Kameka Jon 5:1 - Vato Vari Vakameka Voru Ia Batu Ne

¹ Osiqira ria iri vaogote Jesu to, i Mesia go, ria to iri salero iago God. Mana osiqira ria iri mamaligara ne go sale ia.

Kameka Jon 5:1 ပူးပေါင်းရင်းမြစ်များ

Matiu 16:16

Saimon Pita i vataule, “Aro qo Kristo, qo Tuna go God i too sivala go.”

Luka 7:5

I mamaligara ne qira basobasoero remu, mana iato valeke dena ia vadegere go Pade Lotu remu vano Jiu.”

Tarama Velaka Ia Jesu Kristo I Karo Go Jon 1:3

Mana de ikoego to ‘Seko’ dena, God i vazaria go osina pata i koego kolabana pua dena.

Tarama Velaka Ia Jesu Kristo I Karo Go Jon 15:23

Basoe iki soko ava go kaega era, iki soko napua so kaega Mamae go.

Tarama Velaka Ia Jesu Kristo I Karo Go Jon 3:3

Gonae Jesu ivataule ne ia igo, “Ma sine nigo pata ogoto, ṉalu basoe iki podo ule napu go kaega, i makure tina keba za Too ikoego vari miasoka ia God.”

Tarama Velaka Ia Jesu Kristo I Karo Go Jon 6:69

Remu qi vaogote mana qi rove aro to qo tabo qo reqe mego de ikoego God.”

Tarama Velaka Ia Jesu Kristo I Karo Go Jon 8:42

Gonae Jesu i vane qira dena, “Ṉalu go God i Tamaqamu ogoto, ramu tamu mamaligara nava era, tanego era qa reqe me de ikoego God, mana iato i turi nava mego. Era qaki lama ne kaega luluna nanaoqu tanuqu, do qa lulua nanao na ia i turi nava go.

Zazu Ria Apostoloro 8:36

Loborona zaza iru vaego zuka ne, iru lama dokae de i koe kaki besi, valeke na Itiopi i sine ne Pilipi, “Besi to dena. Avana tane tinara va makuru ava go era go tuniki bapitema go kaega?” [

Zazu Ria Apostoloro 8:37

Pilipi i sine ne ia, “Ṉalu qo vaogote Jesu mana qo mamaligara ze ia osina puṉumu, qo mazala to bapitema,” valeke ne i vataule, “Era qa vaogote Jesu Kristo i Tuna God.”]

Jemisi 1:18

Vatovato ia tanuna i valame ne qita ita seko ogotona too, mana go ita tatana ko kenaqa ne qira osina pataro i vazaria go.

Kameka Pita 1:3

I lete velaka sivala mata teke ne seko velaka de ikoe God Tamana Batu ita Jesu Kristo! Tanego Mana ia i teke ne qita too voru loborona va too ivae mego Jesu Kristo tepa le ne. Ia dena nanao iva puraka qitae ita ruruqe i too taru osina ṉalu.

Kameka Jon 2:10

Do ṉalu basoe i mamaligara ne kene basoe lotu, basoe nae to ikoego loborona tatavata. Mana i kaega kaki pata i vasakata nego ia, gogo tina sine ne go kene basoe.

Kameka Jon 2:29

Ramu qamu rove Kristo itotoloṉo, iago basoe i zazu nego vatovato itotoloṉo go, i sale ogoto ia to God.

Kameka Jon 3:14

Ba ita qata kasi bana neto tepa ia le, mana qata kavae to tepa ia too ogoto, ṉalu ninidena, tanego qata mamaligara ne qira vano lotu. Do vano iriki mamaligara ne qira kaega kero ne vano lotu, iri ara koeso tepa ia le.

Kameka Jon 3:17

Do ṉalu kaki kameka valeke vavagado i mia kakia turana iko makuru ne go pataro tina tavisi ne go, do valeke vavagado dena iki soko to kaega tavisi nena sauna pata i makuru ne go turana dena. Avigo tane i sine go tanuna imamaligara ne God igo na?

Kameka Jon 3:9

Ka basoe i lama sale ia God, tiniki ara lulua kaega zuka na vasakata pata, tanego God i ko tavise ia mana God i Tamana, iago tiniki ara vasakata pata napu kaega go.

Kameka Jon 4:2

Ramu tamuna gata rove ze so seko ia basoe, ṉalu iri pala ogote go Spirit ia God. Ṉalu basoe igo Jesu Kristo i lama podo basoe gere so tokama qita ita vano basoe, ria tonae iri toṉove go Spirit ia God.

Kameka Jon 4:20

Ṉalu basoe igo, “Qa mamaligara ne God igo, do sakata qira so kero ne vano lotu gogo ne i poqe, tanego, ia iki mamaligara ne kaega basoe lotu ni reṉa ne go, iago, avatina go tane tina mamaligara ne go God iki reṉa ne go kaega.”

Kameka Jon 4:7

Vakitaka ro era, ita tatana vari mamaligarae, tanego mamaligara i reqe de ikoego God. Ka basoe i vari mamaligarae, i sale ia God mana i rove God go.

Kameka Jon 5:18

Qata rove salero ia God iriki zazu taru ne kaega vasakata pata, tanego Sale ia God i miasoka taru qira so, go ia Satana tiniki vasakata qira kaega.

Kameka Jon 5:4

Tanego osiqita salero ia God qata mazala to vaqoqore na vatovato na vudu pua dena. Loborona to vaogoto ita qata mazala go vaqoqoro zena.

Kameka Jon 5:5

Iago, akena to i mazala go vasivala nena vatovato sakatana vudu pua dena? Tanuqira to ria iri vaogote go Jesu i Tuna ogoto go God iri mazala go.