Kameka Pita 4:6 - Vato Vari Vakameka Voru Ia Batu Ne

⁶ Basoero iri le bana go, iri gata bana Tarama Velaka ne. Ara too iri vaego iri pala kimata, mana iri le gere qira so osiqira basoero. Do pasi ninidena iri le bana to, iri mazala to pala na too de ikoego God tepa rani ne.

Kameka Pita 4:6 ပူးပေါင်းရင်းမြစ်များ

Matiu 24:9

Taramuzina nae tarina pala qamue varitanae mana vae vale qamu go. Topu sasakata basoero tariniki soko qamu kaega, tanego i sauqu era.

Leta Ia Pol I Karo Ne Qira Basoero Na Rom 8:2

Tanego karaputa ia Spirit tabo i teke ne qita too i vakameka ne qita go ita Kristo, go i lukasa qita go sauna vatovato ia vasakata pata, mana go i vae vale qita go.

Qalesia 2:19

Tanego Tamana ivae ava era, go era tuna too e deikoego God. Iato nae tanego iri vae vale palu zave go era Kristo koluse ne.

Qalesia 5:25

Spirit tabo iteke bana ne qita too, iago Spirit tabo mara kenaqa ne go too ita.

Kameka Pita 1:12

Iago, God iva sadaka me ze de iri koego propetaro ne sauna zazu iri zazu nego, iki sauqira so kaega tanuqira, do i sauna to tavisi ne qamu ramu. Mana pataro iri sine bana go ria ne, iato qamu gata qirae go vano iri sine vasadake go tarama velaka de qamu koe go. Ṉalu ria iri tamana ne go Tarama Velaka nae, Spirit tabo iva karaputa qira, ituri ne me God ikoego rani ne, iato pataro dena to aqeloro ne iri soko go nanao rove na.

Kameka Pita 3:18

Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.

Kameka Pita 3:19

Mana madau na i too i za tamana qira madau qira vano iri le go, niri koego rodoko.

Revaleson 14:18

Gonae kakia napua aqelo i miasoka go nako ne, i za siporo me sara ne. I seko valavata me de ikoego aqelo ipala go pegi eqoqo zogoto ia ne, “Ono vazazua pegi eqoqo zogoto aro mana puta ze pata lebaleba ro iri koego barue na vudu pua, tanego urena ro ne i ṉara lupo to.”