Kameka Pita 3:18 - Vato Vari Vakameka Voru Ia Batu Ne

¹⁸ Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.

Kameka Pita 3:18 ပူးပေါင်းရင်းမြစ်များ

Matiu 27:19

Torana nae Pilato i kolokue pade vivine ia, gonae qole ia i valame seko ne ia, igo, “Ke qa pene go oniki zazu ne kaki pata de ikoego valeke nae, tanego i valeke totoloṉo. Tanego kuse ne qa kukureka ia mana qaki kamuku velaka neto kaega go.”

Matiu 27:24

Pilato imia imakuru to kavala na nanaoqira basoero dena, do kadigo pera lavata mana varitara tina sadaka go, iago i pala disi besi mana i saboro ze karisina tarakenaqa qira basoero ne mana i sine, “Le na valeke dena, iki riqo era kaega, tanuqamu to qamu rove go talupasa na!”

Tarama Velaka Ia Jesu Kristo I Karo Go Jon 16:10

iri kebue pataro i totoloṉo go, tanego era tuna ule za de ikoego Mamae, mana tamuniki miava kaega go.

Zazu Ria Apostoloro 22:14

Ananaisi igo, ‘God ria vanovano bana ro ita, i vine go aro, tono rove pataro i nanao go God tina zazu ne go, ono mia Jesu basoe zazu ogoto ia God mana, ono gata ia, ṉalu i seko ne ovaṉa ogoto na tanuna.

Zazu Ria Apostoloro 3:14

Ia i tabo mana i totoloṉo, do ramu qamu sila ia mana qamu sine ne Pilato tina toqe ne, pata qamu soko go, tina vasiporo ne qamu valeke ni vae vale basoe go.

Leta Ia Pol I Karo Ne Qira Basoero Na Rom 1:4

Too totoloṉo, mana too tabo ia i vasadaka me karaputa ia Tuna ogoto God, go i too napu mego tepa le ne.

Leta Ia Pol I Karo Ne Qira Basoero Na Rom 4:25

Ria iri vae vale ia, ia i le ne sauna vasakata pata ita mana i too napu me tepa le ne, go ia tina vatotoloṉo qita ita de i koe go God.

Leta Ia Pol I Karo Ne Qira Basoero Na Rom 5:2

Loborona vaogoto Kristo i varove qitae ita Mana ia God i teke volomo ne qita go qata too e go manava nae ninidena. Ita qata kula ne ruruqe ia tatana pala tavise go karaputa ia God kene ṉalu.

Leta Ia Pol I Karo Ne Qira Basoero Na Rom 8:11

God i vatoo napu me Jesu tepa le ne, iago ṉalu Spirit ia God ikoego loboro qamu. God tina teke napu ne too tokama qamu tinara za le go. Ia tina zazu ne ia dena, tanego Spirit ia ikoe loboro qamu ramu.

Leta Ia Pol I Karo Ne Qira Basoero Na Rom 8:3

Tamana i kaega ne karaputa go tina vakuziki ne go vasakata pata, tanego too ita vano basoe i memelaka qatild lulua kaega tamana. Do God so i zazu ne go pata dena ni valame go Sale ia i lama basoe i gere qita ita, mana i pala tavise vasakata pata i vokara ne, mana i le ne go i vakuziki ne go vasakata pata ita.

Karua Korinti 1:24

Remu qiki soko ne kaega vele batu ne na vaogoto ra ramu, qi rove ramu qamu degere vanadue vaogoto ramu, ba remu qi zazu tavisi ne qamu so sauna kulakula ramu.

Karua Korinti 13:4

I ogoto loborona too memelaka Kristo i le koluse, do loborona karaputa ia God Kristo i ko mana i too go, loborona vari vakameka de i koego ia ita qata pela napu, do loborona kameka zazu ita osiqita tatana pala karaputa ia God loborona too de ikoego Kristo.

Karua Korinti 5:21

Kristo i kaega ne vasakata pata, do i sauqita ita, God i kena tavisi ze ia vasakata pata ro ita, go ita tatana ko kameka e de i koego ia mana tatana pala go totoloṉo ia God.

Qalesia 1:4

Kristo iteke ne tanuna tina le ne sauna vasakata pata ro ita, go ita mata talukase too sakata na pua dena. Loborona vatovato dena to i lulua go soko ia God Tamaqita.

Qalesia 3:13

Kristo i bauru bana ne qitae ita tulaṉa iteke ne qita go Tamana. Tanego Buka tabo ne igo, “Ka basoe iri vaidoko ze go moki ne, i pala tularia ia God.”

Epesus 3:12

Iago loborona vari va kameka ita de ikoego Kristo, mana loborona vaogoto ita i nadue go ia, ita mata kasi sareki ne na lamae na de ikoego God.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Iburu 10:10

Tanego Jesu Kristo i zazu valupo banato pata i soko go God, tina zazu nego ṉalu ia i vamao go tokamana go ile go koluse ne, ia i komakoma ne tanuna kameka so ṉalu, sauna to zazu dena God i va dalo qitae ita loborona vasakata pata ro ita go.

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Iburu 9:26

Ṉalu ia tara zazu ne topu na ṉalu, ia tara pala vokara topuna ṉalu tupi me ṉalu God i vazaria go kolabana pua ne, doka ninidena go, do kaega, ia i lamae de qata koe ita kameka so ṉalu, torana de vudu pua i vele lupo go. I teke ne too ia de i koego God gerena kaki komakoma sauna vatalupase na vasakata pata ria basoero ne.

Iburu 9:28

I gere napua so Kristo i komakoma ne tanuna kameka so ṉalu, go i vatalupase go vasakata pata ria basoero topu ne. Ia tina lama sadaka napu varuana ṉalu, do tiniki lama ne kaega vakuziki na vasakata pata, do tina lama vakavele qira vano iri piri bana nego ia.

Jemisi 5:6

Ramu qamu tulaṉa vale ne qira basoero velaka, do ria iriki valegu qamu kaega.

Kameka Pita 3:19

Mana madau na i too i za tamana qira madau qira vano iri le go, niri koego rodoko.

Kameka Pita 4:1

Ṉalu Kristo ikoego pua dena i pala vokara tokamana, iago, ramu napu muna vakaraputa tanuqamu gerena nanao ia ni pala go. Tanego basoe iva vokare go tokamana tiniki lulua kaega vatovato ia vasakata pata.

Kameka Pita 4:6

Basoero iri le bana go, iri gata bana Tarama Velaka ne. Ara too iri vaego iri pala kimata, mana iri le gere qira so osiqira basoero. Do pasi ninidena iri le bana to, iri mazala to pala na too de ikoego God tepa rani ne.

Kameka Jon 1:9

Do ṉalu qata vasadaka ze de ikoego God vasakata pata ita, ia tina vaogote pui ia, mana tina zazu ne pata totoloṉo. Ia tina nanao ule ne vasakata pataro ita mana vadalo osina keburo qata zazu nego.