Kameka Jon 3:3 - Vato Vari Vakameka Voru Ia Batu Ne

³ Iago osiqira ria iri piri ne go lama napu na Kristo, ria mara miasoka velake tanuqira tepa ia vasakata pata gerena Kristo i dalo bana go.

Kameka Jon 3:3 ပူးပေါင်းရင်းမြစ်များ

Matiu 5:48

Iago muna lete va velaka sivale loborona zazu ramu dekoe Batu ne, gerena God i lete velaka sivala, i mamaligara ne qamu go.”

Luka 6:36

Muna varinanao mana manava sakata ne qira kero ne basoero, gerena Tamaqamu ikoego rani ne.”

Tarama Velaka Ia Jesu Kristo I Karo Go Jon 17:19

Era qa vanama tanuqu, go tuna osaka niqo, qa zazu ne ia dena sauqira ria ne, go ria tarina vanama ogoto ne osaka nigo aro.

Zazu Ria Apostoloro 15:9

Iki vine vakakavata qita kaega ita mana ria go. I nanao ulene vasakata pata ro ria, tanego iri vaogote ia, gerena napu so ita.

Leta Ia Pol I Karo Ne Qira Basoero Na Rom 15:12

Isaia napu to, igo, “Kameka valeke tina reqeme sinaqe ia Jese, mana valeke dena to tina lama kenaqa ne qira go vano iriki Jiu go kaega, mana iato tarina taruze 3 go ruruqe ria basoero ne.”

Karua Korinti 7:1

Iago vakitaka ro era, God i pui bana ne qita topuna pataro dena, iago ita mata vadalo tanuqita, sauna pataro i mazala go va poṉo na tokama qita ba madau qita, mana mata vatabo too ita. Mata padapadae de ikoego God loborona too ita.

Kolosia 1:5

Ṉalu tarama ogoto mana Tarama Velaka go i garetu doka kenaqe de gamu koego ramu, ramu qamu gata bana pata qata mazala pala zena Tarama Velaka igogo ne, tanego vaogoto mana mamaligara i kutamana to pata qamu ala ne go, pata igogo ne iato i soti vanadu ze God tepa rani ne.

Karua Tesalonika 2:16

Go Batu ita Jesu Kristo mana God Tamaqita i mamaligara ne qita, Mana ia, i vakaraputa qita osina ṉalu mana i vanadua ruruqe ita go.

Taetusi 3:7

go ita tatana toṉove go too iki rove go kaega lupo. Too qata vaogote go tatana za pala go ne God i manava ne qita, mana i taru vatotoloṉo qitae tarakenaqana tanuna go. Seko dena i pata ogoto, qa soko sine vamoqere nigo, ono sine vasadake vari vatatana dena, go basoero iri vaogote go God, mara teke ne ṉalu ro ria zazu na pataro ni velaka go. Pataro i velaka go ne, iato i mazala go tavisi ne qira go basoero ne.

Iburu 12:14

Padane koena loborona bule osiqamu, mana pada ne koena too i tabo go. Tanego kaega kaki basoe i mazala go mia na God ṉalu iki lulua go kaega too velaka.

Iburu 6:18

Karua seko dena i makuru kavala na, mana loborona karua seko dena God iki mazala kaega tina poqe go. Iago ita qata lama soba bana go de velaka de koe God, mata va karaputa nanao qita mana vanadua pata i pui ne qita go God.

Iburu 7:26

Jesu to i batu Patere ita tina tavisi ne qita go. Ia i tabo, i kaega ne kebu ba vasakata pata, God i taru vakakavata ze ia de iri koego vano vasakata pata go, mana God i taru vakakavata ze ia rani ne.

Jemisi 4:8

Muna lama ko garogaro de ikoe God, go God tina ko garogaro qamu go. Muna vanane vasakatapata ramu vano qamu zazu ne qo vasakatapata, mana vadalo puṉu qamu ramu vano qamu tatakiu go.

Kameka Pita 1:15

Tanego God i koru bana qamu go i tabo, iago ramu muna ko mana va tabotabo too ramu, mana osina pataro qamu zazu ne to go.

Kameka Pita 1:3

I lete velaka sivala mata teke ne seko velaka de ikoe God Tamana Batu ita Jesu Kristo! Tanego Mana ia i teke ne qita too voru loborona va too ivae mego Jesu Kristo tepa le ne. Ia dena nanao iva puraka qitae ita ruruqe i too taru osina ṉalu.

Karua Pita 1:4

Iato vatovato dena go i teke ne qita go mazala sivala, mana sosovolomo velaka sivala ni pui bana mego. Go tamuna pala go sosovolomo dena, muna paqa kasi ne too sakata ro ni koego basoero na vudu pua dena, gogo tamuna pala tavise go too tabo ia God.

Karua Pita 3:14

Iago turaquro, ko piri qamu vae ne go musaqara nae, pada ne mamu velaka mana tabo go, go mara kaega ne qamu kaki kebu tarakenaqana God, mana ko bule de ikoego iago.

Kameka Jon 2:6

Ṉalu basoe igo, iko kamekae loborona God, basoe nae to too ia tina igere ogote vatovato ia Jesu Kristo.

Kameka Jon 4:17

Lavatana mamaligara ia God izazu ne totoloṉo de qata koego ita, gogo mara kaega ne qita sareki, do mata ko vanamanama, ne musaqara varitanae ia God. Tanego too ita vudu pua dena i gerena so too ia Kristo.