Kameka Pita 1:8 - Vato Vari Vakameka Voru Ia Batu Ne

⁸ Ramu qamuki mia kaega Kristo, do qamu mamaligara ne, mana patavolomo ninidena, qamuki mia kaega, do qamu vaogote ia, mana qamu lete kula ne go. Kula ramu i lete lavata sivala i makuru qita kade tatana sine vane go.

Kameka Pita 1:8 ပူးပေါင်းရင်းမြစ်များ

Matiu 10:37

Ka basoe i lete mamaligara ne qiru tamana mana sinana, sivala ne mamaligara ia de qa koego era, basoe nae iki tora kaega na luluava era. Mana ka basoe i lete mamaligara ne sale valeke ba sale qole ia, sivala ne mamaligara ia de qa koego era. Basoe nae iki tora napua kaega tina luluava era go.

Tarama Velaka Ia Jesu Kristo I Karo Go Jon 14:15

“Ṉalu qamu mamaligara nava era, ramu tamuna lulua tamana ro era.

Tarama Velaka Ia Jesu Kristo I Karo Go Jon 14:21

Ka basoe i toqe ne mana lulua go tamana era, basoe nae i mamaligara nava era. Mamae tina mamaligara ne iani mamaligara nava era. Era tuna mamaligara ne ia mana tuna vasadaka ne ia tanuqu go.”

Tarama Velaka Ia Jesu Kristo I Karo Go Jon 14:24

Do ka basoe iki mamaligara nava go kaega era, iki lulua kaega vari vatatana era. Do vari vatatana qamu gata go ne, iki ke rera kaega, do i ke ia Mamae ni turi nava mego.

Tarama Velaka Ia Jesu Kristo I Karo Go Jon 16:22

Igere napu qamu so ramu go, ninidena qamu maqata, do ṉalu tuna lama mia napu qamu, puṉuqamu tina purake kulakula. Kulakula nae ne, ikaega napu ka basoe tina mazala go pala vakuziki ne qamue go.

Tarama Velaka Ia Jesu Kristo I Karo Go Jon 20:29

Jesu i sine ne Tomasi, “Aro qo vaogoto, tanego qo miasoba va era. Kula sivala ria basoero iriki miasoba va kaega era, do iri vaogote go!”

Tarama Velaka Ia Jesu Kristo I Karo Go Jon 8:42

Gonae Jesu i vane qira dena, “Ṉalu go God i Tamaqamu ogoto, ramu tamu mamaligara nava era, tanego era qa reqe me de ikoego God, mana iato i turi nava mego. Era qaki lama ne kaega luluna nanaoqu tanuqu, do qa lulua nanao na ia i turi nava go.

Zazu Ria Apostoloro 16:34

Gonae i lulu qiru Pol mana Saelas iri zae pade ia mana i teke ne qiru pata qeqe. Tanuna mana osiqira to ko tatamana ro ia iri lete kula sivala tanego ninidena iri vaogote God.

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Leta Ia Pol I Karo Ne Qira Basoero Na Rom 15:13

Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Kameka Korinti 16:22

Ka basoe iki mamaligara ne kaega Batu ne—basoe nae i pala tulaṉa ia Batu ne. “Maranata”— Lama, Batu remu!

Karua Korinti 1:22

i taru ze lala ia i tonovo qita, mana ia i teke ne qita, Spirit tabo loborona puṉuqita, ianae i va nanao taru qitae ita, topu na pataro iara ko napu, i babana ne qita go.

Karua Korinti 12:4

De gogo ne, i za gata ze pataro i tabo go pepeu na, mana seko do i makuru seko ne ze go.

Karua Korinti 4:18

Tanego remu qiki vanadu ze kaega nanao qemu, pataro qata mia go, do qi vanadu ze nanao qemu, pataro qata ki mia go kaega. Pataro qata mia go, iki pata ko vaumata kaega, do pataro qatiki mia go kaega, iato pataro tina ko sivala go.

Karua Korinti 5:7

Tanego too ita i nadu eso vaogoto, mana iki nadue kaega pataro qata mia go.

Karua Korinti 9:15

Mata seko velaka zaqe God sauna sosovolomo ro ia de qata koego, sosovolomo ro imakuru go sine lupase na.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Epesus 3:19

Ove, ramu muna nanao rove lavatana mamaligara ia, i makuru qita go nanao rove lupo na. Iago muna vapuraka totoloṉo ze de qamu koego too totoloṉo ia God.

Epesus 6:24

Go Mana ia God mara kotavisi qira vano iri vanadu zego mamaligara ria de ikoego Batu ita Jesu Kristo.

Pilipae 1:25

Era qa rove velake, mana qa rove tuna ko, go tuna ko tavisi qamu osiqamu, go tuna vapopoka mana valavate go kulakula ramu loborona vaogoto ramu, de ikoego Kristo.

Pilipae 3:3

Iki ria kaega, do ita to qata pala go vari kosi ogoto, tanego qata vazaka God loborona Spirit ia, mana qata kula ne too ita loborona vari vakameka ita de koe Jesu Kristo. Ita qatiki ara vaogote kaega kaki zazu i sadaka mego tokama.

Pilipae 4:4

Muna kula osina ṉalu de ikoe Batu ne, era qa sine napua, muna ko kula.

Iburu 11:1

Ṉalu qata vaogote go God, qata taru ze ruruqe ita de ikoe pataro i pui nego God, patavolomo qataki mia kaega, do qata rove i ko.

Iburu 11:27

Mosese i vaogote God, iato go iki sareki ne kaega batu Pero i lete muma go ṉalu i kasi ne Izipito i gere kapata i miasoba go God, i makure go basoe tina mia ze mata qira, iago i kasina ara ule go.

Kameka Pita 1:6

Ramu muna kula sivala ne pata dena; kadi go igoto ṉalu ninidena ramu qamu soba desuka makuru, tanego topu adona pada ro qamu soba ze go vokara.

Kameka Pita 2:7

Ipaka to dena ilete mazala sivala ne qamu go ramu qamu vaogote go Kristo, do ria iriki vaogote kaega, Buka tabo ne igo, “Iato ipaka iriki ruqe go kaega vano zazu pade ne, iato itaitana mana i lete mazala sivala go ṉalu ninidena.”

Kameka Pita 5:4

Mana ṉalu tina sadaka me valeke miasoka sipi velaka sivala ne, ramu tamuna toṉove sasarapa velaka sivala i ko sivala osina ṉalu topu ro ne.