Kameka Jon 4:4 - Vato Vari Vakameka Voru Ia Batu Ne

⁴ Do ramu turaquro qamu keia God mana qamu vaqoqoro bana qira ramu tane propeta poqepoqe ro nae, tanego Spirit tabo i koe go de qamu koe i karaputa sivala ne qira, kana ro ia Kristo iri keia go vudu pua de.

Kameka Jon 4:4 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 12:31

Torana to ṉalu dena, God ina zazu ne vivine ia dekoe kolabana pua dena, mana karaputa ia Satana ni kenaqa ne zego kolabana pua dena, tina vanaqe.

Tarama Velaka Ia Jesu Kristo I Karo Go Jon 14:30

I makuru ava tuna seko tabe vaumata qamu go, tanego Satana ni kenaqa nego vudu pua dena i za lama. I kaega ne karaputa de qa koego era,

Tarama Velaka Ia Jesu Kristo I Karo Go Jon 16:11

Mana iri kebue dego akena tina zazu ne ze vivine ia God, tanego God i zazu bana ze vivine ia de ikoego Satana ni kenaqa ne go kolabana pua dena.

Tarama Velaka Ia Jesu Kristo I Karo Go Jon 17:23

Era qa ko tavisi qira, mana aro qo ko tavisi ava era, go ria tarina kameka go. Iato zuka dena to, go basoero na kolabana pua de tarina rove aro to qo turi nava era, mana qo mamaligara ne qira, gerena aro qo mamaligara nava go era.

Leta Ia Pol I Karo Ne Qira Basoero Na Rom 8:31

Ṉalu qata nanao lulusu zaqe go pataro dena, avana mata vane to? Mana ṉalu God ikoego tepa ita, akena to go i mazala go vakuziki ne qitae go ita? Kaega to kaki basoe i mazala go.

Leta Ia Pol I Karo Ne Qira Basoero Na Rom 8:37

Do ita mata kasi pela nena pataro dena. Kristo i mamaligara ne qita go qata karaputa ne go pataro dena osina ṉalu.

Kameka Korinti 2:12

Ita qatiki pala kaega Spirit na pua dena, do ita qata pala Spirit i turi ne me God, go tatana rove osina pataro i teke ne qita go God.

Kameka Korinti 6:13

Kaki basoe napu tina mazala so sine na, “Pata gege i pata na kuaba, mana kuaba ne i pata roku na pata gege,” oveto, do God tina valupo qiru karua pata nae. Tokamana basoe iki pata vazazu na kaega zazu sakata ro, do tokama ne, na vazaka mana osaka ze Batu ne, tanego Batu ne tane i teke ne qita go tokama ne.

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Karua Korinti 6:16

Pade Lotu ia God i makuru tina vakameka ne pade manumanuru, tanego ita to qata Pade Lotu ia God! Gerena God tanuna i sine, “Era na zazu ze komala era, de iri koego basobasoero era mana tuna ko tavisi qira. Era tuna God ria mana ria tarina basobasoero era go.”

Epesus 2:2

Ṉalu nae ramu qamu lulua vatovato sakata na vudu pua, mana qamu lulua Satana, i batu lavata ria manuru na ro varioka ne. Mana iato i kenaqa ne qira go basoero iri legulegua go God.

Epesus 3:17

Mana qa pene Kristo mara vakomale puṉu qamu loborona vaogoto ramu de ikoego, mana mara vasadaka me mamaligara ramu de iri koego osina basoero ne.

Epesus 6:10

Kameka pata napu, ramu muna degere vakaraputae loborona ko kameka ramu de ikoego Batu ne, sauna karaputa varavarana ia.

Kameka Jon 2:1

Ramu salero era, go qa karo ne qamu go pata dena, go ia mamu kasi vasakata pata, do ṉalu ka basoe izazu ne pata sakata, ita iko ne qita Jesu Kristo tina tavisi ne qita. Tanego ia to i totoloṉo sivala, mana tina pene zego de ikoego Tamaqita go tina tavisi ne qita go.

Kameka Jon 2:13

Qa karo ne qamu kazigarataro tanego qamu rove bana ia iko bana mego tarakenaqana go iara vazariago vudu pua. Qa karo ne qamu vano voru, tanego qamu vaqoqoro bana vatovato sakata ia Satana.

Kameka Jon 3:20

Patavolomo nanao i reqeme go puṉuqita imia vaqoqoro qita sauna qatiki totoloṉo go kaega, do God i karaputa sivala ne puṉuqita, mana i rove osinapata topu go.

Kameka Jon 3:24

Ka basoe ilulua go tamana ia God iko kamekae de ikoego God, mana God i ko kamekae de ikoego ia. Mana ita qata rove God itooe loboro qita, tanego ia iteke ne qita Spirit tabo ia.

Kameka Jon 4:13

Tanego God iteke bana ne qita Spirit tabo ia. Iago ita qata rove God i kotavisi qita, mana ita qata kotavise go.

Kameka Jon 4:16

Iago ita tanuqita qata rove mana vaogote mamaligara ia God i koe go de qata koego. God tanuna i mamaligara, iago, basoe i tooe go mamaligara ikoe loborona God, mana God ikoe loborona basoe nae go.

Kameka Jon 4:6

Do ita qata keia God. Basoe i rove go God, i gata mana i toqe ne, pataro qata sine go ita. Do basoe iki keia go kaega God, iki gata kaega ia tane pataro qata sine go ita. Iato nae to pata iru vari kakavatae ne go Spirit tabo ogoto mana Spirit ia vudu pua dena ni poqe go.

Kameka Jon 5:19

Ita qata rove qata basoero ia God, do basoero na vudu pua dena irikoe to polana karaputa ia Satana.

Kameka Jon 5:4

Tanego osiqita salero ia God qata mazala to vaqoqore na vatovato na vudu pua dena. Loborona to vaogoto ita qata mazala go vaqoqoro zena.

Revaleson 12:11

Do ria turaqita ro ne iri vapela ze ia karaputa na parasana Sipi ne, mana karaputa na seko ia iri vasadake go. Iri toqe ne soso na too ria, mana iriki sareki ne kaega le go.