Kameka Jon 4:8 - Vato Vari Vakameka Voru Ia Batu Ne

⁸ Basoe iki mamaligara ne qira kaega basoero ne, basoe nae iki rove kaega God, tanego God to imamaligara go.

Kameka Jon 4:8 ပူးပေါင်းရင်းမြစ်များ

Karua Korinti 13:11

Turaquroe, nindena qa sine koto ramu! Muna pada ne ko totoloṉo osina ṉalu mana gata pataro qa sine qamu go era, vakameka ne qira kero ne basoero mana koe loborona bule. Go God i soso nego mamaligara mana bule mara koe de qamu koego.

Epesus 2:4

Do manava ia God i lete karaputa mana mamaligara ia i lete lavata sivalae de qata koego ita.

Iburu 12:29

tanego God ita, i gere nako lavata i mazala subi lupo na osina pata.

Kameka Jon 1:5

Ia dena to tarama qimu gata bana ze go de ikoego Tuna God go qimu sine vasadaka ne qamu go ramu. God i tatavata mana i kaega napu to ka rodoko iara koego de ikoego.

Kameka Jon 2:9

Ka basoe igo ikoe tatavata, do i vasakate kaena gogo ne, basoe nae iara koeso rodoko, go i lama idokae so ninidena.

Kameka Jon 3:10

Pata tina sadakae go vari vakakavatae riru sale ia God mana sale ia Satana, iaso vatovato dena. Basoe iki zazu ne go kaega pata iki totoloṉo go kaega, mana iki mamaligara ne qira kaega kero ne basoe lotu gogo ne, iki sale ia kaega God do sale ia to Satana.

Kameka Jon 3:6

Iago, ria iri ko vakamekae de ikoego Kristo iriki zazu ne kaega vasakata pata. Do vano iri zazu tarune go vasakata pata osina ṉalu iriki mia kaega Kristo, mana iriki rove bana so kaega iago.

Kameka Jon 4:16

Iago ita tanuqita qata rove mana vaogote mamaligara ia God i koe go de qata koego. God tanuna i mamaligara, iago, basoe i tooe go mamaligara ikoe loborona God, mana God ikoe loborona basoe nae go.

Kameka Jon 4:7

Vakitaka ro era, ita tatana vari mamaligarae, tanego mamaligara i reqe de ikoego God. Ka basoe i vari mamaligarae, i sale ia God mana i rove God go.