Kameka Pita 2:12 - Vato Vari Vakameka Voru Ia Batu Ne

¹² Vatovato na too ramu, de iri koego vano rodoko, muna va velake, go ṉalu ria iri soko va sakata qamu, do mara ria mia too na vatovato velaka ro ramu, go tarina mia rove go velaka ramu go tarina vazaka go God musaqara ia tina za sadaka mego.

Kameka Pita 2:12 ပူးပေါင်းရင်းမြစ်များ

Matiu 10:25

I tora basoe sikulu mara gere basoe vari vatatana ia mana basoe zazu mara gere batu iago. Ṉalu go iri vitoṉo ze batu na ko tatamana ia Belzebul, nogotona tatamana ro tarina koru napu qirae vitoṉo i lete sakata sivala go.”

Matiu 5:11

Kula ria basoero iri seko sakata qira, iri vasasakata qira mana iri poqe ne qira, tanego iri luluava era.

Matiu 5:16

Gerena napu so, tatavata ireqe de qo koe aro mara tatavata ne qira basoero, go ṉalu tarina mia vatovato velaka raro, tarina vazaka Tamaqamu ikoego rani ne.”

Matiu 9:8

Ṉalu basoero iri mia pata ni sadaka go, iri sareki, mana iri vazaka God tanego i teke qira karaputa igogo dena de iri koe go basoero ne.

Luka 1:68

“Mata vazaka Batu, God na Izirel! Tanego i lama tavisi qira basoero ia, mana iva kavale qira go.

Luka 19:44

Ria tarina vasakata lupo go, mana osina basoero iri koego loboromu go, kaega kaki kameka ipaka suka tinara ko sivale go de iko banae, tanego aro qoki mia rove kaega ṉalu God tina lama va kaveli go.”

Luka 6:22

Kula ramu iriki soko qamu go kaega basoero ne, iri sila qamu, iri seko sakata qamu, mana iri vagere qamu e vano vatovato sakata, tanego i sauqu era.

Tarama Velaka Ia Jesu Kristo I Karo Go Jon 13:31

Ṉalu Jiudas i siporo kasi nego pade ne, Jesu igo de, “Ninidena karaputa mazala ia Tuna basoe ne tina sadaka me, mana karaputa mazala ia God, tina sadaka me, de ikoego iago.

Zazu Ria Apostoloro 15:14

Saimon iara sine lupo zaqe so de igogo God i vasadaka kenaqe go manava ia de iri koego vano iriki Jiu go kaega, ṉalu i vine go kakia ro vari lobori qira tarina basoero ia, igogo.

Zazu Ria Apostoloro 24:13

Ria ne iriki mazala kaega tarina vasadake ogotona pata ro iri va paqo ve era.

Zazu Ria Apostoloro 25:7

Ṉalu Pol i lama doka, ria vano Jiu iri reqeme go Jerusalema iri degere kolo ia, mana iri vatupia vapala zena ia topu pata poqe ro.

Zazu Ria Apostoloro 28:22

Do remu qi soko gata na nanaomu aro, tanego qi rove basoero na osina dia, iri seko tolia koko qo koego aro.”

Leta Ia Pol I Karo Ne Qira Basoero Na Rom 12:17

Ṉalu kaki basoe i zazu ne ze kaki pata sakata de qo koe go, kasi soka vaule ne zena ia pata sakata. Do pada ne zazu zena pata velaka tarakenaqa qira basoero topu ne.

Leta Ia Pol I Karo Ne Qira Basoero Na Rom 13:13

Mata vatotoloṉe too ita tanuqita gere qira basoero iri koe go tatavata na musaqara. Mata kasi ge loka sakata ro iri mazala go vabulaṉoe qita, kasi zazu ne na too vari vagabu, kasi zazu nena pata ilete mimia sakata sivala go ni tabo go, kasi varitara ba qora.

Leta Ia Pol I Karo Ne Qira Basoero Na Rom 14:18

Ka basoe i zazu ne zego Kristo vatovato dena, ia iva kula God, mana tina va kula napu qira basoero iri zazu ne go.

Leta Ia Pol I Karo Ne Qira Basoero Na Rom 15:9

Mana tina vamazala napu qira vano iriki Jiu go kaega go tarina vazaka God sauna manava ia gerena i sine go Buka tabo ne, “Era tuna vazuka zigoe aro God vari lobori qira vano iriki Jiu go kaega, mana tuna kera vazaka ze vitoṉomu aro go.”

Kameka Korinti 14:25

nanao pipika ro ria tina sadaka me de tatavata mana tarina tudu mana vazaka God, tarina sine vasadake, “Pata ogoto God i kotavisi qamu ramu.”

Karua Korinti 1:12

Kameka pata remu, qi lete vazakanapu ne mana qi vaogote remu qi vasadake vatovato velaka ro remu, loborona vari vakameka de qata koego, loborona va vaogoto mana osaka na soko ia God. Remu qimuki zazu vamiki e kaega loborona tarove remu tanuqemu, do loborona so karaputa na Mana ia God.

Karua Korinti 13:7

Remu qi pene God go ramu tamuniki zazu ne kaega kaki pata kebu qiki soko go kaega vamia qamue ramu, remu qi va ure zazu velaka ro remu, do qi soko ramu tamuna zazu ne pata velaka, patavolomo remu qi mimia pela go.

Karua Korinti 8:21

Tanego ala remu, qi soko zazu ne pata totoloṉo, de ikoe go tarakenaqana God mana de iri koego basoero go.

Epesus 2:3

Pata ogoto osiqita qata gere qira so basoero nae, qata lulua so pata qata soko go, mana qata zazu ne so pata ni soko go tokama qita mana nanaoqita go. Loborona too ita qata gere napu qira so basoero nae. Itora to ita tatana pala go vokara na muma ia God.

Epesus 4:22

Iago, muna vana ne too sakata ro qamu lulu bana mego. Too ro nae iri teke ne so basoe soko na pata poqe, mana i vae vale napu so basoe go.

Pilipae 1:27

Pata tina lavata sivale de qamu koego ramu, de igogo koko ramu muna vasadake de igogo tatalina too i tora go Tarama Velaka ia Kristo. Go ṉalu tuna garetu mia qamu ba qaki garetu kaega, era tuna gata zatu so, ramu qamu degere vanadu mana kameka vato, mana qamu vari vatatana neso kameka pata, sauna so vaogote na Tarama Velaka ne.

Pilipae 4:8

Valupolupo na turaquroe, vapuraka ze nanao qamu pataro ni velaka go, mana i tora go tatana kula ne, pataro i ogoto, pataro tina vatabo go basoe, too totoloṉo, too dalo, lete meno, mana too va mazale na basoe go.

Kameka Tesalonika 4:12

Loborona vatovato ramu nae vano iriki vaogote go kaega Kristo tarina mia vamazala qamu, mana ramu qamu ki tatadane kaega kaki basoe sauna pata tina tavisi ne qamu go.

Kameka Timoti 2:2

Ria batu lavataro mana kero ne vano kenakenaqa go, go ita tatana ko velaka mana ko bulebule loborona too ita, go tatana lulua vato i vatabo go God loborona zuka velaka.

Kameka Timoti 4:12

Aro qo ara basoe voru so, iago pada ne, go mara kasi nanao vaqoqori go. Ono vasadake vatovato velaka de iri koego vakitaka lotu ro loborona seko ro aro, too aro, mamaligara aro, vaogoto aro mana too dalo aro go.

Kameka Timoti 5:10

mana qole nanaro nae, basoero ne tarina mia vamazale ia loborona zazu velaka ro ia, i miasoka velaka qira sale ro ia, i vakeba qirae basoero kakavata pade ia, mana i sabore makeqira vano iri vaogote go Kristo go. I tavisi ne qira basoero iri soba makuru loborona too ria mana tina kaki qole i pada ne zazu ne na pata velaka osina ṉalu go.

Iburu 13:18

Muna pepene taru ne qemu. Remu qi lete rove nanao qemu i totoloṉo mana qi soko ne zazu nena pataro i totoloṉo go.

Iburu 13:5

Kasi poro va riqo zena too ramu, mamaligara ne na kesa, do muna kula neso pataro i ko ne qamu go. Tanego God i sine, “Era tuniki vana nigo kaega, mana era tuniki paqa kasi nigo kaega go.”

Jemisi 3:13

Akena tane kaki basoe tarove ikoe de qamu koe go, mana irove osina pata igogo na? Basoe nae mara vasadaka me to, too velaka ia, mana pata velaka ro ni zazu ne ze go too kovasoka ia ireqe mego tarove iago.

Kameka Pita 2:15

Tanego God i soko qamue loborona zazu velaka ramu go mara va dudulia seko bulaṉoe ria vano iriki rove go kaega kapata.

Kameka Pita 3:16

Do muna zazu ne ze so loborona seko velaka mana padapada. Mana va totoloṉe nanao qamu go mara velaka osina ṉalu, go ia ṉalu iri seko sakata qamue too velaka ro qamu lulu ze go Kristo, ria tarina agava ne pataro iri sine ne qamu go.

Kameka Pita 4:11

Basoe i tamana go mara tamana ne Tarama Velaka ia God. Basoe i tavisi ne qira basoero ne mara zazu ne ze karaputa ia God i teke nego, mana osina pataro ni zazu ne go mara vazaka ze God loborona Jesu Kristo, de ikoego ia tarina vazaka ze karaputa ia mana go tina doka go ka ṉalu gado kutona i kaega. Amen!

Karua Pita 3:11

Tanego osina ro pata tina sakata mana kaega lupo, iago muna mia velake too ramu. Muna lulua nanao ia God mana ko basoe tabo go, tanego too nae to i soko go God.