Kameka Pita 2:1 - Vato Vari Vakameka Voru Ia Batu Ne

¹ Iago ramu kasi ara luluna vatovato sakataro nae mana kasi ara poqe, kasi tatakiu, kasi misi ba seko sakate na kene basoe go.

Kameka Pita 2:1 ပူးပေါင်းရင်းမြစ်များ

Matiu 15:7

Qamu vano poqepoqe! Buka tabo i sine ne go propeta Isaia i sine vasadaka bana go sauqamu ramu i pata ogoto bana. Igo,

Matiu 23:28

I gere napua so de qamu gogo ramu, tanego pataro qamu zazu ne, i mia velaka qira to basoero ne, do loborona nanao qamu i purake de go poqepoqe mana vasakata pata go.”

Matiu 24:51

Batu ia ne, tina lete va kimate valeke zazu nae, mana tina za taru ze ia de iri koego vano iri poqepoqe go. Dego tina za dae mana vari kizakiza ne saqe na go.”

Matiu 7:5

Aro qo basoe poqepoqe! Ono vakuziki kenaqe ragu lavata ikoe matamu tanumu, mana ṉalu ono mimia velaka to ia, tono ara vakuziki ne ragu suka i koe matana vakitaka aro.

Maka 12:15

Do Jesu igata rove tana ria, iago i sine ne qira, “Avigo tane qamu pada nava go era? Valame so kaki kameka kesa siliva nae, go ma mia era.”

Luka 11:44

Manava sakata de qamu koe ramu, qamu gere kukubo i kaega lalana, basoero ne iri mazala so kube poka na, tanego iriki rove kaega.”

Luka 12:1

Kaki kameka ṉalu, mau na basoero iri lama teṉo, mana basoero ne iri vari kubekube dakiri go. Jesu i sine kenaqa ne qira disipoloro ia, “Muna miasoka seko poqepoqe ro ria vano Parisio, iri gere go isti, iri zazu ne go tatakiu.

Luka 6:42

Avigo tono sine ne go kaemu, ‘Ke kaequ va mao nava aro go ma vakuziki ne ragu ikoego matamu.’ Do era qa go, veqolo lavata ikoego matamu qoki mia kaega. Qamu vano poqepoqe, pata kenaqa, vakuzikine tekere veqolo ikoego matamu mana ṉalu ono mimia velaka to ia, tono ara pala vakuziki ne go ragu i koe go matana kaemu.”

Tarama Velaka Ia Jesu Kristo I Karo Go Jon 1:47

Ṉalu Jesu i mia Natanel i lamae go de ikoego, i vane ia de, “Valeke dena i basoe ogotona to Izirel, mana iki rove kaega poqe go.”

Leta Ia Pol I Karo Ne Qira Basoero Na Rom 1:29

Iago nanao qira ne i purake to soso adoado na vatovato sakata ro. Iri le ne pala na patapata ria basoero ne. Iri vasakata qira basoero ne, iri poro misi, iri vae vale basoe, iri varitara iri muma ne qira basoero ne, mana iri poro pepeu valu qira basoero ne go.

Kameka Korinti 14:20

Vakitakaro era kasi pala na nanao gere qira sale ro, do ṉalu qamu zazu ne too i sakata go, ramu muna gere qira salero, do nanao qamu mara nanao kazigarata.

Kameka Korinti 5:8

Ita mata teṉo mana mata kula ne kelo na ṉaṉa zaza sivala do mata kasi gere na bureri bana ikoego isiti na vasakata pata mana too memelaka ro, do ita mata gere bureri i kaega go isti na, bureri i dalo mana ogoto go.

Karua Korinti 12:20

Era qaki soko kaega miana ṉalu tuna garetu go, too ramu tina kakavata ne de qa soko go era, mana ramu tamuna mia too rera tina kakavata ne de qamu soko go ramu. Qaki soko kaega garetu soba zena vari valegu, vari qorae, poro muma mana ṉaṉa siko, seko sakata, pepeu valu, vazakanapu mana legulegu de qamu koego.

Epesus 4:31

Iago muna vana ne osina nanao sakata de ikoego kene basoe, ba nanao muma ba nanao vasakate na basoe. Kasi kara lapase basoe ba sine na pataro iva vokara qira qo basoero ne. Kasi zazu ne pataro iki totoloṉo go kaega.

Kameka Tesalonika 2:3

Pene remu de qamu koego ramu qimuki vakutama ze kaega go di poqe qamu ba va nanao sakata qamu, ba zazu tatakiu ne na kaki basoe go.

Kameka Timoti 3:11

Igere napua so qole ia, na vasadake vatovato velaka, niki pepeu valu qira basoero ne, do na rove miasoka na tanuna mana basoero ne, mara taru ze ruqe ria de ikoego iago.

Taetusi 2:3

Vatatana napu qira qolero kazigarata, go tarina ko gere qole tabo loborona ko ria, mara ria kasi pepeu poqe ne qira basoero ne, mara kasi poro ge loka go, do mara vari vatatana ne pataro ni velaka go,

Iburu 12:1

De qata koego ita ne, iri ko liqutu qita topu ria basoero iri vasadaka bana go vaogoto ria de ikoego God. Iato go ita mata vana ne osina pata i va makuru qitae go vaogote na God, mana mata vana napu ne zukazuka na vasakata pata go, mana mata teteṉe va moqere van vose i kome go kenaqa qita go.

Jemisi 1:21

Iago muna vanane too sakataro, mana too memelaka ro ramu. Do muna vaqoqore tanuqamu mana toqe ne seko ia God ileba ze qo puṉu qamu. Ia tonae tina vakavele qamu go.

Jemisi 3:14

Do ṉalu puṉu qamu ikoe go qora mana muma, ṉaṉa siko gogone, kasi vazakanapu nena tarove ramu, iki pata ogoto kaega.

Jemisi 4:11

Turaquro, kasi sine vaqoqore na kene basoe. Ka basoe i sine vaqoqore go kene basoe, ba qo varitanae ne ia gogo ne, aro to qo sine vasakate go God mana qo varitanae ne go Tamana go. Ṉalu aro qo poro varitanae ne go Tamana, aro to qoki lulua go kaega Tamana, do qo basoe poro varitanae ne so tamana.

Jemisi 4:5

Seko i sine go Buka tabo ne i lama ogoto, tanego, “Seko ia Spirit iteke ne qita go too ilete karaputa sivala.”

Jemisi 5:9

Kasi seko varivasasakatae tanuqa-mu go God tiniki varitanae ne qamu go kaega. Batu na varitanae ogoto ne igarogaro meto, i vanama ne to lama.

Kameka Pita 2:16

Ramu muna ko gere qira vano iri ko talukasa, do ko talukasa ramu muniki nanao go tamuna zazu nego pata sakata, kaega! Muna ko gerena basoe zazu ro ia God.

Kameka Pita 2:22

Ia iki zazu ne kaega kaki pata sakata mana kaega kaki seko poqe i va siporo ze saqe na go.

Kameka Pita 3:10

Gerena Buka tabo ne igo, “Ka basoe i soko go ko kula loborona too ia, mana i soko go miana musaqara ro velaka gogo ne, mara mamanava sine na pata poqe ro.

Kameka Pita 4:2

Iago, pasi ninidena too qamu vae go pua dena muna lulua, too ia God. Mana kasi luluna too ni soko go basoe na vudu pua dena.

Kameka Pita 4:4

Mana torana dena vano rodoko iri lete poloso ne qamu ramu, tanego qamuki tavisi qirae kaega too piru mana too sakata iri zazu nego, iago ria iri seko sakata qamu.

Revaleson 14:5

Kaega kaki ṉalu iri sine go seko poqe mana i kaega ne qira kebu go.