Kameka Pita 4:10 - Vato Vari Vakameka Voru Ia Batu Ne

¹⁰ Nogoto qita qata pala soso adoado na sosovolomo ia God, iago mata soso velaka ne qira kero ne basoero sosovolomo velaka sivala qata pala ze go God.

Kameka Pita 4:10 ပူးပေါင်းရင်းမြစ်များ

Matiu 20:28

gere na era Tuna basoe qaki lama ne kaega go basoero tarina zazu nava, do qa lama go tuna basoe zazu ria basoero ne, mana teke too era go tuna voli vaule qirae sauna vasakata pata ro ria.”

Matiu 24:14

Mana Tarama Velaka na Too ikoego vari miasoka ia God, tarina sine vasadaka ze kolabana pua ne, go osina basoero tarina gata. Mana taramuzina tina dokae to lupo na vudu pua dena.”

Matiu 24:21

Avigo? Tanego ṉalu nae tina lete topu makuru. Tina lete sivala ne makuru ro i sadaka bana me tupiana na me kolabana pua dena. Mana kaega napu to kaki makuru igogo nae, tinara sadaka napu mego.

Matiu 24:45

Gonae Jesu i sine napua, “Akena tane i basoe zazu vavaogoto mana tarove go? Iato valeke i va kenaqe go batu ia go tina miasoka qira kero ne vano zazu ne, go ṉalu na ṉaṉa, ia tina teke ne qira vano zazu pata gege ne.

Matiu 25:17

Ivari padana napu so valeke i pala go karua mao kesa ne, ia i pala napua kaki karua mao kesa.

Matiu 25:44

Basoero ne tarina tana nava era, ‘Batu! Ava ṉalu tane qi mia go qo saqo go, qo kaṉoso ba qo basoe zaza sivala, ba qo sisinaqa, qo mokoso ba qo koego loborona bara ne, do qiki garetu tavisi nigo kaega na?’

Maka 10:45

Patavolomo era Tuna basoe do qaki lama ne kaega go basoero ne mara zazu nava, do qa lama ne zazu ne qira basoero go tuna teke ne too era sauna go tarina kavele go vano basoe.”

Luka 12:42

Batu ne igo, “Akena to i valeke zazu vavaogoto mana i tarove go? Iato valeke iva kenaqe go batu ia tina miasoka go pade ia, mana tina kena ne qira go vano zazu ia pata gege ṉalu igado ule mego komala ia.

Luka 19:13

Do tarakenaqana iara zaza go, ikoru qira manoga basoe zazu ia, mana iva nogoto qirae kameka kesa qolu, i sine ne qira, ‘Muna pada ne va zazu va popoka na kesa dena torana zaza tuna vae go era.’

Luka 8:3

Joana qole ia kaki kameka valeke batu na pade ia Erode vitoṉo na Tuza, mana Suzana, kakiaro napu ria go. Iri va zazua so pataro iri toṉove go tanuqira go mara tavisi ne Jesu mana disipoloro ia iri go.

Leta Ia Pol I Karo Ne Qira Basoero Na Rom 15:25

Torana dena era tuna za kenaqe Jerusalema, mana za teke ne qira kesa tavisi de iri koe go basoero situ ia God iri koe go Jerusalema.

Leta Ia Pol I Karo Ne Qira Basoero Na Rom 15:27

Nanao ria dena ireqeme so de iri koego tanuqira, go iri zazu ne go pata dena. Do itora to, tanego vano situ iri koe go Jerusalema iri tavisi bana ne qira ria. Tanego vano Jiu iri teke kenaqa bana ne qira vano iriki Jiu go kaega pata velaka go tina vamaokolo qira go. Iago vano iriki Jiu go kaega iri tekene ne qira ria pata tina tavisi ne qira go ria pua dena.

Kameka Korinti 15:10

Do loborona Mana ia God era qa apostolo ia. Manava i teke nava go era iki vana volomo kaega, do i zari urena. Tata mia zaqe go ne, era qa zazu vokara sivala ne qira kerone apostoloro, do iki zazu miki era kaega tanuqu do Mana ia God i zazu tavisi ava.

Kameka Korinti 3:10

Qa va zazua sosovolomo i teke nava go God, qa zazu gere basoe i lete rove go zazu pade, qa sola vazunua bolu go na degere turu tina pala vanadua go pade ne, mana kaki basoe napu i zazu ze go pade popokona deqa vanama go era. Do osiqira tarina mia velake de tarina vane go zazu na pade ne.

Kameka Korinti 4:7

Akena tane i vine qamu ramu, qamu mazala sivala qira kero ne basoero ne na? Osina pata qamu toṉove go nae, God so i teke ne qamu. Iago avigo tane qamu vazakanapu nego, i gere pata qamu vazaria go tanuqamu.

Karua Korinti 6:1

Loborona zazu vari vakameka remu de ikoego God, remu qi pene vakaraputa qamu, ramu qamu pala go too velaka ia God mara kasi vana volomo.

Karua Korinti 9:1

Iki tora kaega tuna karo ne qamu sauna tavisi qamu vazao ne qira go basoero ia God iri koego Judia.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Epesus 4:11

Iato iteke ne qira go sosovolomo na soso, basoero na vudu pua. I vine qira kakiaro tarina apostolo, kakia ro tarina propeta, kakia ro tarina tarama ne Tarama Velaka, kakiaro tarina miasoka madau qira basoero ne, mana kakiaro tarina vari vatatana.

Karua Timoti 1:18

Torana qa koego era Epesus, ia i lete tavisi vavelaka nava era. Iago era qa pene Batu ne mara nanao ule ne mana manava ne ia ṉalu musaqara muzimuzi.

Taetusi 1:7

Basoe i batu lotu go, basoe nae i miasoka zazu ia God. Iato go too ia tina totoloṉo. Tiniki vazaka napu kaega, muma katikili kaega poro ge loka kaega vari varitara kaega, ba soka na topu kesa go.

Iburu 6:10

Ṉalu God i zazu ne vivine ia, iki tavisi kale kaega. Iki nanao kasupe ne kaega zazu qamu zazu ne go ba mamaligara qamu vasadaka ze go de ikoego, ṉalu qamu teke go sosovolomo ramu de iri koego kero ne vano lotu.

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.

Kameka Pita 5:12

Qa karo zatu leta pusi era dena loborona vari va tatavisi ia Saelas, kameka valeke vakitaka era i nadue de ikoego Kristo. Qa soko vatadagasiri qamu ramu, mana varove qamu ramu makaolo qamu pala go, ia to mamaligara lavata ia God, iago muna degere vanadue to Mana nae.