Kameka Pita 1:12 - Vato Vari Vakameka Voru Ia Batu Ne

¹² Iago, God iva sadaka me ze de iri koego propetaro ne sauna zazu iri zazu nego, iki sauqira so kaega tanuqira, do i sauna to tavisi ne qamu ramu. Mana pataro iri sine bana go ria ne, iato qamu gata qirae go vano iri sine vasadake go tarama velaka de qamu koe go. Ṉalu ria iri tamana ne go Tarama Velaka nae, Spirit tabo iva karaputa qira, ituri ne me God ikoego rani ne, iato pataro dena to aqeloro ne iri soko go nanao rove na.

Kameka Pita 1:12 ပူးပေါင်းရင်းမြစ်များ

Matiu 11:25

Torana ṉalu nae Jesu igo, “Mamae, Batu na rani mana pua, qa seko velaki go, tanego qo vamia qirae ria iriki vatatana bana qira go kaega, pataro pipika qo pika ne qira go vano tarove mana vano iri nanao rove go pata.

Matiu 11:27

Mamae i teke lupo nava era osina ro pata. Kaega ka basoe irove go Tuna, do Tamana so irove go, mana kaega ka basoe i rove go Tamana, do tanuna so Tuna mana basoero i vine bana go Tuna tina vasadaka ne qira go.

Matiu 16:17

Jesu i vataule ne ia, “Saimon tuna Jon, kula sivala de qo koego aro. Kaega ka basoe na vudu pua dena i va rove zigoe aro, tarove ogoto nae, do Mamae i koe rani ne tane i teke vatotoloṉo nigo aro.

Maka 16:15

Jesu i sine ne qira, “Muna zae osina dia kolabana vudu pua mana tamana qirae basoero ne Tarama Velaka era dena.

Luka 15:10

Gerena so qa sine ne qamu go dena, aqelo ro ia God iri koego rani ne, iri lete kula sivala ne kameka basoe i manava sakata nego vasakata pata ia.”

Luka 2:26

Spirit tabo ne iva rove bana ze dekoe Simion, mana ia tiniki mazala kaega le, go za doka so ṉalu tina miasoba go Kristo Batu ne.

Luka 9:6

Disipoloro ne iri zaza goe to komala ro ne, va tatavata ne qira basoero Tarama Velaka ia God, mana iri va velaka qira basoero i pala qira go soso mokoso ro ria go.

Tarama Velaka Ia Jesu Kristo I Karo Go Jon 15:26

Era tuna turi ne me basoe vari va tatavisi tina reqe me de koe Mamae, basoe vari va tatavisi nae ne iato Spirit tabo, ia tina vasadake ogoto na God. Ṉalu ia tina za lama go, ia tina sine ne qamu sauqu era.

Zazu Ria Apostoloro 10:44

Torana iara sekoseko so Pita, Spirit tabo ne i qoqoro me de iri koego osiqira ria iri gata go seko velaka ne.

Zazu Ria Apostoloro 16:10

Pasi i mia lupo miadua dena Pol, qi vanama go timuna zae Masedonia, tanego qi nanao God i koru qemu timuna za tarama ne Tarama Velaka ia, de iri koego basoero na de gogo ne.

Zazu Ria Apostoloro 2:33

I za koe karisi matauna God Tamana mana i tonovo ze de ikoe ia Spirit tabo, gerena, i pui bana ne go ia. Iago, pata qamu mia mana gata qamu gogo nini dena ia to sosovolomo ia Jesu, i zeleme ze de qamu koego ramu.

Zazu Ria Apostoloro 4:31

Ṉalu ria iri lotu lupo pade iri teṉoe go i vizu, osiqira iri purake to Spirit tabo, mana muzina nae ria iri vatupia to tarama vakaraputa ne seko ia God.

Zazu Ria Apostoloro 4:8

Pita i purake go Spirit tabo i vataule ne qira, “Ramu batu ro ria basoero, mana kazigarata ro go.

Zazu Ria Apostoloro 8:25

Pita mana Jon iru tarama ne Kristo de iri koego basoero ne, iru sine vasadake seko ia God, goto nae iru gado ule za Jerusalema. Loborona zaza gado iru vae go, iru tarama lulu e komakomala na Samaria Tarama Velaka ia Batu ne.

Leta Ia Pol I Karo Ne Qira Basoero Na Rom 1:15

Iato nae tanego era qa lete soko go tamana ne na Tarama velaka de qamu koe go ramu basoero qamu koe go Rom.

Leta Ia Pol I Karo Ne Qira Basoero Na Rom 1:17

Tanego Tarama velaka i vasadake de igogo God i vatotoloṉo napu me qira go basoero ne de ikoego tanuna. Gerena i sine go Buka tabo ne. “Basoe i vatotoloṉo napua go vaogoto ia de ikoe go God, basoe nae tina pala too ogoto.”

Leta Ia Pol I Karo Ne Qira Basoero Na Rom 10:15

Mana ava tina gogo tina sadaka go tarama nae ṉalu iriki turine go kaega basoe go tina za sine go? Iato nae go i sine go Buka tabo ne, “I lete vari va kula sivala lama qira basoero iri pala mego Tarama Velaka.”

Leta Ia Pol I Karo Ne Qira Basoero Na Rom 15:19

Ia ivazazua karaputa na lala mana pata vari vapoloso i palua go karaputa ia Spirit tabo. Iago, osina dia qa zae go, reqe Jerusalema za dokae Ilirikam, qa vasadaka lupo ze tarama velaka ia Kristo.

Kameka Korinti 2:10

Seko dena to i ko pipika go, do loborona zazu ia Spirit ia God i vamia qemue remu, Ove to Spirit i mazala miana pataro i pupuika ego tanuna God.

Karua Korinti 1:22

i taru ze lala ia i tonovo qita, mana ia i teke ne qita, Spirit tabo loborona puṉuqita, ianae i va nanao taru qitae ita, topu na pataro iara ko napu, i babana ne qita go.

Karua Korinti 6:6

Do too dalo remu, qi rove vavelake zazao na Tarama Velaka ne, qiki muma katikili kaega, mana zazu vari vatatavisi remu, qi vasadake qi vano zazu ia so God, remu qi toṉove Spirit tabo mana qi mamaligara ogoto ne qira basoero go.

Qalesia 1:12

Era qaki pala ze kaega de ikoe kakia basoe, ba kaki basoe tane i vatatanava go, do tanuna so Jesu Kristo i vasadaka nava go.

Qalesia 1:16

i vasadaka nava Sale ia, go era tuna tarama ne go Tarama Velaka ia de iri koego vano iriki Jiu go kaega. Zazu era dena qaki taqi ze kaega kaki basoe go tina vatatanava go,

Epesus 3:10

Do ninidena God i va zazua eklesia go tina vasadake go nanao velaka ro ia God, de iri koego aqeloro ne mana kero ne karaputa ro zakazaka ne.

Kameka Tesalonika 2:9

Pata ogoto, ramu turaqemu, qamu nanao tarua de i gogo qemu zazu kuse mana musaqara, go timuniki va makuru qamue kaega ramu sauna pata gege, ṉalu remu qimu tamana ne qamue Tarama Velaka ia God.

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Iburu 11:13

Basoero dena iri vaogote God, gogo i doka ṉalu iri le go, loborona ara too iri vaego iri ara kaebo so pala na pata i pui ne go God, do iri ko valaqalaqa mana iri kula ne zaqe so, mana iri sine vasadake iri go, remu qi basoero na vudu kakavata mana qi basoe zazu so go, iri go.

Iburu 2:4

Tanuna God i vakaraputa napua seko dena loborona ro zazu mazala ro mana zazu vari vapoloso go, mana kenakena na sosovolomo i reqe me Spirit tabo de koe basoero i soko go tanuna.

Iburu 4:2

Ita qata gata bana Tarama Velaka ne, gere na ria iri gata bana go. Ria iri gata bana go tarama ne, do tarama nae iki tavisi ne qira kaega, tanego iriki toqe ne kaega vaogoto na ṉalu iri gata go.

Kameka Pita 1:25

Do seko ia God 3 too osina ṉalu topu ro.” Seko nae ia to Tarama Velaka iri sine vasadaka bana me de qamu koego ramu.

Kameka Pita 4:6

Basoero iri le bana go, iri gata bana Tarama Velaka ne. Ara too iri vaego iri pala kimata, mana iri le gere qira so osiqira basoero. Do pasi ninidena iri le bana to, iri mazala to pala na too de ikoego God tepa rani ne.

Revaleson 5:11

Ṉalu qa reṉa napu aqe qa gata mao na aqelo ro iri kera. Topu na aqeloro iri teṉo go nae, i makuru to qana qira! Iri degere ligute de kolokoloku batubatu ne, ria to aqelo ro de, kavasi pata qaraqara too, mana kazigarata ro ne.