Kameka Pita 2:6 - Vato Vari Vakameka Voru Ia Batu Ne

⁶ Tanego Buka tabo ne igo, “Era qa vine bana kameka ipaka mazala sivala ninidena, qa va degere ia tina ipaka maqana komala Jerusalema, iago basoe i vaogote go tiniki maqata kaega.”

Kameka Pita 2:6 ပူးပေါင်းရင်းမြစ်များ

Matiu 12:18

“Valeke dena ne, iato qa vine bana go era, tina basoe zazu era go, mana iato qa lete mamaligara nego, mana qa lete kula ne go. Era na turine Spirit era go na kotavise ia, mana tina vasadaka ne qira basoero na kolabana pua vatovato totoloṉo.

Maka 12:10

Pata ogoto, ramu qamu toere to Buka tabo ne mana qamu mia to ni sine go, ‘Ipaka iri kasia go vano zazu pade ne, iato ipaka i lete mazala sivala ne qira go osiqira ipaka ro ne.

Luka 20:17

Do Jesu i reṉa vale ne qira, mana i tana ne qira, “Do avana to tane i talupase go seko ro dena ni koego Buka tabo ne, ‘Ipaka iri soko go kaega vano zazu pade ne, iato ipaka ni lete mazalae go pade ne.’

Luka 23:35

Basoero iri degere garogaro mana reṉa taru ne ia. Vano kenaqa ro ria vano Jiu iri va kesolo ne Jesu, iri go, “I vakavele qira basoero ne, iago mara vakavele napua tanuna, ṉalu ia i Mesia i tavine me de i koe God.”

Tarama Velaka Ia Jesu Kristo I Karo Go Jon 7:38

Gerena so Buka tabo ne igo, ‘Ṉalu ka basoe i vaogoto ava era ne, besi vuala i soso nego too tina reqe me puṉuna!’ ”

Zazu Ria Apostoloro 1:16

Igo dena, “Ramu turaquro! Buka tabo ne ilama ogoto, Spirit tabo i sine bana ne go Davita go ni sine go sauna Jiudas tina kenaqa ne qira ria iri pala go Jesu.

Leta Ia Pol I Karo Ne Qira Basoero Na Rom 10:11

Tanego Buka tabo ne igo, “Ka basoe i vaogoto go, ia tiniki ara za agava kaega.”

Epesus 1:4

Tarakenaqana go iara vazaria go vudu pua, God i vine bana qita de ikoego Jesu Kristo go mata ko totoloṉo mana tabo, go mara kaega ne qita kebu tarakenaqana tanuna sauna mamaligara ia.

Epesus 2:20

Ramu napu to go, qamu gere go pade izazu ne go God, mana ria to apostoloro mana propetaro ne to iri kutamana go. Tanuna to Kristo i turu maqana go pade ne.

Karua Timoti 3:16

Osina seko ikoego Buka tabo ne basoero iri karo go, iri valulu zeso nanao na God, iago i lete mazala sivala. Tina tavisi ne qita rove na seko ogoto, i vasadake vasakata pata ro ita, i vamia qitae de go tatana vatotoloṉe too ita, mana i vatatana qitae de go too i totoloṉe tarakenaqa God go.

Kameka Pita 2:4

Muna lama e de ikoego Jesu Batu ne, ia to i ipaka too iriki soko go kaega basoero ne, i kaega so ka mazalana iri go, do God i vine bana me mana ia to i lete mazala sivala go.

Kameka Pita 2:8

Mana kaki dia napu Buka tabo ne igo, “Iato ipaka de to tina tabatupara ne qira basoero ne, mana vasoru qira.” Tanego iriki vaogote kaega seko ia God. Iago God irove bana, ria tariniki vaogote kaega ia.

Karua Pita 1:20

Do pata lavata sivala, muna nanao tarua pata dena, kaega ka basoe tina mazala go sine lupase na sekoro ria propeta ro koego Buka tabo ne, ṉalu i valulu ze nanao ia tanuna.

Karua Pita 3:16

Ia to dena pata i sine ze go leta ro ia. Kakiaro pata i karo ze go leta ia i makuru nanao rove na, mana kakia ro basoero iriki rove va velake kaega pata igogo ne, iri itana vakakavata talukasana seko ro dena, gerena iri itana va kakavata bana go kakiaro Buka tabo ne. Iago, vatovato dena iri taru ze so makuru lavata sivala de iri koego tanuqira.