Kameka Pita 2:9 - Vato Vari Vakameka Voru Ia Batu Ne

⁹ Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.

Kameka Pita 2:9 ပူးပေါင်းရင်းမြစ်များ

Matiu 4:16

Ria basoero iri koe loborona rodoko tarinara mia tatavata lavata. Ria iri koe loborona pua rodoko iri koe go vano iri le go, tatavata tinara damare de iri koego.”

Matiu 5:16

Gerena napu so, tatavata ireqe de qo koe aro mara tatavata ne qira basoero, go ṉalu tarina mia vatovato velaka raro, tarina vazaka Tamaqamu ikoego rani ne.”

Luka 1:79

Go tina teke qira tatavata ria iri koego rodoko mana dudulena le. Tina kenaqa ne makeqita, go tatana zukae loborona dalo.”

Tarama Velaka Ia Jesu Kristo I Karo Go Jon 17:19

Era qa vanama tanuqu, go tuna osaka niqo, qa zazu ne ia dena sauqira ria ne, go ria tarina vanama ogoto ne osaka nigo aro.

Zazu Ria Apostoloro 20:28

Muna miasoka tanuqamu mana osiqira kero ne basoero, tanego Spirit tabo ne i taru ze vari miasoka ramu, tamuna miasoka eklesia ia God, gere qira vano miasoka sipi, to ia i toṉove go, tanego Sale ia i teke ne too ia, i voli bana zego parasana.

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Zazu Ria Apostoloro 26:28

Aqripa i sine ne Pol, “Avigo ṉalu pusi dena qo mazala va basoe lotu ava era ba?”

Leta Ia Pol I Karo Ne Qira Basoero Na Rom 9:24

Tanego ita to basoero i koru bana qita go God. Iki vano Jiu miki so kaega do ita napu to vano qatiki Jiu go kaega go.

Kameka Korinti 3:17

Iago ṉalu kaki basoe i vasakate go Pade Lotu ia God, God tina vasakate ia. Tanego Pade Lotu ia God i lete tabo, mana ramu to qamu Pade Lotu ia God.

Epesus 1:14

Spirit tabo iteke qita karaputana mazala, go ita tatana pala go pataro i piu bana ne qita go God. Mana ia i varove ogoto qita ita, God tina lukasa ogoto qira basoero iri ke iago. Iago ita mata vazaka God ni lete menomeno sivala go.

Epesus 1:6

Iago ita mata vazaka ze, God sauna Mana ia, mana karaputana mazala ia sauna sosovolomo na kameka Sale valeke ia iteke ne qita go.

Epesus 3:21

Loborona eklesia mata vazaka ze God mana Jesu Kristo iko osina ṉalu, go tina doka go ṉalu gado kotona i kaega! Amen.

Pilipae 3:14

Iago era qa lete pada ne teteṉe totoloṉo za lala ne, go ma pala sasarapaqu, iato i koru ia God, iva goe ze Jesu Kristo, too ogotona vudu rani ne.

Kolosia 1:13

I vakavele qita e karaputa ia rodoko mana i vadoka velaka qita e de ikoego vari miasoka ia kameka Tuna,

Karua Timoti 1:9

God i vakavele bana qita, mana i koru qitae basoero ia iki sauna kaega zazu ro ita, do loborona so nanao ia, tanego i mamaligara ne qita. I teke ne qita Mana dena ṉalu ivalame go Jesu Kristo, tarakenaqana iara tupi go osina pata,

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Kameka Pita 1:2

Ramu qamu basoero tavine bana ia God Tamaqita, mana i vatabo bana qamue Spirit tabo ia tanuna, go ia ramu tamuna vaogote Jesu Kristo, mana daloe parasana ia. Qa pene God mara Mana ne qamu mana mara teke ne qamu bule osina ṉalu topu ro ne.

Kameka Pita 2:5

Ramu do muna gere ipaka ikoego too ṉalu tamuna lama garogaro go Batu ne. God tina vagere qamue ramu Pade Lotu ikoego too. Loborona pade nae ramu tamuna gere qira patere tabo ro ia God. Loborona vitoṉo na Jesu Kristo qamu mazala soso ne tavatavara ramu de ikoego God mana God tina lete kula ne go.

Kameka Pita 4:11

Basoe i tamana go mara tamana ne Tarama Velaka ia God. Basoe i tavisi ne qira basoero ne mara zazu ne ze karaputa ia God i teke nego, mana osina pataro ni zazu ne go mara vazaka ze God loborona Jesu Kristo, de ikoego ia tarina vazaka ze karaputa ia mana go tina doka go ka ṉalu gado kutona i kaega. Amen!

Revaleson 1:6

Ia i lama batu lavata ne qita mana i teke ne qita zazu patere go tatana osaka ne God tamana. Iago ita mata vazaka Jesu Kristo ikoego osina karaputa mana menomeno, osina ṉalu topu ro ne. Amen.

Revaleson 20:6

Kula mana makaolo i ke ria to vano iri pala go vari vatoo kenaqa dena. Tanego varuana le i kaega ne karaputa de iri koego ria. Ria tarina patere ia God mana Kristo, ria tarina batu lavata tavise ia torana kameka mao masirani.

Revaleson 5:10

Aro to qo batu lavata ria, mana aro to qo lama va patere qira, go tarina na vazaka God ita. Mana ria nae to tarina kenaqa ne qira basoero na vudu ne.”