Kameka Pita 3:9 - Vato Vari Vakameka Voru Ia Batu Ne

⁹ Kasi vari sokasoka ne na pata i sakata go, ba vari soka nena seko sakata go, do muna pene ne basoe igogo nae, tanego makaolo to pata i pui bana ne go God tina tekene qamu, ṉalu i koru bana qamu go.

Kameka Pita 3:9 ပူးပေါင်းရင်းမြစ်များ

Matiu 19:29

Mana osiqira ria iri kasi ne pade ria, togaqira ba vavaniqira, tamaqira, sinaqira, ba salero ria ba barue ro ria sauqu era, tarina pala vatopu napua kameka vasa sivala ne de iri kasi bana nego, mana tarina toṉove too iki rove go kaega lupo go.

Matiu 25:34

Goto nae ia, tunara sine ne qira basoero iri koego tepa matauqu, ‘Ramu to qamu pala go makaolo ia Mamae, lama mana pala pataro ikoego Too ikoego vari miasoka ia God, ni vanama bana ne qamu go vazari i vae nego kolabana pua dena.

Matiu 5:39

Do ma sine ne qamu seko dena, oniki biru ne kaki seko basoe iva sasakata ni go. Ṉalu basoe i lakape papara mataumu teke napu ne kene papara.

Matiu 5:44

Do ma sine ne qamu, muna mamaligara ne qira ria iri kana ne qamu, mana pene ne qira ria iri va sasakata ne qamu go.

Maka 10:17

Ṉalu Jesu i vele zaza, kameka valeke vavagado i lama koloku tutuṉe tarakenaqana Jesu mana i tana ne igo, “Valeke vari vatatana velaka, avana to pata tuna zazu ne go era go tuna pala go too gado kutona i kaega.”

Luka 10:25

Kaki kameka valeke vari vatatana na Tamana, i lamae de i koe Jesu mana i soko pada va soru ze na ia tana dena. “Valeke vari vatatana,” igo, “avana tuna zazu ne era go tuna pala go too gado kutona i kaega?”

Luka 18:18

Kaki kameka valeke batu ria vano Jiu i tana ne Jesu, “Valeke vari vatatana vtlaka!” igo, “Avana to tuna zazu ne go era, go tuna pala go too iki rove go kaega lupo?”

Leta Ia Pol I Karo Ne Qira Basoero Na Rom 12:14

Pene God go mara vamakaolo qira vano iri vasasakata ne qamu go. Pata ogoto muna pene iago mara va makaolo qira, do muniki tulaṉa ne qira.

Leta Ia Pol I Karo Ne Qira Basoero Na Rom 12:17

Ṉalu kaki basoe i zazu ne ze kaki pata sakata de qo koe go, kasi soka vaule ne zena ia pata sakata. Do pada ne zazu zena pata velaka tarakenaqa qira basoero topu ne.

Leta Ia Pol I Karo Ne Qira Basoero Na Rom 8:28

Ita qata rove God izazu ne go osina pata sauna velaka ia de iri koe go ria iri mamaligara ne go. Ria to nae i koru bana qira go tarina vasadaka mego pata velaka ikoego nanao ia.

Leta Ia Pol I Karo Ne Qira Basoero Na Rom 8:30

Iago ria i vine bana me qira go God, ia i koru napu me qira go i vatotoloṉo napu me qirae de ikoego tanuna, mana i teke napu ne qira too menomeno ia.

Qalesia 3:14

Zuka nae to Kristo i voli qitae go, go basoero iriki Jiu go kaega tarina pala tavise go, pata i pui ne go God tina teke go Abra-am. Mana zuka nae to, ita qata vaogoto go qata mazala pala na Spirit tabo i pui bana ne go God.

Epesus 4:32

Do muna vari nanao, mana varimanavae tanuqamu loborona puṉuqamu. Muna vari nanao ule tanuqamu gerena God i nanao ule bana ne qamue ramu, de koego Kristo.

Kameka Tesalonika 5:15

Kaega kaki basoe mara zazu ne ze go kene basoe pata i sakata go. Do osina ṉalu muna pada ne zazu ne na pata velaka de qamu koego, mana kero ne basoero go.

Iburu 12:17

Taramuzina qamu rove, ia i soko pala na vatabo ia tamana, do tamana iki teke ne kaega ia. I kaega napu to kazuka Isua i mazala go kavala zena kebu i zazu bana nego, ia i dae mana i taqia zuka go mara kavala ze igo do, i makuru to.

Iburu 6:14

Igo de, “Pata ogoto era tuna vatabo go mana tuna va topua popodo aro go, iato de pata qa pui ne go na teke ni go.”

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.