Kameka Jon 3:7 - Vato Vari Vakameka Voru Ia Batu Ne

⁷ Ramu salero era, kasi vamao nena kakia basoe go mara poqe qamu go! Ka basoe i zazu ne pata totoloṉo, i totoloṉo to tarakenaqana God, gere go Kristo i totoloṉe go de ikoego God.

Kameka Jon 3:7 ပူးပေါင်းရင်းမြစ်များ

Matiu 5:20

Ma sine ne qamu pata ogoto ṉalu qamuki lulua kaega vatovato velaka i soko go God, gere qira ria vano Parisio mana vano tarove na tamana gogo ne, qamu ki mazala kaega tamuna keba zago de ikoego vari miasoka ia God.”

Luka 1:75

Go tatana tabo mana totoloṉoe tarakenaqa na ia, osina to musaqara loborona too ita.

Zazu Ria Apostoloro 10:35

Ka basoe i vaogote go God mana i zazu ne pata i totoloṉo, God i toqe ne ia, patavolomo adeki sinaqe i reqe mego.

Leta Ia Pol I Karo Ne Qira Basoero Na Rom 2:13

Tanego, gata na so kaega Tamana basoe i totoloṉoe de ikoego God, do ia tina zazu ne mana lulu a go pata ro i sine go Tamana.

Kameka Korinti 6:9

Pata ogoto ramu qamu rove, basoero iri zazu ne too iki totoloṉo go kaega, tariniki pala kaega Too ikoego vari miasoka ia God. Iago kasi va bulaṉoe na tanuqamu, basoero iri vari vagabu mana iri vazaka go beku ro, ba taunata, valeke ro iri vari vagabu tanuqira go,

Epesus 5:6

Kasi toqe ne na basoe go mara vasoru qamue go seko bulabulaṉoe ro. Tanego pataro dena to tina valame go muma ia God, de iri koego ria iriki lulua go kaega vatovato ia.

Epesus 5:9

Tanego tatavata i vasadaka me soso sinaqe na velaka, totoloṉo, mana ogoto.

Pilipae 1:11

Too ramu mara purake vatovato totoloṉo i reqe me Jesu Kristo, go topu ria basoero tarina padapada mana vazaka God.

Iburu 1:8

Sauna Sale ia, God igo, “Ke God, de ikoego vari miasoka aro tina ko sivala osina ṉalu topu ro! Aro qo kenaqa mana vatovato ne qira basoero aro loborona totoloṉo.

Iburu 7:2

gonae Abra-am i teke ne ia vamanoga na osina pata ro i za pala ze go varitara ne. Talupasa na vitoṉo Melkizadek, igo de, “Batu lavata na zazu totoloṉo,” tanego i batu lavata na Salem, vitoṉona i talupasa napua so, “Batu lavata na bule.”

Jemisi 1:22

Kasi gatavana ne so, seko ia God qamu gata go, do muna zazu ne pata ni sine go.

Jemisi 2:19

Era qa rove ramu qamu vaogote i kameka minena so God ogoto iko go. Ivelaka sivala to nae! Manuru sakataro, do iri vaogoto napua so God iato go iri nenedere mana sareki napu so go.

Kameka Pita 2:24

Tanuna Kristo i pala ze tokamana osina vasakata pata ro ita, za le i vae go koluse ne, go ita tatana le ne too na vasakata pata mana tatana too napu ne de igogo ko totoloṉe na tarakenaqa na God.

Kameka Jon 2:1

Ramu salero era, go qa karo ne qamu go pata dena, go ia mamu kasi vasakata pata, do ṉalu ka basoe izazu ne pata sakata, ita iko ne qita Jesu Kristo tina tavisi ne qita. Tanego ia to i totoloṉo sivala, mana tina pene zego de ikoego Tamaqita go tina tavisi ne qita go.

Kameka Jon 2:26

Qa karu qamu ramu, tanego i sau qira ria iri pada ne go poqetoni qamu go.

Kameka Jon 2:29

Ramu qamu rove Kristo itotoloṉo, iago basoe i zazu nego vatovato itotoloṉo go, i sale ogoto ia to God.

Kameka Jon 3:18

Salero era, mamaligara iki pata na so kaega seko, mana sine volome na go, do mamaligara ogoto tina sadake to ṉalu qata tavisi ne qira qo basoero ne loborona mamaligara ita de iri koego.

Kameka Jon 3:3

Iago osiqira ria iri piri ne go lama napu na Kristo, ria mara miasoka velake tanuqira tepa ia vasakata pata gerena Kristo i dalo bana go.

Kameka Jon 4:17

Lavatana mamaligara ia God izazu ne totoloṉo de qata koego ita, gogo mara kaega ne qita sareki, do mata ko vanamanama, ne musaqara varitanae ia God. Tanego too ita vudu pua dena i gerena so too ia Kristo.