Kameka Pita 2:5 - Vato Vari Vakameka Voru Ia Batu Ne

⁵ Ramu do muna gere ipaka ikoego too ṉalu tamuna lama garogaro go Batu ne. God tina vagere qamue ramu Pade Lotu ikoego too. Loborona pade nae ramu tamuna gere qira patere tabo ro ia God. Loborona vitoṉo na Jesu Kristo qamu mazala soso ne tavatavara ramu de ikoego God mana God tina lete kula ne go.

Kameka Pita 2:5 ပူးပေါင်းရင်းမြစ်များ

Leta Ia Pol I Karo Ne Qira Basoero Na Rom 12:1

Iago turaquro tanego God imanava ne qita topu na ṉalu iago era qa pene vakaraputa qamu ramu muna teke ne zaqe God too ramu gerena kameka komakoma tabo go tina vakula go God. Iato nae de igogo ramu qamu ara mazala go tavatavara ogoto ne go God.

Leta Ia Pol I Karo Ne Qira Basoero Na Rom 15:16

go tuna kaki kameka basoe zazu ia Jesu Kristo sauqira vano iriki Jiu go kaega. Era qa zazu ne ia gerena kameka patere qa tamana ne go Tarama Velaka ireqe me de ikoe go God, go ia vano iriki Jiu go kaega tarina tabo gerena kaki sosovolomo iva kula go God ireqeme Spirit tabo.

Kameka Korinti 3:16

Ramu qamu rove bana, qamu Pade Lotu ia God, mana Spirit ia God i koe loboro qamu.

Kameka Korinti 3:9

Tanego qaru kameka zazu ne zazu ia God, mana ramu qamu barue ia go. Mana ramu qamu pade ia God.

Kameka Korinti 6:19

Avigo qamuki rove kaega tokama qamu i pade tabo ia Spirit tabo. Iato i koe loboro qamu, mana i teke ne qamu go God? Ramu qamuki ke ramu kaega tanuqamu, do qamu ke ia God,

Karua Korinti 6:16

Pade Lotu ia God i makuru tina vakameka ne pade manumanuru, tanego ita to qata Pade Lotu ia God! Gerena God tanuna i sine, “Era na zazu ze komala era, de iri koego basobasoero era mana tuna ko tavisi qira. Era tuna God ria mana ria tarina basobasoero era go.”

Qalesia 6:10

Iago torana iara kone qita go dena ṉalu, ita mata zazu ne ze pata velaka de iri koego vano qata kamekae go vaogoto na Kristo.

Pilipae 1:11

Too ramu mara purake vatovato totoloṉo i reqe me Jesu Kristo, go topu ria basoero tarina padapada mana vazaka God.

Pilipae 2:17

Vaogoto raramu de ikoego God, i gere kaki sosovolomo ramu, qata teke zaqe go God. Ṉalu tara vae vale ava era, mana parasaqu tara tazele mana palua sosovolomo ramu, ṉalu nae era tu kula mana tuna kena ze kula era de qamu koego osiqamu go.

Pilipae 4:18

Ia dena to seko velaka era sauna osina pata qamu teke nava go, mana i lete sivala ne topu na pata qa soko go. Osina pata qa soko go, era qa pala to ṉalu Epaparoditus i valama nava go era sosovolomo ro ramu. Sosovolomo ro ramu i nonoli meno, qamu soso zaqe de koe God, tavatavara i toqe ne mana i vakula go God.

Kolosia 3:17

Osina pata qamu zazu ne ba sine gogo ne, mara zazu ne ze loborona vitoṉo na Batu ita Jesu, ṉalu qata seko velake ia de koe God Tamaqita.

Kameka Timoti 3:15

Do ṉalu qaki garetu katikili kaega, qamu mazala toere na leta dena de go too velaka na ko tatamana ia God. Iato nae eklesia ia God i too osina ṉalu. Mana eklesia nae i pala taru vanadua seko ogoto, go kaega kakia tina vasakate go.

Iburu 3:6

Do loborona osaka i vae go Kristo i tuna go God, iato i kenaqa ne miasoka na basoero ia. Ita to qata basoero ia ṉalu qata va nadua go vaogoto ita mana vanadu ze nanao qita de ikoego God.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.

Kameka Pita 4:11

Basoe i tamana go mara tamana ne Tarama Velaka ia God. Basoe i tavisi ne qira basoero ne mara zazu ne ze karaputa ia God i teke nego, mana osina pataro ni zazu ne go mara vazaka ze God loborona Jesu Kristo, de ikoego ia tarina vazaka ze karaputa ia mana go tina doka go ka ṉalu gado kutona i kaega. Amen!

Kameka Pita 4:17

Ṉalu ia God tina varitanae go, i lama to mana basoero tarina koego varitanae kenaqa ia God, ita to basoero ia tanuna. Ṉalu God tina varitanae kenaqa ne qamu go, ava tina goto basoero iriki vaogote go kaega Tarama Velaka ia ne.

Revaleson 1:6

Ia i lama batu lavata ne qita mana i teke ne qita zazu patere go tatana osaka ne God tamana. Iago ita mata vazaka Jesu Kristo ikoego osina karaputa mana menomeno, osina ṉalu topu ro ne. Amen.

Revaleson 20:6

Kula mana makaolo i ke ria to vano iri pala go vari vatoo kenaqa dena. Tanego varuana le i kaega ne karaputa de iri koego ria. Ria tarina patere ia God mana Kristo, ria tarina batu lavata tavise ia torana kameka mao masirani.

Revaleson 3:12

Basoe i karaputa nego varitara nae, era tuna vagere ze ia kameka turu maqa i degere go vari loborina Pade Lotu ia God era, mana tina ko taru osina ṉalu. Turu nae ne, tuna karo ze vitoṉo voru qu tanuqu, vitoṉo na God era mana vitoṉona komala lavata ia God, iato Jerusalema voru, tina za vaqoqoro me ze rani ne God era.

Revaleson 5:10

Aro to qo batu lavata ria, mana aro to qo lama va patere qira, go tarina na vazaka God ita. Mana ria nae to tarina kenaqa ne qira basoero na vudu ne.”