Kameka Pita 1:6 - Vato Vari Vakameka Voru Ia Batu Ne

⁶ Ramu muna kula sivala ne pata dena; kadi go igoto ṉalu ninidena ramu qamu soba desuka makuru, tanego topu adona pada ro qamu soba ze go vokara.

Kameka Pita 1:6 ပူးပေါင်းရင်းမြစ်များ

Matiu 11:28

Osiqamu ramu qamu lete zazu vokara mana papala maqata gogo ne, muna lama va era go mava ziṉo qamu.

Matiu 26:37

I lulua Pita mana karua sale ia Zebedi go. Jesu i lete maqata mana nanaona i rodoko go.

Matiu 5:12

Kula tanego voliqamu tinara lete lavate tepa rani ne. Ia to dena de iri vane go va sasakata iri vae ne qira go propeta ro iri ko bana me ṉalu bana ne.”

Luka 1:47

Madauqu i kula tanego God i bauru nava.

Luka 10:20

Muniki kula ne manuru sakata ro iri vaogoto qamu, do muna kula ne vitoṉo qamu i karo banae rani ne.”

Luka 2:10

Do aqelo ne i sine ne qira igo, “Kasi sareki! Gata, Era qa lama go dena, qa pala me de qamu koego ramu Tarama Velaka sivala. Tina vakula qamu ramu mana kero ne basoero napu go.

Tarama Velaka Ia Jesu Kristo I Karo Go Jon 16:22

Igere napu qamu so ramu go, ninidena qamu maqata, do ṉalu tuna lama mia napu qamu, puṉuqamu tina purake kulakula. Kulakula nae ne, ikaega napu ka basoe tina mazala go pala vakuziki ne qamue go.

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Zazu Ria Apostoloro 14:22

Iru seko vakaraputa qira basoero iri vaogoto go mana iru seko vatalasara qira, go mara ria vanadua vaogoto ria, iru va rove qira e basoero ne, “Ita tatana soba topu na makuru, go tatana ra keba za go de i koe go vari miasoka ia God.”

Leta Ia Pol I Karo Ne Qira Basoero Na Rom 12:12

Ruruqe ramu to mara vakula qamu go osina ṉalu. Kasi nonopa ne na ṉalu i lama doka qamu go kaki pata makuru mana ko ramu muna pene so osina ṉalu.

Leta Ia Pol I Karo Ne Qira Basoero Na Rom 5:11

Do miki pataro so nae kaega God i teke ne qita, do mata kula, loborona Batu ita Jesu Kristo, tanego ia i vakameka ne qita ita de ikoego God.

Leta Ia Pol I Karo Ne Qira Basoero Na Rom 5:2

Loborona vaogoto Kristo i varove qitae ita Mana ia God i teke volomo ne qita go qata too e go manava nae ninidena. Ita qata kula ne ruruqe ia tatana pala tavise go karaputa ia God kene ṉalu.

Leta Ia Pol I Karo Ne Qira Basoero Na Rom 9:2

I tatavata sivala maqata era, mana iki mamanava kaega vokara ikoego puṉuqu sauqira vano Jiu iri velaka qu tanuqu.

Karua Korinti 4:17

Makuru ro qi vokara nego remu dena, iki pata ko sivala kaega, mana i pata suka so, ṉalu tara varipada ze go ke tinara za lama go. Tanego tinara valame ne qemu kaki pata i lete lavata mana tina ko sivala, mana ia igogo ne, too iki rove go kaega lupo de ikoego God.

Karua Korinti 6:10

Patavolomo ṉalu qi maqata, remu qi kula taru so, qi gere qira vano situ, do qi teke qira pata vavagado topu ria basoero, i gerena i kaega ne qemu kapata, do remu i kone qemu topu na pata.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Pilipae 2:26

Ia i lete soko tina miasoba qamu ramu, mana i lete maqata ṉalu ia i rove ramu qamu gata bana mokoso i vaego.

Pilipae 3:3

Iki ria kaega, do ita to qata pala go vari kosi ogoto, tanego qata vazaka God loborona Spirit ia, mana qata kula ne too ita loborona vari vakameka ita de koe Jesu Kristo. Ita qatiki ara vaogote kaega kaki zazu i sadaka mego tokama.

Pilipae 4:4

Muna kula osina ṉalu de ikoe Batu ne, era qa sine napua, muna ko kula.

Kameka Tesalonika 1:6

Ṉalu ramu qamu lulua go vatovato reremu, qamu lulu napua so vatovato ia Batu ne, patavolomo qamu soba go vokara, do ramu qamu kula ṉalu qamu pala go Tarama Velaka iza reqeme go Spirit tabo.

Jemisi 1:2

Ramu turaquro, muna nanao rove tanuqamu, ramu qamu maṉana ṉalu qamu soba go soso adoadona makuru,

Jemisi 1:9

Basoe ia Kristo i sarakutu go mara kula ne ṉalu God tina vazakazaka go ia.

Jemisi 4:9

Muna agava mana dae. Iki torakaega tamuna kari go, mana iki torakaega tamuna kula go. Do ramu itora tamuna maqata mana dae go.

Kameka Pita 3:17

Ṉalu go God i soko tatana soba ze vokara, loborona zazu velaka ro qata zazu nego, ianae i velaka so. Do ṉalu qata zazu ne too i sakata go mana qata soba ze vokara gogo ne, ianae iki velaka kaega.

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.