Kameka Pita 4:11 - Vato Vari Vakameka Voru Ia Batu Ne

¹¹ Basoe i tamana go mara tamana ne Tarama Velaka ia God. Basoe i tavisi ne qira basoero ne mara zazu ne ze karaputa ia God i teke nego, mana osina pataro ni zazu ne go mara vazaka ze God loborona Jesu Kristo, de ikoego ia tarina vazaka ze karaputa ia mana go tina doka go ka ṉalu gado kutona i kaega. Amen!

Kameka Pita 4:11 ပူးပေါင်းရင်းမြစ်များ

Matiu 6:13

Mana oniki padane qemu remu pata go i mazala va soru qemu, do ono bara ne qemue dekoe pata sakata rone.

Tarama Velaka Ia Jesu Kristo I Karo Go Jon 13:31

Ṉalu Jiudas i siporo kasi nego pade ne, Jesu igo de, “Ninidena karaputa mazala ia Tuna basoe ne tina sadaka me, mana karaputa mazala ia God, tina sadaka me, de ikoego iago.

Zazu Ria Apostoloro 7:38

Mosese iato i ko tavisi qira basoero na Izirel iri teṉo e ulana ne, i ko tavisi qira me vanovano bana ita, mana aqelo i seko tabe ze ia Kubolo Sinae mana iato i pala mego tarama too ia God i ara teke ne qita go ita.

Leta Ia Pol I Karo Ne Qira Basoero Na Rom 11:36

Tanego osina pata i vazari me so ia, mana osina pata iri sadakae so loborona karaputa ia, mana osina pataro dena iri patapata lupo ia so God. Iago ita mata vazaka God osina ṉalu topuro ne! Amen.

Leta Ia Pol I Karo Ne Qira Basoero Na Rom 12:3

Tanego pata i teke bana nava go era God, era ma sine ne qamu. Muniki nanao vazaka qamu so tanuqamu. Do muna nanao lulusu qamu tanuqamu mana va lulu ze vaogoto ramu ni teke bana ne qamu go God.

Leta Ia Pol I Karo Ne Qira Basoero Na Rom 16:27

Tanuna so God ilete tarove sivala go, mana ita osiqita mata vazaka ze ia loborona Jesu Kristo osina ṉalu topuro ne! Amen.

Leta Ia Pol I Karo Ne Qira Basoero Na Rom 3:2

Ove, i topu pata velaka iri pala go vano Jiu. Pata kenaqa sivala, God i teke ne qira vano Jiu seko iago tarina sotia go.

Kameka Korinti 10:31

Sauna ianae ne, ṉalu qamu ṉaṉa koloku ba qamu ge loka ba kakia so kapata qamu zazu ne go, muna vazaka zaqe so God.

Kameka Korinti 12:4

Topu soso gadogado na sosovolomo ia i koe de qata koego, do kameka so Spirit tabo ia God i teke ne qita go.

Kameka Korinti 3:10

Qa va zazua sosovolomo i teke nava go God, qa zazu gere basoe i lete rove go zazu pade, qa sola vazunua bolu go na degere turu tina pala vanadua go pade ne, mana kaki basoe napu i zazu ze go pade popokona deqa vanama go era. Do osiqira tarina mia velake de tarina vane go zazu na pade ne.

Kameka Korinti 6:20

tanego God i voli bana qamu, mana kudo na voli qamu i lete lavata sivala. Iago vazazu ze tokama qamu sauna velaka na God.

Karua Korinti 2:17

Remu qiki gere qira kaega kerone basoero iri lete tarove ne zazu dena. Iri tarama ne Tarama Velaka ne, gere so kaki pata iri mazala soba ze vavagado, go tarina too ne. Do remu qi lete vaogote mana nanao vamazale zazu ro remu, qi tarama ne Tarama Velaka ia, gerena so de i soko go God, qi sine vasadake seko ia tanego qi vano zazu ia Kristo.

Karua Korinti 9:13

Tanego i sauna zazu velaka ramu, topu na basoero iri vazakazaka ze God, tanego ramu qamu vaogote Tarama Velaka ia Jesu Kristo mana qamu vasadake go, qamu toqe ne soso na tavisi ramu de iri koego vano Judia mana kero ne basoero lotu go.

Epesus 1:19

Mana de igogo ia, do ilete karaputa sivala zazu ia de gata koego ita qata vaogoto go. Karaputa ivazazu ze go de qata koego ita i varipada so karaputana mazala,

Epesus 4:29

Ṉalu qamu seko go, kasi sine ne seko sakata ro. Do muna sine pataro tina soko go basoero ne, mana pataro tina vakaraputa qira basoero go. Seko velaka ro nae iri mazala soba ze na makaolo vano iri gata go.

Epesus 5:20

Mana loborona vitoṉona Batu ita Jesu Kristo, osina ṉalu mata teke ne seko velaka sauna osina pataro de ikoego God Tamaqita.

Epesus 6:10

Kameka pata napu, ramu muna degere vakaraputae loborona ko kameka ramu de ikoego Batu ne, sauna karaputa varavarana ia.

Pilipae 1:11

Too ramu mara purake vatovato totoloṉo i reqe me Jesu Kristo, go topu ria basoero tarina padapada mana vazaka God.

Pilipae 2:11

Osina basoero mara sine vasadake, “Jesu Kristo i Batu, go kero ne basoero tarina vazaka God Tamaqita.”

Kolosia 4:6

Seko ro ramu mara gata va velake basoero ne, mana mara va kula nanao qira go, mana tamuna rove velake dego tamuna toqe ne ba vataule na tana ria basoero ne.

Kameka Tesalonika 2:4

Kaega! Remu osina ṉalu qimu seko ne so pata i soko go God timuna sine go, tanego ia i mia vatora qemue remu timuna seko ne go Tarama Velaka dena. Remu qimuki soko kaega vakula na basoe, do qi soko vakula na God ia i mia mego pata ikoego loborona puṉu qemu.

Kameka Timoti 1:17

De koe Batu lavata ne, ia iki rove kaega le, mana ita basoero qatiki mazala kaega miana, mana iato i God ogoto go, vamazale ia, mana mazala i koe de i koego ia i ko ṉalu gado kuto na i kaega! Amen.

Kameka Timoti 6:16

Tanuna so ia iki rove go kaega le, mana de ikoego ia i koe tatavata mana kaega ka basoe i mazala go zae na. Kaega ka basoe i miasoba go ia, mana basoe i makuru miasoba na go. Osiqita mata vazaka God i koe karaputa osina ṉalu topu rone! Amen.

Taetusi 2:1

Do aro Taetusi, ono vatatana qira e basoero ne de igogo vatovato totoloṉo i lulua go vari vatatana ia God.

Taetusi 2:15

Osina ṉalu ono vatatana qira e basoero ne zazao na pataro qa sine go era. Ono vazazua osina to karaputa i ko nigo, go tono vakaraputa go nanao qira, ono seko va moqere ṉalu iriki lulua go kaega vari vatatana aro. Go kaega ka basoe tinara mia vaqoqori go.

Iburu 13:7

Nanao taru qira ria iri kenaqa bana ne qamu go, iri tarama ne go seko ia God de qamu koego. Nanao ule zaqe de go koko ria go iri le go, muna lulua too ria, iri vasadake vaogoto ria de ikoego God.

Iburu 5:12

I lete umata to ṉalu ramu qamu gata bana go seko ia Kristo, i tora to ramu tamu vano varivatatana go, do ramu qamuki rove so kaega, qamu soko napua so kaki basoe tina vatatana qamue go, pataro qamu gata kenaqa bana go sauna Kristo. Iago qamu, gere qira salero iri susu go, i makuru qira go ge na pata gege i magoro go.

Jemisi 1:19

Nanao tarua turaquro! Osina basoero mara katikili gatana, do valosia sine na, mana mara valosia muma go.

Jemisi 1:26

Ṉalu basoe inanao i basoe lotu ogoto igo, do iki miasoka go kaega sekoro ia sauna vazaka ia de ikoe go God i pata volomo so, mana i vabulaṉoe so tanuna go.

Kameka Pita 2:12

Vatovato na too ramu, de iri koego vano rodoko, muna va velake, go ṉalu ria iri soko va sakata qamu, do mara ria mia too na vatovato velaka ro ramu, go tarina mia rove go velaka ramu go tarina vazaka go God musaqara ia tina za sadaka mego.

Kameka Pita 2:5

Ramu do muna gere ipaka ikoego too ṉalu tamuna lama garogaro go Batu ne. God tina vagere qamue ramu Pade Lotu ikoego too. Loborona pade nae ramu tamuna gere qira patere tabo ro ia God. Loborona vitoṉo na Jesu Kristo qamu mazala soso ne tavatavara ramu de ikoego God mana God tina lete kula ne go.

Kameka Pita 4:10

Nogoto qita qata pala soso adoado na sosovolomo ia God, iago mata soso velaka ne qira kero ne basoero sosovolomo velaka sivala qata pala ze go God.

Kameka Pita 4:16

Do ṉalu qamu pala vokara tanego qamu lulua Kristo, ianae muniki agava ne, do muna seko velaka zaqe God, tanego qamu lulua Kristo.

Kameka Pita 5:11

De ikoego ia i koe karaputa iki rove go kaega lupo. Amen!

Judi 1:25

De i koe kameka so God dena i va kavele qita e de ikoe go Jesu Kristo Batu ita. I tora ita mata vazaka vitoṉona, i Batu lavata sivala, i varavarana, karaputa ia iko bana meso, iko ṉalu ninidena, mana tina ko dokae ka ṉalu gado kutona i kaega! Amen.