Kameka Pita 3:16 - Vato Vari Vakameka Voru Ia Batu Ne

¹⁶ Do muna zazu ne ze so loborona seko velaka mana padapada. Mana va totoloṉe nanao qamu go mara velaka osina ṉalu, go ia ṉalu iri seko sakata qamue too velaka ro qamu lulu ze go Kristo, ria tarina agava ne pataro iri sine ne qamu go.

Kameka Pita 3:16 ပူးပေါင်းရင်းမြစ်များ

Matiu 5:11

Kula ria basoero iri seko sakata qira, iri vasasakata qira mana iri poqe ne qira, tanego iri luluava era.

Zazu Ria Apostoloro 24:16

Mana iato go era qa pada taru neso go mava totoloṉo nanaoqu mana vatavato era, dekoe tarakenaqana God mana basoero ne.

Zazu Ria Apostoloro 28:22

Do remu qi soko gata na nanaomu aro, tanego qi rove basoero na osina dia, iri seko tolia koko qo koego aro.”

Leta Ia Pol I Karo Ne Qira Basoero Na Rom 9:1

Pata qa sine go i pata ogoto. Tanego era qa basoe ia Kristo, iago qaki poqe kaega Spirit tabo i kenaqa ne nanaoqu mana nanaoqu i varove velaka ve qaki poqe kaega.

Karua Korinti 1:12

Kameka pata remu, qi lete vazakanapu ne mana qi vaogote remu qi vasadake vatovato velaka ro remu, loborona vari vakameka de qata koego, loborona va vaogoto mana osaka na soko ia God. Remu qimuki zazu vamiki e kaega loborona tarove remu tanuqemu, do loborona so karaputa na Mana ia God.

Karua Korinti 4:2

Qimu vana lupo ne pata pipika remu, too ba vatovato i mazala go vamaqate na basoe, qiki zazu tatakiu kaega ba itana vasakatena seko ia God. Loborona tatavata ogoto remu i koe de ikoego God, mana qi padane vasadakena vatovato velaka mana too totoloṉo, de iri koego basoero i velaka go vatovato mana too ria go.

Kameka Timoti 1:19

mana sotia vaogoto aro mana nanao velaka loborona puṉumu. Kakiaro basoero iriki lulua kaega nanao velaka loborona puṉuqira, iato go vaogoto ria i zaza kakavata go.

Kameka Timoti 1:5

Ala go i reqe go seko tamana dena, go ita mata vasadaka me mamaligara i reqe mego puṉu ni velaka go, nanao velaka mana vaogoto de ikoego Kristo i lete ogoto go.

Karua Timoti 1:3

Qa seko velake God, iato qa basoe zazu ia, mana qa osaka ne zazu ia loborona nanao mana too velaka era, gere qira so vanovano bana era iri zazu nego. Qa seko velake ia nanao taru qa vae qamu go mana loborona pepene era kuse mana musaqara go.

Taetusi 2:8

Seko ne, seko totoloṉo ro, go basoero ne tariniki seko vasakate kaega seko ro aro, go vano iri vasasakata nigo tarina agava ne sine vasakata qita ita qata lulua go Kristo.

Iburu 13:18

Muna pepene taru ne qemu. Remu qi lete rove nanao qemu i totoloṉo mana qi soko ne zazu nena pataro i totoloṉo go.

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Kameka Pita 2:12

Vatovato na too ramu, de iri koego vano rodoko, muna va velake, go ṉalu ria iri soko va sakata qamu, do mara ria mia too na vatovato velaka ro ramu, go tarina mia rove go velaka ramu go tarina vazaka go God musaqara ia tina za sadaka mego.

Kameka Pita 2:15

Tanego God i soko qamue loborona zazu velaka ramu go mara va dudulia seko bulaṉoe ria vano iriki rove go kaega kapata.

Kameka Pita 2:19

Sauna pataro dena, God tina va makaolo qamue ṉalu ramu qamu vanadue vokara ro qamu pala go, tanego qamuki zazu ne kaega kaki pata sakata, do qamu mia rove vatovato dena i reqe me nanao na God.

Kameka Pita 3:21

mana besi dena i lalana bapitema iva kavele qamue go God. Sauna bapitema dena iki besi saboro va dalo na kaega korena tokama, do i sauna go muna zazu ne pui de ikoego God, ireqe mego nanao velaka ramu, mana iato i vakavele qamue go loborona too ivae napu me tepa le Jesu Kristo.

Kameka Pita 4:4

Mana torana dena vano rodoko iri lete poloso ne qamu ramu, tanego qamuki tavisi qirae kaega too piru mana too sakata iri zazu nego, iago ria iri seko sakata qamu.