Kameka Pita 3:8 - Vato Vari Vakameka Voru Ia Batu Ne

⁸ Va lupolupona seko era, ramu muna ko kameka mana kameka nanao. Muna vari mamaligarae gere kameka tamakenaro, vari manavae mana ko qoqoro loborona koko ramu go.

Kameka Pita 3:8 ပူးပေါင်းရင်းမြစ်များ

Matiu 18:33

Do aro, avigo tane qoki nanao ule ne kaega valeke nae, gere na era qa nanao ule nigo na?’

Luka 10:33

Do kaki kameka valeke Samaria i lama i mia valeke ne i kekele go zuka ne, i lete nanao vasakate ia.

Zazu Ria Apostoloro 2:1

Ṉalu musaqarana Pentikoste ilama doka, osiqira vano iri vaogote go Jesu iri teṉoe kameka dia.

Zazu Ria Apostoloro 27:3

Bakubakuna ne qemu dokae Saidon. Juliasi i nanao Pol, iago i va mao neiago mara za mia qira vakitaka ro ia, go mara teke ne ia kaki pata go tina tavisi ne go.

Zazu Ria Apostoloro 28:7

Iki laqalqa ne kaega de iri koego, ia kaki barue ia Pabilius, ia i batu ego ṉugu igogo ne. Iva gado velaka qemu, mana torana kapisa musaqara remu qi koe to vari miasoka ia.

Zazu Ria Apostoloro 4:32

Vano iri vaogote go Jesu iri kameka nanao. Kaega kaki kameka basoe i taru vakakavata go patapata ia tanuna, do osiqira iri vari va kameka ne so osina pataro iri toṉove go.

Leta Ia Pol I Karo Ne Qira Basoero Na Rom 12:10

Muna vari mamaligara napu tanuqamu gerena qamu kameka tamakenae loborona Kristo.

Leta Ia Pol I Karo Ne Qira Basoero Na Rom 15:5

Vatovato na ko va karaputa na nanao mana ko nonopa kaega gogo ne, ireqeme so God. Iago qa pene God go mara vakaraputa ko kameka ramu, tanego ramu qamu lulua Kristo,

Kameka Korinti 1:10

Loborona karaputa ia Batu ita Jesu Kristo, era qa pene qamu ramu vakitaka ro era, muna toqe ne pata qamu vari sine ne, go tina kaega go vari vatavotae loboro qamu. Ko vari vakameka ogoto, kameka nanao, mana kameka vato go.

Kameka Korinti 12:26

Ṉalu kaki takoborona tokama ne i vokara, osina kero ne takoboro tarina vokara napu.

Epesus 4:2

Osina ṉalu muna vaqoqoro tanuqamu mana vasadake mamaligara ramu, de iri koego kero ne basoero gerena de iri soko go tanuqira.

Epesus 4:31

Iago muna vana ne osina nanao sakata de ikoego kene basoe, ba nanao muma ba nanao vasakate na basoe. Kasi kara lapase basoe ba sine na pataro iva vokara qira qo basoero ne. Kasi zazu ne pataro iki totoloṉo go kaega.

Epesus 4:32

Do muna vari nanao, mana varimanavae tanuqamu loborona puṉuqamu. Muna vari nanao ule tanuqamu gerena God i nanao ule bana ne qamue ramu, de koego Kristo.

Pilipae 2:3

Kasi nanao na osina pataro mamu zazu va miki neso tanuqamu, ba vazakazaka na tanuqamu, ba vakanata volomo. Do muna ko qoqoro, vari padae de iri koego kero ne basoero ne.

Pilipae 3:16

Patavolomo igogo nae, ita mata, lulua so, Tamana qata lulu bana go, go i doka go ninidena.

Kolosia 3:12

Ramu qamu basobasoero ia God, i mamaligara ne qamu mana i vine qamu tamuna ke ia tanuna. Iago vakeba ze too ramu, vari vatatavisi, dego va velaka ne na kene basoe, vaqoqoro na too ramu, vamanakamana basoe mana va totoloṉe basoe i zaza kakavata go, va losia nanao qamu, kasi muma katikili go.

Iburu 13:1

Muna ko vari mamaligarae gere qira tamakena ro.

Jemisi 2:13

Tanego varitanae ia God iki sadaka me kaega varinanao de ikoego basoe iki manava ne qira go kaega basoero ne, do ṉalu aro qo manava ne qira go basoero ne, aro tina kaega nigo so sareki dekoe varitanae ia God.

Jemisi 3:17

Do tarove ireqeme go rani ne idalo bana me so tupiana na osina pata mana ireqeme too bulebule, too poro seko nena kaega pata mana too varikitaki. Iago ipurake to too varinanao, mana ivazari me to urena zazu velaka sivala, iki vari kakavatae kaega mana too tatakiu ne qira kaega basoero ne go.

Jemisi 5:11

Ita qata koru qirae ria, kula tanego iri konoto, mana vanadu ria nae tane vokara ro iri pala go iza vadoka qirae go ria valupolupona too ria. Ramu qamu gata bana de igogo Zobi. Topu pata makuru ilama dokae go de ikoe go, do ia ikonoto mana vanadue so de ikoe go God. Mana taramuzina God itavisi ne ia, tanego God ipurake manava mana varinanao de iri koego basoero ne.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Pita 2:17

Muna nanao va mazala qira basoero topu, mamaligara ne qira vano lotu mana batu lavata Siza go, mana padapadae de ikoego God.

Kameka Pita 5:5

Gerena napu so ramu vano voru muna va mazala qira vano kazigarata rone. Mana osiqamu muna va qoqoro napua tanuqamu, mana vari tatavisi de qamu koego. Tanego Buka tabo ne igo dena, “God iki soko kaega basoe ni vazaka napu go, do iva sadaka ze mamaligara lavata ia de iri koego vano iri ko qoqoro go.”

Karua Pita 1:7

Muna mamaligara ne qira vano lotu, mana muna lete mamaligara napu ne qira basoero topu go.

Kameka Jon 3:14

Ba ita qata kasi bana neto tepa ia le, mana qata kavae to tepa ia too ogoto, ṉalu ninidena, tanego qata mamaligara ne qira vano lotu. Do vano iriki mamaligara ne qira kaega kero ne vano lotu, iri ara koeso tepa ia le.