Kameka Pita 3:4 - Vato Vari Vakameka Voru Ia Batu Ne

⁴ Ba pata menomeno mara ko mego loborona puṉu, mana madau qamu ne, iato ko va velaka, noto mana ko duduli go. Vatovato nae to i lete mazala sivale go tarakenaqana God.

Kameka Pita 3:4 ပူးပေါင်းရင်းမြစ်များ

Matiu 11:29

Muna lama lulua vari vatatana era, mana era ma vatatana qamu go, tanego era qa vari nanao mana qaki vazakazaka va kaega tanuqu go, too nae to qamu mazala soba zena ziṉo loborona too ramu.

Matiu 21:5

“Sine ne qira basoero na Zaion, Mia, Batu lavata ramu, i garetu ne qamu. I va qoqore tanuna, mana i age so donki, mana donki sale nae to iage mego ia.”

Matiu 23:26

Ramu vano Parisio qamu lete kodo sakata, vadalo kenaqe loborona kapu ne, go kakamuna kapu ne, do tina dalo napu go.

Matiu 5:5

Kula ria basoero iri va qoqore tanuqira, tarinara pala pata velaka ro i pui bana nego God.

Luka 11:40

Qamu vano lete bulaṉoe. Avigo iki ogoto kaega God tane i zazu ne go kakamuna mana zazu napu ne go loborona ne go?

Luka 16:15

Jesu i sine ne qira, “Ramu qamu pada taru ne to vamimia velaka na tanuqamu, tarakenaqa qira basoero topu, do God i rove bana pata ikoego loborona puṉu qamu. Tanego pataro qamu nanao go ramu basoero i pata lavata go, de ikoego God, i patavolomo so.

Leta Ia Pol I Karo Ne Qira Basoero Na Rom 1:23

Iri vanane de igogo vazaka na God i too gadokutona i kaega; Gonae ria iri vazaka beku taqa iri zazu vagere ze go tatalina basoe, ba palero mana pata qaraqararo.

Leta Ia Pol I Karo Ne Qira Basoero Na Rom 2:29

Do basoe Jiu ogoto ne tina lulu ogote to pata velaka ni reqeme go puṉuna mana madauna go iara kosi ne go. Pataro dena iki reqeme kaega pata ni karoe go Tamana, do i reqeme zazu ia Spirit ia God. Mana basoe dena i tonovo ze vivitoṉo velaka de ikoego God.

Leta Ia Pol I Karo Ne Qira Basoero Na Rom 6:6

Go God tina pero vakuziki ne go karaputana vasakata pata ita, go ita mata kasi seka ia vasakata pata.

Leta Ia Pol I Karo Ne Qira Basoero Na Rom 7:22

Loborona puṉuqu, era qa lete kula ne Tamana ia God.

Karua Korinti 10:1

Kakiaro basoero iri go, era qa basoe konotose, qava qoqoro ava tanuqu, qaki seko vakaraputu kaega ko tavisi qavae qamu go, do qa poro seko vamoqere atu de qamu koego, ṉalu qa ko valaqalaqa ne qamu ianae loborona velaka mana manava ia Kristo, era Pol qa pene vakaraputa qamu,

Karua Korinti 4:16

Iago, remu qiki pela kaega, patavolomo karaputa remu i taqoqoro, do too na madau qemu i pala karaputa nogotona musaqara.

Qalesia 5:23

Ko vaqoqoro mana ko miasoka go so tanumu. Ikaega to kakia seko na Tamana tina vasakate go pataro dena.

Epesus 4:2

Osina ṉalu muna vaqoqoro tanuqamu mana vasadake mamaligara ramu, de iri koego kero ne basoero gerena de iri soko go tanuqira.

Kolosia 3:12

Ramu qamu basobasoero ia God, i mamaligara ne qamu mana i vine qamu tamuna ke ia tanuna. Iago vakeba ze too ramu, vari vatatavisi, dego va velaka ne na kene basoe, vaqoqoro na too ramu, vamanakamana basoe mana va totoloṉe basoe i zaza kakavata go, va losia nanao qamu, kasi muma katikili go.

Kolosia 3:3

Tanego qamu le bana, mana too ogoto iko pipika tavise Kristo ikoe de ikoe go God.

Kameka Tesalonika 4:11

Muna pada ne ko duduli, mana riqo ne so patapataro ramu tanuqamu. Kasi seko ne na pata mara zazu ne kene basoe, do muna zazu go tamuna toṉove go, pata tina tavisi ne go too ramu, gerena qimu sine bana ne qamu go.

Karua Tesalonika 3:12

Iago loborona vitoṉona Batu ita Jesu Kristo, qimu sine vamazala ne qira basoero dena mara lulua vatovato na too velaka mana zazu, go tarina pala go pata tina tavisi ne go too ria.

Kameka Timoti 2:2

Ria batu lavataro mana kero ne vano kenakenaqa go, go ita tatana ko velaka mana ko bulebule loborona too ita, go tatana lulua vato i vatabo go God loborona zuka velaka.

Karua Timoti 2:25

Tina rove napua de go tina vatotoloṉo qira go vano iri valegua go vari vatatana ia, ṉalu nae God i mazala napu so tavisi vatotoloṉe na nanao qira basoero nae, go tarina rove go seko ogoto ne.

Taetusi 3:2

Mara kasi seko sakate na kakia basoe, ba pera qira go. Do iri na ko bule mana vakitaka velaka qira basoero ne go.

Jemisi 1:21

Iago muna vanane too sakataro, mana too memelaka ro ramu. Do muna vaqoqore tanuqamu mana toqe ne seko ia God ileba ze qo puṉu qamu. Ia tonae tina vakavele qamu go.

Kameka Pita 1:23

Tanego seko ia God i too mana i dokae ka ṉalu gado kutona i kaega, iago ramu qamuki podo napue kaega tamaqamu ikoego vudu pua dena, do qamu podo e de ikoego Tamaqamu i too sivala go.

Kameka Pita 3:15

Do vabatua ia, tanego Kristo i koe loborona puṉu qamu, mana tudua ia ni batu ne go too ramu. Iago vanama osina ṉalu go tamuna va taule ne qira go basoero ne, ṉalu iri tana ne ruruqe ramu de koe Kristo.