Kameka Jon 4:7 - Vato Vari Vakameka Voru Ia Batu Ne

⁷ Vakitaka ro era, ita tatana vari mamaligarae, tanego mamaligara i reqe de ikoego God. Ka basoe i vari mamaligarae, i sale ia God mana i rove God go.

Kameka Jon 4:7 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 13:34

Ninidena qa teke ne qamu tamana voru, muna vari mamaligarae gere era qa mamaligara ne qamu go, iago muna vari mamaligarae.

Tarama Velaka Ia Jesu Kristo I Karo Go Jon 17:3

Mana too iki rove go kaega lupo dena ne, italupase basoero ne tarina rove velake, aro to qo God ogoto, mana tarina rove napu ava era Jesu Kristo noqo turi nava mego.

Kameka Korinti 8:3

Do basoe i mamaligara ne God, God i rove velake basoe nae.

Karua Korinti 4:6

God i sine bana, vazari i vae nego kolabana pua ne, “Loborona de rodoko, tatavata ina damare.” Iato God dena so, ivatatavata ze go tatavata ia loborona puṉuqita. Tatavata dena i varove qitae tatavata mazala ia God, i damara ego tarakenaqana Kristo.

Qalesia 4:9

Do ninidena ramu qamu rove to God ogoto, do era mago, God tane irove kenaqa qamu go ramu, do avigo tane qamu taleqe ule go manuru sakata memelaka na ro vudu pua dena, mana avigo tane qamu soko go vele seka napu ne qira go na? Avigo qamu soko tamuna seka ne pata igogo ne?

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Karua Timoti 1:7

Tanego Spirit ni teke qita go God, iki lama vasareki qita kaega do i vakaraputa qita, mana i tavisi ne qitae mamaligara ne qira basoero, mana i tavisi ne qitae miasoka na tokama qita go.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Jon 2:10

Do ṉalu basoe i mamaligara ne kene basoe lotu, basoe nae to ikoego loborona tatavata. Mana i kaega kaki pata i vasakata nego ia, gogo tina sine ne go kene basoe.

Kameka Jon 2:29

Ramu qamu rove Kristo itotoloṉo, iago basoe i zazu nego vatovato itotoloṉo go, i sale ogoto ia to God.

Kameka Jon 2:3

Ṉalu kakia basoe igo, era qarove velake God igo do iki lulua go kaega Tamana igogo ne, basoe nae i poqe mana i kaega ne so ka seko ogoto de ikoego.

Kameka Jon 2:7

Ramu turaquro, tamana qa karo ne qamu go dena iki tamana voru kaega, do i tamana bana qamu rove bana me so kokosona ne. Mana tamana dena iato qamu qata bana mego.

Kameka Jon 3:9

Ka basoe i lama sale ia God, tiniki ara lulua kaega zuka na vasakata pata, tanego God i ko tavise ia mana God i Tamana, iago tiniki ara vasakata pata napu kaega go.

Kameka Jon 4:11

Ramu turaquro tanego God i lete mamaligara ne qita, iago ita mata vari mamaligarae napu tanuqita.

Kameka Jon 4:12

Kaega ka basoe ireṉa bana ne God, do ṉalu ita gata vari mamaligarae napu go tanuqita, God iko kamekae de qata koego, mana mamaligara ia i lama totoloṉo lupoe de qata koego.

Kameka Jon 4:16

Iago ita tanuqita qata rove mana vaogote mamaligara ia God i koe go de qata koego. God tanuna i mamaligara, iago, basoe i tooe go mamaligara ikoe loborona God, mana God ikoe loborona basoe nae go.

Kameka Jon 4:20

Ṉalu basoe igo, “Qa mamaligara ne God igo, do sakata qira so kero ne vano lotu gogo ne i poqe, tanego, ia iki mamaligara ne kaega basoe lotu ni reṉa ne go, iago, avatina go tane tina mamaligara ne go God iki reṉa ne go kaega.”

Kameka Jon 4:8

Basoe iki mamaligara ne qira kaega basoero ne, basoe nae iki rove kaega God, tanego God to imamaligara go.

Kameka Jon 5:1

Osiqira ria iri vaogote Jesu to, i Mesia go, ria to iri salero iago God. Mana osiqira ria iri mamaligara ne go sale ia.

Karua Jon 1:5

Iago qa sine nigo qole, ita mata vari mamaligarae. Tamana dena iki pata voru gara karo ne qamu so kaega era, do i tamana qata rove bana me so kokosona ne.