Kameka Pita 1:2 - Vato Vari Vakameka Voru Ia Batu Ne

² Ramu qamu basoero tavine bana ia God Tamaqita, mana i vatabo bana qamue Spirit tabo ia tanuna, go ia ramu tamuna vaogote Jesu Kristo, mana daloe parasana ia. Qa pene God mara Mana ne qamu mana mara teke ne qamu bule osina ṉalu topu ro ne.

Kameka Pita 1:2 ပူးပေါင်းရင်းမြစ်များ

Matiu 24:22

Do God i nanao bana tina vapusia ṉalu na makuru igogo ne, tanego ṉalu iki vapusia kaega, kaega ka basoe tina mazala go too. Do God i vapusia so, tanego inanao qira basoero tavine ia.

Matiu 24:24

Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go.

Matiu 24:31

Tarina puqo kuvili go tuna turine qira aqelo ro era go tarina zae kavasi tumu na kolabana pua ne, go tarina pala qira me basoero qa vine bana qira go.”

Maka 13:20

Ṉalu God tariki vine bana me kaega vapusina ṉalu makuru nae, kaega to kaki basoe na vudu pua dena tara kavele go. Do sauqira to basoero ne tarina kavele iago, God ivapusia so ṉalu na makuru ro dena.

Maka 13:22

Tanego Mesia poqepoqe ro mana propeta ro go, tarina lama sadaka mana zazu ne topuna ro pata van vapoloso mana lala ro, go tarina vasoru qirae basoero tavine ia God.

Maka 13:27

Ṉalu nae era tuna turine qira aqeloro, tarina zae osina dia kolabana vudu pua, go tarina pala teṉo me qira basoero ia God iri koego kavasi maqana vudu pua ne.”

Luka 18:7

Iago avigo qamu nanao God tiniki va totoloṉo kaega makuru ro ria vano i vine qira go, iri dae taru zaqe ia nogotona kuse mana musaqara? Avigo qamu nanao God tiniki tavisi katikili ne qira kaega?

Zazu Ria Apostoloro 15:18

Iato dena seko ia God, i vasadaka bana me pataro dena ṉalu bana ne.”

Zazu Ria Apostoloro 2:23

Loborona vato ia God i valulu ze tarove ia tanuna go i vine bana go Jesu i valame ze de qamu koego ramu, mana ramu napu so qamu vaevale go ia, qamu vamao ne qira vano sakata ro iri paqipaqi ze go ia koluse ne.

Zazu Ria Apostoloro 20:32

Mana ninidena era qa taru qamue to vari miasoka ia God, tarama na de igogo velaka na God, go tina vazaza popoka qamu mana vakaraputa qamu, go tamuna pala vatabo i vanama bana go God, tina tekene qira go basoero ia.

Leta Ia Pol I Karo Ne Qira Basoero Na Rom 1:5

Mana de ikoe go Kristo God i teke nava era mazala go tuna apostolo go mazazu ne vasadakena Kristo, go basoero na vudu pua mara vaogote mana lulua ia.

Leta Ia Pol I Karo Ne Qira Basoero Na Rom 1:7

Iago, qa karo ne qamu ramu basoero topu qamu koe go Rom, tanego God i mamaligara ne qamu, mana i koru qamue basoero ia tanuna. Go God Tamaqita mana Batu ita Jesu Kristo mara riru teke ne qita mana, mana bule ia.

Leta Ia Pol I Karo Ne Qira Basoero Na Rom 11:2

God iki vana ne qira kaega basoero ia i vine bana me qira go kokoso name. Ramu qamu rove pata i sine go Buka tabo de ni sine ze go seko ia Ilaiza i vasadake go keburo ia vano Izirel.

Leta Ia Pol I Karo Ne Qira Basoero Na Rom 11:28

Tanego iri kasi qira toqe ne na Tarama Velaka ia ne. Iago vano Jiu iri kana ia God, mana sauna ianae i tavisi ne gamu to ramu vano qamuki Jiu go kaega. Do, tanego God i vine bana qira iago, ia i vari va kitakie so de iri koe go, sauna pui bana ia de iri koe go kazigarata bana ro ria ne.

Leta Ia Pol I Karo Ne Qira Basoero Na Rom 15:16

go tuna kaki kameka basoe zazu ia Jesu Kristo sauqira vano iriki Jiu go kaega. Era qa zazu ne ia gerena kameka patere qa tamana ne go Tarama Velaka ireqe me de ikoe go God, go ia vano iriki Jiu go kaega tarina tabo gerena kaki sosovolomo iva kula go God ireqeme Spirit tabo.

Leta Ia Pol I Karo Ne Qira Basoero Na Rom 16:19

Osina basoero ne iri gata bana vaogoto raramu qamu vamazale go Tarama Velaka ne. Ianae ilete vakula va era tane de qamu gogo ramu. Era qa soko muna rove va velake pata ni velaka go, do qaki soko kaega muna lulua go nanao ro i sakata go.

Leta Ia Pol I Karo Ne Qira Basoero Na Rom 16:26

Do ninidena ogoto nae i sadaka me to loborona koru ria propetaro ne, mana seko ia God i too go osina ṉalu topu ro ne, i sadaka e to osina dia kolabana vudu pua go osina basoero ne tarina vaogote God mana lulua iago.

Leta Ia Pol I Karo Ne Qira Basoero Na Rom 8:13

Tanego ṉalu qamu lulua go vatovato na tokama qamu ni soko go too na vudu pua dena, ramu tamuna le, do ṉalu karaputa ia Spirit tabo go qamu vae vale ze go vatovato sakata ro ramu, ramu tamuna pala too.

Leta Ia Pol I Karo Ne Qira Basoero Na Rom 8:33

Akena to tina seko vasakata qira go basoero tavine ia God? Tanuna God to i sine vatatavata bana me, igo, iriki kebu kaega.

Kameka Korinti 1:30

Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.

Kameka Korinti 6:11

Kakia ro ramu qamu go bana to nae. Do ninidena Kristo ivadalo qamu, i vakuziki lupo ne kebu ro ramu. Mana i vine qamue de koego God, ramu qamu ko totoloṉoe de koe God, loborona zazu ia, Batu ita Jesu Kristo mana de koe Spirit ia God ita.

Karua Korinti 10:5

qi pero vakuziki ne vatovato vazakanapu ro ria basoero i vamidiki qirae go rove na too ia God, qi teke qira nanao velaka ro go tarina vaogote Kristo.

Kolosia 3:12

Ramu qamu basobasoero ia God, i mamaligara ne qamu mana i vine qamu tamuna ke ia tanuna. Iago vakeba ze too ramu, vari vatatavisi, dego va velaka ne na kene basoe, vaqoqoro na too ramu, vamanakamana basoe mana va totoloṉe basoe i zaza kakavata go, va losia nanao qamu, kasi muma katikili go.

Karua Tesalonika 2:13

Turaquro, i tora remu mi seko velaka ne God osina ṉalu, sauqamu ramu, tanego Batu me i mamaligara ne qamu. God i vine kenaqana bana qamu tamuna kavele loborona karaputa ia Spirit tabo, go ramu tamuna basoero tabo ia loborona vaogoto na seko ogoto ia.

Karua Timoti 2:10

iato go era qa zazu so, patavolomo iri vasasakata nava. Qa soko tavisi ne qira basoe ia God i vine bana qira go, go tarina vakameka ne Jesu Kristo. Go God tina vakavele qira mana teke ne qira too iki rove go kaega lupo.

Taetusi 1:1

Era Pol qa basoe zazu ia God mana qa apostolo ia Jesu Kristo. God i turi nava era go tuna tavisi ne qira basoero ia i vine bana qira go, go tarina vaogoto ia mana go tarina rove velake vari vatatana na vaogoto ita go.

Iburu 10:22

Iago ita mata za garogaro God, tanego nanao qita i dalo mana vaogoto ita i karaputa. Nanaoqita i poṉo ego vasakata pata, tina vavoru ze parasana Kristo, mana tokama qita tina dalo tanego qata seqe ne besi voru.

Iburu 11:28

Loborona vaogoto ia de koe God, ia i vatupia go musaqara lavata na Pasova, i sine ne qira basoero ne tarina sapi ze parasana pata qaraqara iri puare go siporaṉa na pade ro ria, go ṉalu aqelo tina turine me God tiniki lama vae vale qira kaega sale valekero kenaqa ria vano Izirel.

Iburu 12:24

Qamu lama dokae de koe Jesu, ia i vanama go vari toqe voru, mana parasana ia i va voru bana qita go, i vasadaka me topu na pata velaka, sivala ne parasana Ebolo.

Iburu 5:9

Ṉalu i valupo to osina zazu, God i vazakazaka ia, iato i vari va kevele ogoto, ria iri toqe ne ia tarina pala too i ko sivala go,

Kameka Pita 1:14

Muna vaogote God, mana kasi va lulu zena too ramu nanao sakataro qamu lulu bana go ṉalu bana ne de qamu ara kaebo go rove na kaki pata.

Kameka Pita 1:19

Kaega, ia i voli qamue ramu parasa velaka sivala na Kristo, Kristo i gerena sipi iri komakoma nego i kaega ne kaki sakata.

Kameka Pita 1:20

Tarakenaqana me God iara va zaria go vudu pua, ia i vine bana Kristo go tina vakavele qamu, mana torana dena go tina za mamanava go vudu pua, Kristo i lama bana, i zazu ne go pata dena sau qamu ramu.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.

Karua Pita 1:2

Go Mana mana bule mara koe de qamu koe ramu, loborona rove velaka ramu de ikoego God, mana Jesu Kristo Batu ita.

Karua Jon 1:1

Era qa kazigaratana lotu qa karo nigo aro qole tavini, mana sale ro aro go. Qa lete mamaligara ne qamu, do iki tanuqu so era kaega, ria napu to iri rove velake go Jesu Kristo go.

Karua Jon 1:13

Salero ia vavanimu qo mamaligara ne go iri vagaretu tavise seko kula ria de qamu koego ramu.

Judi 1:2

Go manava, bule mana mamaligara mara kotavisi qamu osina ṉalu topuro ne.