Kameka Pita 1:18 - Vato Vari Vakameka Voru Ia Batu Ne

¹⁸ Tanego ramu qamu rove bana de igogo God i voli bana go osina too sakata ro, qamu soba bana ze go kazigarata bana ro ramu. Ia iki voli qamue kaega pata go niara za sakata napu gerena qolu ba siliva.

Kameka Pita 1:18 ပူးပေါင်းရင်းမြစ်များ

Maka 8:37

Tanego i kaega to kaki pata i soso go, go tina pala vaule ze go too ia.

Leta Ia Pol I Karo Ne Qira Basoero Na Rom 1:21

Iri rove ria tane God, do iri kasi qira so va batu na, mana i kaega ne qira so seko velaka na ia. Nanao qira i kaega so kaki pata velaka ikoego. Mana kuzuku qira i kokoba i purake so too rodoko ro ne.

Kameka Korinti 3:20

Mana kakia napu Buka tabo ne i sine, “God i rove nanao ria vano iri lete tarove go, i kaega so kapata i tora go.”

Kameka Korinti 6:20

tanego God i voli bana qamu, mana kudo na voli qamu i lete lavata sivala. Iago vazazu ze tokama qamu sauna velaka na God.

Kameka Korinti 7:23

God i voli lupo bana qamu, iago kasi vamao ne qira basoero go mara va seka qamu.

Qalesia 1:4

Kristo iteke ne tanuna tina le ne sauna vasakata pata ro ita, go ita mata talukase too sakata na pua dena. Loborona vatovato dena to i lulua go soko ia God Tamaqita.

Epesus 4:17

Loborona vitonona Batu ita ne, era qa seko vabanabana qamu ramu, kasi ko gere napu qira vano rodoko tanego nanao ro ria, izaza volomo so.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Iburu 9:12

Ṉalu Kristo i keba za go pade iri pala zazao nego, kameka ṉalu so de ilete tabo sivala go. Jesu iki pala za kaega parasana nani koti ba buluka go tina koma koma nego, do ia i pala za parasana tanuna mana zuka dena to i pala vakuziki ne vasakata pata ro ita mana qata pala ze vari vakavele ita go.

Kameka Pita 1:7

Lavatana pataro dena go mara vasadake mazala na vaogoto ramu i nadu go. Qolu do iri subi ze nako ṉalu iri pada nego, go iri vadalo go, do qolu nae i mazala so za kaega, ba vaogoto raramu go i sivala ne qolu. Iago God tina pada napu ne vaogoto raramu go tinara nadu, mana tamuna toṉove vazaka, mana va popoka na vitoṉo qamu, mana va mazala qamu ṉalu musaqara Jesu tina sadaka mego.

Kameka Pita 4:3

Kokosona ne, qamu va riqo ze too ramu lulu na pataro iri zazu nego basoero iriki vaogoto go kaega, vano iri vari vagabu, iri soko go zazu ne na pata sakataro, iri poro ge loka, iri zazu ne kelo lavata ro, go iri ṉaṉa mana lete ge loka mana iri zazu ze pata sakata ro tarakenaqa qira basoero ne, mana iri vazaka qira beku ro go.

Kameka Jon 3:5

Ramu qamu rove Kristo i lamae go vudu pua dena, go tina pala vakuziki ne vasakata pata ria basoero ne.