Kameka Pita 2:13 - Vato Vari Vakameka Voru Ia Batu Ne

¹³ Vamazala ramu de ikoego Jesu Kristo, ramu muna lulua vatovato i reqe go batu ro na vudu pua dena. Kenaqana de i koego batu lavata Siza, iato i pala go karaputa, i sivala ne qira go osiqira basoero ne.

Kameka Pita 2:13 ပူးပေါင်းရင်းမြစ်များ

Matiu 22:21

Iri vataule, “Batu lavata Siza.” Jesu i sine ne qira, “Ṉalu igogo nae, teke vaule ne Siza patapata ia Siza, mana teke vaule ne God, patapata ia God go.”

Maka 12:17

Gonae Jesu i sine ne qira, “Velaka, teke vaule na batu lavata Siza, pata i todo go Siza mana teke vaule ne God, pata i todo go God.” Pasi iri gata go seko ia Jesu dena iri lete poloso sasakata.

Luka 20:25

Jesu gonae i sine ne qira, “Velaka, teke vaule ne batu lavata Siza pata i todo go Siza, mana teke vaule ne God, pata i todo go God.”

Epesus 5:21

Loborona vabatu ramu de ikoego Kristo, ramu muna vari vamazalae napu tanuqamu.

Taetusi 3:1

Sine va moqere ne qira basoero aro, mara va mazala qira vano kenakena ro mana vano batubatu na qavuna go. Ria mara vaogoto qira mana vanama ne zazu na pataro i velaka go.

Kameka Pita 2:17

Muna nanao va mazala qira basoero topu, mamaligara ne qira vano lotu mana batu lavata Siza go, mana padapadae de ikoego God.

Karua Pita 2:10

Basoero iri kimata go dena, ria to basoero iri zazu ne go vatovato sakata de ikoego kene basoe, mana iri mia vaqoqore karaputa ia God go. Mana vano vari va tatana poqepoqe ro dena iri vazaka napu, mana iri lulua so nanao ria tanuqira. Iriki nanao vamazale kaega aqelo ro iri koego rani zakazaka ne, mana iri seko va qoqoro qira go.