Kameka Pita 1:3 - Vato Vari Vakameka Voru Ia Batu Ne

³ I lete velaka sivala mata teke ne seko velaka de ikoe God Tamana Batu ita Jesu Kristo! Tanego Mana ia i teke ne qita too voru loborona va too ivae mego Jesu Kristo tepa le ne. Ia dena nanao iva puraka qitae ita ruruqe i too taru osina ṉalu.

Kameka Pita 1:3 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 1:13

Iriki podo gere kaega salero iri podo ego parasa qiru valeke mana qole, do God i zazu ne qira go, iva gere qirae salero ia.

Leta Ia Pol I Karo Ne Qira Basoero Na Rom 12:12

Ruruqe ramu to mara vakula qamu go osina ṉalu. Kasi nonopa ne na ṉalu i lama doka qamu go kaki pata makuru mana ko ramu muna pene so osina ṉalu.

Leta Ia Pol I Karo Ne Qira Basoero Na Rom 15:13

Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Leta Ia Pol I Karo Ne Qira Basoero Na Rom 4:25

Ria iri vae vale ia, ia i le ne sauna vasakata pata ita mana i too napu me tepa le ne, go ia tina vatotoloṉo qita ita de i koe go God.

Leta Ia Pol I Karo Ne Qira Basoero Na Rom 5:10

Ita qata kana bana ne God, do ia i vakameka napu ne qita ita, de ikoe tuna sauna le ia ne. Ninidena ita qata ko kameka de ikoe God. Iago pata ogoto sivala ita tatana kavale too ia Kristo.

Leta Ia Pol I Karo Ne Qira Basoero Na Rom 8:11

God i vatoo napu me Jesu tepa le ne, iago ṉalu Spirit ia God ikoego loboro qamu. God tina teke napu ne too tokama qamu tinara za le go. Ia tina zazu ne ia dena, tanego Spirit ia ikoe loboro qamu ramu.

Leta Ia Pol I Karo Ne Qira Basoero Na Rom 8:24

Tanego ruruqe dena to ita qata kavele banae go. Do ṉalu ita qata mia go pataro qata ruruqe go, ianae iki ruruqe ogoto kaega. Tanego kaega basoe tina ruruqe zaqe go pata ni mia bana go.

Kameka Korinti 13:13

Iago kapisa pata dena i ko sivala go, vaogoto, ruruqe, mamaligara, do ke lavata sivala ne to mamaligara.

Kameka Korinti 15:20

Do pata ogoto sivala, Kristo i too napu me tepa le. Ia dena ivasadaka me, God tina va too napu me qira vano iri le go.

Karua Korinti 1:3

Mata seko velaka ne God, ia i God mana i Tamana Batu ita Jesu Kristo, i God na varinanao, God i reqe me osina tavisi ro.

Qalesia 6:16

Sauqira ria iri lulua go vatovato dena, qa pene God go mara teke ne qira bule mana manava ia, go mara kotavisi qira mana osiqira basoero ia God go.

Epesus 1:17

Mana qa pene God, de ikoego Batu ita Jesu Kristo, sauna Tamaqita ni lete menomeno sivala go mara teke ne qamu Spirit tabo go mara vatarove qamu. Mana mara vasadaka ne qamu God go tamuna rove go ia.

Epesus 1:3

Mata vazaka God Tamana Batu ita Jesu Kristo! Tanego loborona ko kameka ita de ikoego Kristo ia iva makaolo qita iteke ne madau qita osina sosovolomo na vudu rani ne.

Epesus 1:7

Tanego le ia Kristo i bauru ne qita, go qata talukasa go. Sauna ianae God i nanao ule ne vasakata pata ita. Avana to mamaligara lavata ia God de qata koego ita,

Epesus 2:4

Do manava ia God i lete karaputa mana mamaligara ia i lete lavata sivalae de qata koego ita.

Epesus 3:20

Tanuna so God i mazala go zazu lupo ne na osina pata topu, sivala ne osina pataro qata pene go, ba qata nanao go.

Kolosia 1:23

Ramu muna degere vanadu mana lulua de go vaogoto dena, mana kasi va malumu na tanuqamu mara vizua go soko qamu pala go, ṉalu qamu gata go Tarama Velaka mana iato Tarama Velaka dena, era Pol qa basoe zazu na, iato qa tarama ze go osina dia kolabana pua ne.

Kolosia 1:27

Nanao ia God isoko tina va vatatavata me pata i pika ne qira go basoero ia. Vavagado mana mazala i pika go dena i soko teke ne qira basoero topu. Iato dena pata i pika go, Kristo i koe loboro qamu, talupasana igo de, ramu qamu mazala to pala tavise na menomeno mana karaputa ia God.

Kameka Tesalonika 1:3

Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.

Kameka Tesalonika 4:13

Ramu turaquro, remu qi soko ramu muna rove vavelake de iri gogo vano iri le bana go, go ramu muniki maqata gere qira vano i kaega ne qira go ruruqe de ikoego God.

Karua Tesalonika 2:16

Go Batu ita Jesu Kristo mana God Tamaqita i mamaligara ne qita, Mana ia, i vakaraputa qita osina ṉalu mana i vanadua ruruqe ita go.

Kameka Timoti 1:14

Mana Batu ita ne i zuga me topu na Mana ia de qa koego era, mana i teke nava vaogoto mana mamaligara, iato ike ita loborona vari vakameka de ikoego Jesu Kristo.

Taetusi 2:13

Tanego ita qata piri ne musaqara qata vaogote go tina lama doka, mana ṉalu nae karaputa mazala ia Jesu Kristo i God mana vari vakavele ita tina sadaka me.

Iburu 3:6

Do loborona osaka i vae go Kristo i tuna go God, iato i kenaqa ne miasoka na basoero ia. Ita to qata basoero ia ṉalu qata va nadua go vaogoto ita mana vanadu ze nanao qita de ikoego God.

Jemisi 1:18

Vatovato ia tanuna i valame ne qita ita seko ogotona too, mana go ita tatana ko kenaqa ne qira osina pataro i vazaria go.

Kameka Pita 1:13

Iago muna ko vanamanama, mana miasoka koko ramu. Mana nanao qamu mara ko va karaputae pata velaka ro tina teke qamu go God ṉalu Jesu Kristo tina sadaka mego.

Kameka Pita 1:21

Mana de ikoego to Kristo ramu qamu vaogote God, ia iva too me Kristo tepa le ne i vakaraputa ia, mana i teke ne menomeno. Iago vaogoto mana ruruqe ramu mara ko vanadue de ikoego God.

Kameka Pita 1:23

Tanego seko ia God i too mana i dokae ka ṉalu gado kutona i kaega, iago ramu qamuki podo napue kaega tamaqamu ikoego vudu pua dena, do qamu podo e de ikoego Tamaqamu i too sivala go.

Kameka Pita 2:2

Muna gere qira sale medara iri ara podo go, iri lete soko go susu. Ramu muna soko susu i lete dalo go, susu nae tina vakaraputa qamu mana God tinara va kavele qamu go.

Kameka Pita 3:15

Do vabatua ia, tanego Kristo i koe loborona puṉu qamu, mana tudua ia ni batu ne go too ramu. Iago vanama osina ṉalu go tamuna va taule ne qira go basoero ne, ṉalu iri tana ne ruruqe ramu de koe Kristo.

Kameka Pita 3:21

mana besi dena i lalana bapitema iva kavele qamue go God. Sauna bapitema dena iki besi saboro va dalo na kaega korena tokama, do i sauna go muna zazu ne pui de ikoego God, ireqe mego nanao velaka ramu, mana iato i vakavele qamue go loborona too ivae napu me tepa le Jesu Kristo.

Kameka Pita 3:5

Tanego qolero totoloṉo ṉalu bana ne iri vatabo too ria, mana iri ruruqe zaqe God, go iri ara va sadake go menomeno dena ṉalu iri va mazale go valeke ro ria.

Kameka Jon 2:29

Ramu qamu rove Kristo itotoloṉo, iago basoe i zazu nego vatovato itotoloṉo go, i sale ogoto ia to God.

Kameka Jon 3:3

Iago osiqira ria iri piri ne go lama napu na Kristo, ria mara miasoka velake tanuqira tepa ia vasakata pata gerena Kristo i dalo bana go.

Kameka Jon 3:9

Ka basoe i lama sale ia God, tiniki ara lulua kaega zuka na vasakata pata, tanego God i ko tavise ia mana God i Tamana, iago tiniki ara vasakata pata napu kaega go.

Kameka Jon 4:7

Vakitaka ro era, ita tatana vari mamaligarae, tanego mamaligara i reqe de ikoego God. Ka basoe i vari mamaligarae, i sale ia God mana i rove God go.

Kameka Jon 5:1

Osiqira ria iri vaogote Jesu to, i Mesia go, ria to iri salero iago God. Mana osiqira ria iri mamaligara ne go sale ia.

Kameka Jon 5:18

Qata rove salero ia God iriki zazu taru ne kaega vasakata pata, tanego Sale ia God i miasoka taru qira so, go ia Satana tiniki vasakata qira kaega.

Kameka Jon 5:4

Tanego osiqita salero ia God qata mazala to vaqoqore na vatovato na vudu pua dena. Loborona to vaogoto ita qata mazala go vaqoqoro zena.