Kameka Pita 3:11 - Vato Vari Vakameka Voru Ia Batu Ne

¹¹ Mara vana ne vatovato sakata ia mana zazu ne pata velaka, mara taru ze de ikoego tanuna mana de iri koego basoero ne go.

Kameka Pita 3:11 ပူးပေါင်းရင်းမြစ်များ

Matiu 5:45

Ṉalu qamu lulua zuka dena ianae iva sadake ramu qamu salero ia God Tamaqamu i koe rani ne, tanego God izazu ne saṉa go tina damara qira ria vano sakata mana vano velaka go.

Matiu 5:9

Kula ria basoero iri zazu ne go vari va bule, tarinara koru qirae salero ia God.

Matiu 6:13

Mana oniki padane qemu remu pata go i mazala va soru qemu, do ono bara ne qemue dekoe pata sakata rone.

Maka 14:7

Basoe situ ro iri ko tavisi bana qamu so osina ṉalu, iago ka ṉalu qamu soko go tavisi ne qira, qamu mazala so tavisi ne qira. Do era tuniki ko tavisi qamu kaega osina ṉalu.

Luka 1:79

Go tina teke qira tatavata ria iri koego rodoko mana dudulena le. Tina kenaqa ne makeqita, go tatana zukae loborona dalo.”

Luka 6:35

Mamaligara ne qira ria iri va sasakata ne qamu mana va velaka ne qira, soso ne mana kasi nanao tamunara pala vaule. Ṉalu nae voli qamu tina lete lavata, mana ramu tamuna salero ia God ni lete zakazaka sivala go. Tanego God i manava ne qira basoero, patavolomo iriki vavelaka ne kaega ia ba vatovato ria i sakata go.

Luka 6:9

Gonae Jesu i sine ne qira igo, “Era ma tana ne qamu ramu. Ava na tane i vamao go Tamana ita tatana zazu ne go ṉalu Sabat? Tavisi ba, vasakate na basoe? Vakavele na too ia basoe, ba vae vale na basoe?”

Tarama Velaka Ia Jesu Kristo I Karo Go Jon 17:15

Qaki pene ge kaega tono vakuziki ne qirae go vudu pua dena, do qa pene go, ono bara ne qirae loborona karaputa ia Satana.

Leta Ia Pol I Karo Ne Qira Basoero Na Rom 12:18

Muna pada ne zazu ne na vatovato velaka, go tamuna ko bule tavisi qira go basoero ne.

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Leta Ia Pol I Karo Ne Qira Basoero Na Rom 14:19

Iago ala ita, mata pada ne pata tina tavisi ne qita go tatana koego bule mana go tatana vari vatatavisi ne go vakarapata na vaogoto ita go.

Leta Ia Pol I Karo Ne Qira Basoero Na Rom 5:1

Ninidena ita qata totoloṉoe de i koe God loborona vaogoto, tanego Batu ita Jesu Kristo i vabule qitae de ikoego God.

Leta Ia Pol I Karo Ne Qira Basoero Na Rom 7:19

Do pata qa zazu taru ne go era, iato pata sakata ro qaki soko go kaega zazu nena.

Leta Ia Pol I Karo Ne Qira Basoero Na Rom 7:21

Iago, era qa rove vatovato sakata dena so i zazue de qa koe go era. Ṉalu qa soko go zazu nena pata velaka, do pata sakata so i reqeme go de qa koe go era.

Leta Ia Pol I Karo Ne Qira Basoero Na Rom 8:6

Do ṉalu basoe i lulua go too sakata ia tokama, ia tina za le ne so. Ba basoe i lulua go vatovato ia Spirit tabo, ia tinara za pala ze too, mana ko bulebule.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Qalesia 6:10

Iago torana iara kone qita go dena ṉalu, ita mata zazu ne ze pata velaka de iri koego vano qata kamekae go vaogoto na Kristo.

Kolosia 3:15

Bule i teke qamu go Kristo, i bara ne qamu e vivine ro ramu, tanego sauna to bule dena God i koru teṉo qamue loborona kameka tokama. Iago osina ṉalu muna seko velaka ne God.

Kameka Timoti 6:18

Sine ne qira mara zazu ne pata velaka ro, mara vavagado ne zazu velaka ro, nanao qira basoero mana soso ne patapata ro ria de iri koego kero ne basoero go.

Iburu 12:14

Padane koena loborona bule osiqamu, mana pada ne koena too i tabo go. Tanego kaega kaki basoe i mazala go mia na God ṉalu iki lulua go kaega too velaka.

Iburu 13:16

Niki nanao kasupe ne zazu ne na pata velaka go tina tavisi ne qira kero ne basoero, tanego komakoma gere qira to pataro dena i vakula go God.

Jemisi 4:17

Iago basoe irove go pata velaka itora go zazu nena, do iki zazu ne kaega igogo ne, i vasakata pata.

Kameka Pita 3:12

Tanego God i mia taru qira vano totoloṉo, mana i gata pene ro ria, do vano iri zazu taru nego pata sakata, ia i tabali kakamu ne qira.”

Kapisa Jon 1:11

Vakitaka era, oniki lutua vatovato sakata ro nae, do ono lutua vatovato velaka. Basoe igogo nae ne to i basoe iago God, ba basoe i lutua go vatovato sakata iki rove bana to kaega God.