pala bana go.

Karua Pita 2:15

Vano vari va tatana poqepoqe dena iri kasi bana ne, too totoloṉo, mana iri bulaṉoi, iri lulua propeta Balam tuna Beo, i lete soko so vavagado nena zazu sakata ro i zazu nego.

Kapisa Jon 1:12

Osina basoero ne iri go Demetrimus dena to i valekē velaka sivala mana seko ogbto dena i vasadaka napu me so pata dena. Mana remu qimu sine vasadaka napua so i valeke velaka, mana ramu qamu rove bana so pata qimu sine go i pata ogoto.

Judi 1:3

Ramu turaquro, qa lete soko karo ne qamu ramu kameka leta sauna vari vakavele qata vari pala ne go. Do ninidena to qa nanao lulusu zaqe to, itora to era ma karo ne qamu leta dena, go ma sine va karaputa ne qamu go muna varitara moqere ne, bara ne na vaogoto qamu pala bana go. Kameka ṉalu so God ivalame ne qira go basoe ia, vaogoto dena iato iko osina ṉalu topu ro ne.