Kameka Pita 2:16 - Vato Vari Vakameka Voru Ia Batu Ne

¹⁶ Ramu muna ko gere qira vano iri ko talukasa, do ko talukasa ramu muniki nanao go tamuna zazu nego pata sakata, kaega! Muna ko gerena basoe zazu ro ia God.

Kameka Pita 2:16 ပူးပေါင်းရင်းမြစ်များ

Matiu 23:13

Jesu igo napu dena, “Ramu vano vari vatatana na Tamana mana ramu vano Parisio, muna miasoka! Qamu vano poqepoqe, tanego ramu to qamu midiki ne qira go basoero ne keba zana Too ikoego vari miasoka ia God. Ramu tanuqamu do qamuki nanao bana so kaega keba zana, mana qamu midiki ne qira basoero iri pada ne go vele keba zana go!

Tarama Velaka Ia Jesu Kristo I Karo Go Jon 15:22

Ṉalu go tuki lama va pepeu bana qira kaega basoero na kolabana pua, ria tariki mia rove kaega vasakata pata ro ria. Do ninidena kaega ka basoe i mazala go legu va kaega na vasakata pata ia.

Leta Ia Pol I Karo Ne Qira Basoero Na Rom 6:18

Ramu qamu talukasa banae to vasakata pata, mana qamu lama seka ne vatovato totoloṉo de ikoe go God.

Leta Ia Pol I Karo Ne Qira Basoero Na Rom 6:22

Do ninidena ramu qamu talukase to vasakata pata, mana qamu ko seka ia God. Iato nae go qamu vatabo ze go too ramu de ikoe go ia, mana ṉalu muzi tamuna pala ze too gadokutona i kaega.

Kameka Korinti 7:22

Tanego ṉalu Batu ne i korua kaki seka, basoe nae i basoe talupasa ia Batu ne. Gere napua so basoe ko talupasa i korua go Kristo, ianae i basoe seka ia Kristo.

Qalesia 5:1

Kristo i lukasa qita ita, go qata ko talukasa go. Iago degere vanadu gere qira basoero iri ko talukasa, mana kasi vamao nena kaki basoe go mara vaseka napu qamu.

Qalesia 5:13

Do de qamu koego ramu turaquro, God ikoru bana qamu tamuna ko talukasa. Do ko talukasa ramu dena, kasi vamao nena pata sakata ni soko go tokama qamu go tamuna lulua go. Do mamaligara ramu muna varisoso ne ze de qamu koego.

Epesus 6:6

Muniki zazu ne ze so pataro dena, ṉalu basoero ne iri reṉareṉa ne qamu go. Tanego qamu soko so basoero go mara vamazala qamu go. Do kaega, osina ṉalu qamu zazu ne go pata, pada ne valulu ze na pataro i soko go God, gerena qamu seka ne go to Kristo.

Kolosia 3:24

Nanao tarua, Batu ne tina teke ne qamu voli, i soti ne qira go basoero ia, tanego Kristo i Batu ramu, mana ramu qamu vano zazu ia.

Kameka Tesalonika 2:5

Ramu qamu rove velake, remu qimu garetu go mi vagasi qamu ramu, go mi pala patapata ro raramu qimuki go kaega. Do God i rove me nanao ro ikoe loborona puṉu qemu.

Jemisi 1:25

Do basoe i vanoto zaqe nanao na tamana totoloṉo ni lukasa qira go basoero ne, mana iki gata vanane kaega, do ilulua. Basoe nae tina pala makaolo de ikoe go God osina pataro izazu ne go.

Jemisi 2:12

Iago muna seko, mana zazu gere qira basoero iri koego varitanae ia tamana i lukasa bana qitae go God.

Karua Pita 2:19

Vano vari vatatana poqepoqe dena iri pui ne qira basoero ne ko talukasa, do tanuqira iriki ko talukasa kaega, iri ko seka eso too ni vasakata qira go. Tanego basoe i vakenaqa ze go too ia kaki pata, iato nae i seka nego osina ṉalu.

Judi 1:4

Tanego kakiaro basoero iri keba siko me de qata koe go ita vano lotu mana ria dena iriki soko kaega osaka ne na God mana iri itane Mana ia God valulu ze vatovato sakata ro mana iriki toqe ne kaega Jesu Kristo qata va Batua go ita. Do Buka tabo ne i sine bana meso ia tane kimata tina pala qira basoero dena.