Kameka Pita 2:7 - Vato Vari Vakameka Voru Ia Batu Ne

⁷ Ipaka to dena ilete mazala sivala ne qamu go ramu qamu vaogote go Kristo, do ria iriki vaogote kaega, Buka tabo ne igo, “Iato ipaka iriki ruqe go kaega vano zazu pade ne, iato itaitana mana i lete mazala sivala go ṉalu ninidena.”

Kameka Pita 2:7 ပူးပေါင်းရင်းမြစ်များ

Matiu 21:42

Jesu i sine ne qira, “Avigo qamuki toere so kaega pata i sine go Buka tabo ne? ‘Ipaka iriki soko go kaega vano zazu pade ne, iato i ipaka mazala sivala go. Pata dena to i zazu ne God, mana i lete mimia velake mata qita ita go.’

Luka 2:32

Ia i tatavata tina vasadake nanao mu aro, go tina va tatavata ne qira vano iriki Jiu go kaega mana va zakazaka qira basoero na Izirel.”

Luka 2:34

Simion i vatabo qiru mana i sine ne Maria ni sinana go. “Sale dena i vivine bana iaso God tina vasakata qira basoero topu, mana tina vakavele qira basoero topu. Iato tina lalana God mana topu na basoero ne tarina seko tolia ia, go nanao pupuika ria basoero ne tinara sadaka me.

Luka 20:17

Do Jesu i reṉa vale ne qira, mana i tana ne qira, “Do avana to tane i talupase go seko ro dena ni koego Buka tabo ne, ‘Ipaka iri soko go kaega vano zazu pade ne, iato ipaka ni lete mazalae go pade ne.’

Tarama Velaka Ia Jesu Kristo I Karo Go Jon 4:42

Basoero ne iri sine ne qole ne, “Pasi go lama sine ne qemu aro, qi vaogote. Do ninidena qi vaogote tanego tanuqemu qi gata seko ro ia. Ninidena remu qi rove to valeke dena, iato i vari vakavele na kolabana pua ne.”

Zazu Ria Apostoloro 26:19

Iago batu lavata Aqripa, era qaki ara legua kaega mia dua i reqe mego rani ne.

Leta Ia Pol I Karo Ne Qira Basoero Na Rom 10:21

Mana seko ia God sauqira vano Izirel igo dena, “Osina to musaqara era qa koru taru qira, basoero iriki vaogoto go kaega, iri kuzuku lavata go, tanego qa lete soko qira tarina ule me de qa koego.”

Leta Ia Pol I Karo Ne Qira Basoero Na Rom 15:31

Pene raramu to tina tavisi nava go era, go tariniki vasakatatava go kaega vano Judia iriki vaogoto go kaega. Pene napu ne qira basoero ro ia God iri koe go Jerusalema go mara ria kula ne zazu ro mana kesa ria qa pala ne qira go era dena.

Karua Korinti 2:16

De iri koego ria iri go zago zuka igo za go tepa le ne, nonolina insenisi ne i noli sakata qira, tanego tina vae vale qira. Do ria iri kavele go, nonoli na insenisi ne i noli meno qira, tanego i teke qira too. Iago akena tane i mazala go pala na zazu dena.

Kolosia 2:10

mana ramu qamu pala bana tutukunu na too loborona vari vakameka de koe ia. Iato i ko mazala sivala ne qira aqeloro mana osiqira ke ro ne vano karaputa ro mana iato i Batu sivala ne qira osiqira.

Taetusi 3:3

Tanego ṉalu bana ne qata bulaṉoe, go qata legulegu, qata soko go pataro ivakula so tokama qita, patana ro pua dena. Qata variqo ze too ita zazu sakata ro, mana qatiki soko qira kaega kero ne basoero ne, gereso ria iriki soko qita go kaega.

Iburu 11:31

Qole vari vagabu, vitoṉona Reab i vaogote God, iato go iki le palu qira kaega basoero iri legulegua go God. Ia i vagado velaka qiru karua valeke kakavaro ria vano Izirel.

Iburu 4:11

Iago ita mata lete pada ne za ziṉo tavise na God, iki velaka kaega ṉalu kakia ita, tina lulua go de iri gogo ria iriki vaogote go kaega God, mana iriki pala go kaega ziṉo igogo ne.

Kameka Pita 1:8

Ramu qamuki mia kaega Kristo, do qamu mamaligara ne, mana patavolomo ninidena, qamuki mia kaega, do qamu vaogote ia, mana qamu lete kula ne go. Kula ramu i lete lavata sivala i makuru qita kade tatana sine vane go.

Kameka Pita 2:4

Muna lama e de ikoego Jesu Batu ne, ia to i ipaka too iriki soko go kaega basoero ne, i kaega so ka mazalana iri go, do God i vine bana me mana ia to i lete mazala sivala go.

Kameka Pita 2:8

Mana kaki dia napu Buka tabo ne igo, “Iato ipaka de to tina tabatupara ne qira basoero ne, mana vasoru qira.” Tanego iriki vaogote kaega seko ia God. Iago God irove bana, ria tariniki vaogote kaega ia.